完整藏文原文 · 德格版页 当前仅加载第 10 函德格 257b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་བཅོམ་ལྡན་འདས་རྣམས་ནི་རྒྱུ་ལྔས་གཙུག་ལག་ཁང་ན་བཞུགས་ཤིང་གདུགས་ཚོད་འདྲེན་ཏེ། ལྔ་གང་ཞེ་ན། ནང་དུ་ཡང་དག་འཇོག་པར་བཞེད་པ་ཡིན། ལྷ་རྣམས་ལ་ཆོས་སྟོན་པར་བཞེད་པ་ཡིན། གནས་མལ་ལ་གཟིགས་པར་བཞེད་པ་ཡིན། ནད་
D6.010.0257b01.01པ་ལ་གཟིགས་པར་བཞེད་པ་ཡིན། ཉན་ཐོས་རྣམས་འདུལ་བ་ལ་བསླབ་པའི་གཞི་བཅའ་བར་བཞེད་པ་ཡིན་ནོ། །དོན་འདི་ལ་ནི་བཅོམ་ལྡན་འདས་ཉན་ཐོས་རྣམས་འདུལ་བ་ལ་བསླབ་པའི་གཞི་བཅའ་བར་བཞེད་ནས་གཙུག་ལག་ཁང་ན་བཞུགས་ཤིང་དེར་གདུགས་ཚོད་དྲངས་སོ། །
D6.010.0257b02.01ཁྱིམ་བདག་དེས་དགེ་སློང་གི་དགེ་འདུན་གྱི་ཚད་བཞིན་སྟན་བཤམས། ཟན་སྟ་གོན་བྱས་པ་ལས་ཇི་ཙམ་ན་དགེ་སློང་རབ་ཏུ་མང་བར་མཐོང་ནས་དེས་སྨྲས་པ། འཕགས་པ་བདག་གིས་ཁྱེད་ཀྱིས་དགེ་སློང་ཇི་སྙེད་ཡོད་པ་བསྟན་པ་དེ་སྙེད་ཀྱི་དགེ་སློང་གི་གདན་བཤམས།
D6.010.0257b03.01བཤོས་སྟ་གོན་བྱས་ན་དགེ་སློང་མང་དུ་བྱོན་ཏོ། །དགེ་སློང་རྣམས་ཀྱིས་སྨྲས་པ། ཁྱིམ་བདག་དགེ་སློང་གློ་བུར་པ་དག་ལྷགས་ཀྱིས་རབ་ཏུ་དགའ་བ་སྐྱེད་ཅིག །དེས་སྨྲས་པ། འཕགས་པ་ཀྱེ་མ་ཁྱེད་ཀྱིས་དགེ་སློང་གཞན་དག་ཀྱང་འོངས་སོ་ཞེས་བགྱིས་དང་། བདག་གིས་
D6.010.0257b04.01བཤོས་ཀྱང་མང་དུ་སྟ་གོན་བགྱིས། གདན་ཡང་མང་དུ་བཤམས་པ་ཞིག །དགེ་སློང་དག་སྤོབས་པ་མེད་ནས་ཅང་མི་སྨྲ་བར་འདུག་གོ། །དེ་ན་ཁ་ཅིག་ཐ་མ་མ་སྨྱུངས་ཙམ་དུ་གྱུར་ཏེ། དེ་དག་ལ་དགེ་སློང་རྣམས་གཤེ་བཞིན་དུ་ཁམ་ཟིན་ཙམ་ཟ་བར་གྱུར་ཏོ། །སྐབས་དེ་དགེ་
D6.010.0257b05.01སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སྐོས་ཀྱི་དགེ་སློང་གློ་བུར་བ་འདི་སྙེད་ཅིག་ལྷགས་སོ་ཞེས་དགེ་སློང་གློ་བུར་པ་རྣམས་ཤེས་པར་བྱས་ནས་ཁྱིམ་བདག་ལ་སྦྲན་པར་བྱའོ། །དགེ་སློང་གཞན་དག་
D6.010.0257b06.01གཅིག་ཟན་གྱི་ཐད་ཀ་ཁོ་ནར་འོངས་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་ཀྱང་སྦྲན་པར་བྱའོ། །དགེ་སློང་གཞན་དག་གཅིག་སྔར་བོས་པ་ལས་གུད་དུ་སོང་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་ཀྱང་སྦྲན་པར་བྱའོ། །གཞན་ཡང་ངས་
D6.010.0257b07.01