完整藏文原文 · 德格版页 当前仅加载第 10 函德格 236b 版页；藏文 NFD、目录标记与异常页序保留在来源切片中，重复版页行以稳定序号区分。
བཅང་བར་བྱའོ། །འདུལ་བ་ཕྲན་ཚེགས་ཀྱི་གཞི་ལས་སྒོ་བཞི་པ་རྫོགས་{སྷོ,སོ}།། །།བསྡུས་པའི་སྡོམ་ནི། ལུས་དང་གླེང་བ་སངས་རྒྱས་དང་། །སྤང་བ་དག་དང་ང་འདས་དང་། །མཚམས་ལས་ཕྱི་རོལ་དགེ་སློང་རྣམས། །དུས་སྟོན་རྒྱུ་བར་བཅས་པའོ། །སྡོམ་
D6.010.0236b01.01ནི། རོ་ནི་བསྲེག་པར་བྱ་བ་དང་། །ཤཱ་རིའི་བུ་ཡི་མཆོད་རྟེན་དང་། །དེར་ནི་དུས་སྟོན་བྱ་བ་དང་། །དུང་དང་ཉ་ཕྱིས་ཚོང་པའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་
D6.010.0236b02.01ཁྱིམ་བདག་ཅིག་གནས་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་ཅེས་བྱ་བ་ནས། བུ་ཕོ་ཞིག་བཙས་ཏེ་དེ་བཙས་པའི་བཙས་སྟོན་ཞག་བདུན་གསུམ་ཉི་ཤུ་གཅིག་ཏུ་རྒྱ་ཆེར་བྱས་ནས་རིགས་དང་མཐུན་པའི་མིང་བཏགས་ཏེ་བསྲིངས་བསྐྱེད་ནས་ཆེན་པོར་
D6.010.0236b03.01གྱུར་ཏོ་ཞེས་བྱ་བའི་བར་སྔ་མ་བཞིན་ནོ། །ཇི་ཙམ་དུས་གཞན་ཞིག་ན་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང་། དེའི་ཁམས་མ་མཉམ་ནས་ན་བར་གྱུར་ཏེ། དེ་རྩ་བ་དང་། སྡོང་བུ་དང་། མེ་ཏོག་དང་། འབྲས་བུའི་སྨན་དག་གིས་རིམ་གྲོ་བྱས་ན་མ་
D6.010.0236b04.01ཕན་ཏེ་དུས་ལས་འདས་སོ། །དེ་དགེ་སློང་དག་གིས་ལྷུང་བཟེད་དང་བཅས། ཆོས་གོས་དང་བཅས་པར་ལམ་དང་ཉེ་བ་ཞིག་ཏུ་བོར་རོ། །ཇི་ཙམ་ན་ལམ་དེ་ནས་བྲམ་ཟེ་དང་ཁྱིམ་བདག་འགྲོ་བ་དེ་དག་གིས་དེ་མཐོང་སྟེ། དེ་ན་ཁ་ཅིག་གིས་སྨྲས་པ། ཤེས་ལྡན་དག་
D6.010.0236b05.01ཤཱཀྱའི་བུ་ཞིག་དུས་ལས་འདས་སོ། །གཞན་དག་གིས་སྨྲས་པ། ཚུར་ཤེག་བལྟ་བར་བྱའོ། །དེ་དག་གིས་མཐོང་ནས་ངོ་ཤེས་ཏེ་དེ་དག་གིས་སྨྲས་པ། ཤེས་ལྡན་དག་འདི་ནི་ཁྱིམ་བདག་ཆེ་གེ་མོའི་བུ་ཡིན་ཏེ། དགེ་སྦྱོང་ཤཱཀྱའི་བུ་པ་མགོན་མེད་པ་རྣམས་ཀྱི་
D6.010.0236b06.01ནང་དུ་རབ་ཏུ་བྱུང་བས་གནས་སྐབས་འདི་འདྲ་བར་གྱུར་ཏོ། །འདི་དག་གི་ནང་དུ་རབ་ཏུ་བྱུང་བར་མ་གྱུར་ན་དེ་ཉེ་དུ་དག་གིས་འདི་རིམ་གྲོ་བྱས་པར་འགྱུར་བ་ཞིག །སྐབས་དེ་བཅོམ་ལྡན་འདས་ལ་དགེ་སློང་དག་གིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་
D6.010.0236b07.01