完整藏文原文 · 德格版页 当前仅加载第 10 函德格 205a 版页；藏文 NFD、目录标记与异常页序保留在来源切片中，重复版页行以稳定序号区分。
འཕགས་མ་བཅོམ་ལྡན་འདས་ཀྱིས་གནང་གིས་ཚུར་སྤྱོན་སྐྲ་རེགས་ཤིག །དེས་སྨྲས་པ། འཕགས་མ་གལ་ཏེ་བཅོམ་ལྡན་འདས་ཀྱིས་གནང་ན་ལེགས་ན། དེ་ཅིའི་སོར་མོས་བྲེག་གམ། འདི་ལ་སྤུ་གྲི་དང་། བདར་དང་། སེན་གྲི་དང་། སྨང་ཚེར་
D6.010.0205a01.01དག་དགོས་སོ། །དེས་སྐབས་དེ་དགེ་སློང་མ་རྣམས་ལ་བསྙད་པ་དང་། དགེ་སློང་མ་རྣམས་ཀྱིས་དགེ་སློང་རྣམས་ལའོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གནང་གིས་དགེ་སློང་
D6.010.0205a02.01མ་རྣམས་ཀྱིས་དགེ་འདུན་གྱི་ཕྱིར་སྤུ་གྲིའི་སྤྱད་དག་བཅང་བར་བྱའོ།། །།འདུལ་བ་ཕྲན་ཚེགས་ཀྱི་གཞི། བམ་པོ་{བཅྭ་,བཅོ་}བརྒྱད་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་
D6.010.0205a03.01ཚེ་བཅོམ་ལྡན་འདས་ཀྱིས་དགའ་བོ་རབ་ཏུ་བྱུང་བ་དེའི་ཚེ་དེ་ལ་བཟང་མོས་ཆོས་གོས་བཅགས་ཤིང་རབ་ཏུ་བཅགས་པ་དག་མཉན་ཡོད་དུ་བསྐུར་རོ། །དེ་ནས་ཚེ་དང་ལྡན་པ་དགའ་བོས་ཆོས་གོས་བཅགས་ཤིང་རབ་ཏུ་བཅགས་པ་སར་པ་བ་སོས་ཕྱིས་པ་དག་བགོས། ལྷུང་བཟེད་འཚེར་བ་
D6.010.0205a04.01ཐོགས་ནས་དགེ་སློང་རྣམས་ཀྱི་མདུན་ན་འགྱིང་བག་ཏུ་རློམ་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི་དགེ་སློང་དག་ཆོས་གོས་བཅགས་པ་དང་། རབ་ཏུ་
D6.010.0205a05.01བཅགས་པ་དག་གྱོན་པ་ལས་གྱུར་ཏོ་སྙམ་དུ་མཁྱེན་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྐྱེས་བུ་གཏི་མུག་དགའ་བོ་ཆོས་གོས་བཅགས་ཤིང་རབ་ཏུ་བཅགས་པ་སར་པ་བ་སོས་ཕྱིས་པ་དག་བགོས་ལྷུང་བཟེད་འཚེར་བ་ཐོགས་ནས། དགེ་སློང་
D6.010.0205a06.01རྣམས་ཀྱི་མདུན་དུ་འགྱིང་བག་ཏུ་རློམ་པ་འདི་ནི་མཛེས་པ་མ་ཡིན་ཞིང་འཚམ་པ་མ་ཡིན་ནོ། །དེ་ལྟ་བས་ན་དགེ་སློང་གིས་ཆོས་གོས་བཅགས་ཤིང་རབ་ཏུ་བཅགས་པ་དག་བཅང་བར་མི་བྱ་སྟེ། འཆང་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་
D6.010.0205a07.01