完整藏文原文 · 德格版页 当前仅加载第 10 函德格 64a 版页；藏文 NFD、目录标记与异常页序保留在来源切片中，重复版页行以稳定序号区分。
ཁར་བ་དང་། དྲ་བའི་སྡོམ་པ་སོ་སོར་བྱིན་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁར་བ་དང་དྲ་བའི་སྡོམ་པ་ཅིག་ཅར་སྔ་མ་བཞིན་སྦྱིན་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་
D6.010.0064a01.01སོ། །མཉན་ཡོད་ན་དགེ་སློང་ཞིག་འདུག་པ་དེས་སྒོག་སྐྱ་ཟོས་ནས། དེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ། །བཅོམ་ལྡན་འདས་ཀྱིས་དགེ་སློང་དེ་ལ་བཀའ་སྩལ་པ། དགེ་སློང་དགེ་སློང་
D6.010.0064a02.01ཁྱོད་ལ་ཆོས་བསྟན་གྱིས་རྣ་བ་གཏོད་ལ་འདུག་ཅིག །དེས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ། །བཅོམ་ལྡན་འདས་ཀྱིས་དེ་ལ་ཆོས་བསྟན་པར་བརྩམས་ཏེ། ཇི་ལྟ་ཇི་ལྟར་བཅོམ་ལྡན་འདས་ཀྱིས་དེ་ལ་ཆོས་བསྟན་པ་དེ་ལྟ་དེ་ལྟར་དགེ་སློང་
D6.010.0064a03.01དེ་བཅོམ་ལྡན་འདས་ལ་དྲིས་གནོད་པར་གྱུར་ན་མི་རུང་ངོ་སྙམ་ནས་ཁ་ལོགས་ཤིག་ཏུ་ལྟའོ། །ལན་གཉིས་ལན་གསུམ་དུ་བཅོམ་ལྡན་འདས་ཀྱིས་དགེ་སློང་དེ་ལ་འདི་སྐད་ཅེས་དགེ་སློང་དགེ་སློང་ཁྱོད་ལ་ཆོས་བསྟན་གྱིས་རྣ་གཏོད་ཅིག་ཅེས་བཀའ་སྩལ་ན། དགེ་སློང་དེ་ལན་གཉིས་ལན་
D6.010.0064a04.01གསུམ་དུ་ཡང་ཁ་གཞན་དུ་བལྟས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་ཡིན་པས་སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་
D6.010.0064a05.01དགའ་བོ་ལ་རྨས་པ། ཀུན་དགའ་བོ་ཅིའི་ཕྱིར་ངས་ཇི་ལྟ་ཇི་ལྟར་ཆོས་བསྟན་པ་དེ་ལྟ་དེ་ལྟར་དགེ་སློང་དེ་ཁ་གཞན་དུ་ལྟ། དེས་གསོལ་པ། བཙུན་པ་དགེ་སློང་དེས་སྒོག་སྐྱ་འཚལ་ཏོ། །ཀུན་དགའ་བོ་དགེ་སློང་དག་གང་གིས་ན་བདེན་པ་རྣམས་ཀྱི་བར་ཆད་དུ་འགྱུར་བ་སྒོག་སྐྱ་ཟ་ལྟ། བཅོམ་ལྡན་འདས་
D6.010.0064a06.01འཚལ་ལགས་སོ། །ཀུན་དགའ་བོ་གལ་ཏེ་དགེ་སློང་འདིས་དེ་རིང་སྒོག་སྐྱ་ཟོས་པར་མ་གྱུར་ན་དེང་ཉིད་དུ་འདིས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པར་འགྱུར་རོ། །ཀུན་དགའ་བོ་དེ་ལྟ་བས་ན་དགེ་སློང་གིས་ད་ཕྱིན་ཅད་སྒོག་
D6.010.0064a07.01