完整藏文原文 · 德格版页 当前仅加载第 10 函德格 10a 版页；藏文 NFD、目录标记与异常页序保留在来源切片中，重复版页行以稳定序号区分。
དག་གིས་བགད་པ་དང་། དེས་སྨྲས་པ། ཤེས་ལྡན་དག་ཅི་ལ་དགོད། དེ་དག་གིས་སྨྲས་པ། ལྷ་ཅི་ཁྱོད་ད་ནི་འཕགས་པ་རྣམས་ལ་དང་པོར་འབུལ་སྙམ་དགོངས་ཀྱི། བདག་ཅག་གིས་ཆེས་སྔར་འཕགས་པ་རྣམས་ལ་ཕུལ་བར་ནི་མ་ལགས་སམ།
D6.010.0010a01.01དེས་སྨྲས་པ། གལ་ཏེ་དེ་ལྟ་ན་ངས་འཕགས་པ་རྣམས་ལ་སྟོང་གི་ཀུན་དགའ་ར་བ་ཉིད་ཕུལ་ལོ། །ལྷ་ལེགས་ཏེ་རྗེས་སུ་ཡི་རང་ངོ་། །དེས་ཕྱོགས་བཞིའི་དགེ་སློང་གི་དགེ་འདུན་གྱི་ཕྱིར་སྟོང་གི་ཀུན་དགའ་ར་བ་ཕུལ་ནས་དེར་དུས་སྟོན་ཀྱང་བཙུགས་སོ། །དེ་ཇི་ལྟར་
D6.010.0010a02.01ཡུལ་མ་ག་དྷཱ་ན་གནས་པའི་སྐྱེ་བོའི་ཚོགས་དུས་སྟོན་ལ་ལྟ་བར་འོངས་པ་ཨ་མྲའི་ཤིང་ཐོག་སྨིན་པ་རྣམས་ཀྱིས་ཚིམ་པར་གྱུར་པ་དེ་ལྟར་ཤིང་ཐོག་རྒྱས་པར་གྱུར་ཏོ། །དེ་དགེ་འདུན་ལ་ཕུལ་ཞེས་དགེ་སློང་རྣམས་ཀྱིས་ཨ་མྲའི་འབྲས་བུ་དག་མ་སྨིན་པ་ཉིད་དུ་ཟོས་སོ། །ཇི་ཙམ་ན་
D6.010.0010a03.01མཚམས་ཀྱི་རྒྱལ་པོ་ཞིག་ལ་ཨ་མྲ་དག་དགོས་པར་གྱུར་ནས། དེས་རྒྱལ་པོ་གཟུགས་ཅན་སྙིང་པོ་ལ་ཕོ་ཉ་བཏང་སྟེ། གྲོགས་པོ་བདག་ལ་ཨ་མྲ་དག་དགོས་ཀྱིས་བསྐུར་བའི་རིགས་སོ་ཞེས་བྱས་པ་དང་། དེས་ཕོ་ཉ་དེ་ལ་སྨྲས་པ། ཀྱེ་སྐྱེས་བུ་ངས་སྟོང་གི་ཀུན་དགའ་ར་བ་དེ་
D6.010.0010a04.01འཕགས་པའི་དགེ་འདུན་ལ་ཕུལ་གྱིས་སོང་ལ་འཕགས་པའི་དགེ་འདུན་རྣམས་ལ་སློངས་ཤིག །དེ་འོད་མའི་ཚལ་དུ་སོང་བ་དང་། དྲུག་སྡེ་རྣམས་ཀྱིས་ཀུན་ཏུ་སྤྱོད་པ་ནི་རྟག་ཏུ་ཀུན་དགའ་ར་བའི་སྒོ་མི་སྟོང་པར་བྱེད་པ་ཡིན། ཚེ་དང་ལྡན་པ་ཉེ་དགའ་བོ་འོད་མའི་ཚལ་གྱི་སྒོ་ན་
D6.010.0010a05.01འཆག་ཅིང་འདུག་གོ། །དེ་དེའི་དྲུང་དུ་སོང་ནས་ཕྱག་འཚལ་ཏེ་དེས་སྨྲས་པ། རྒྱལ་པོ་ཆེ་གེ་མོ་ཞིག་གིས་ཨ་མྲའི་ཆེད་དུ་ཁྱེད་ཀྱི་ཐད་དུ་བཏང་ན་དེའི་སླད་དུ་ཨ་མྲ་དག་སྩལ་བའི་རིགས་སོ། །དེས་སྨྲས་པ། ཀྱེ་སྐྱེས་བུ་སོང་ལ་ཨ་མྲ་ཇི་ཙམ་དགོས་པ་དེ་ཙམ་ལོང་ཤིག །དེ་སོང་ནས་
D6.010.0010a06.01ཨ་མྲའི་ཤིང་རྣམས་ཀྱི་དྲུང་དུ་བལྟས་ན་མི་སྣང་སྟེ། དེ་སླར་ལོག་ནས་སྨྲས་པ། འཕགས་པ་མ་མཆིས་སོ། །ཉེ་དགའ་བོས་དེ་ཁྲིད་ནས་ཀུན་དགའ་ར་བར་ཞུགས་ཏེ། ཀུན་དགའི་ར་བ་ཐམས་ཅད་བསྐོར་ནས་སྨྲས་པ། ཀྱེ་སྐྱེས་བུ་ཤིང་འདི་ལ་འཛེགས་ཤིག །དེས་
D6.010.0010a07.01