完整藏文原文 · 德格版页 当前仅加载第 10 函德格 135b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་སྐྱེ་བོ་གཞན་གྱིས་ཀྱང་འདོད་པ་དང་། ཡིད་དུ་འོང་བར་འགྱུར་ན་ཉེ་དུ་དང་སྣག་གི་གཉེན་མཚམས་ཀྱིས་ལྟ་སྨོས་ཀྱང་ཅི་དགོས། དེ་ལུས་དང་ངག་དང་ཡིད་ཀྱིས་འཇིག་རྟེན་ལ་གང་ཅུང་ཟད་བསྒྲུབས་པ་དེ་ཐམས་ཅད་ཀྱང་འཇིག་རྟེན་ལ་གཟུང་བར་འོས་པ་དང་མངོན་པར་འགྱུར་རོ། །དགའ་བོ་དེ་ཅིའི་ཕྱིར་ཞེ་ན། འདི་ལྟར་དེ་ནི་
D6.010.0135b01.01ལས་དགེ་བ་དག་བྱས་པ་དང་བསགས་པའི་ཕྱིར་དེ་ལྟ་བུར་འགྱུར་བའི་ཕྱིར་རོ། །དགའ་བོ་གལ་ཏེ་ཁྱེའུར་འགྱུར་ན་ནི་དེ་མའི་དཀུ་གཡས་པར་ཙོག་ཙོག་པོར་འདུག་སྟེ། ལག་པ་གཉིས་ཀྱིས་གདོང་བཀབ་ནས་མའི་སྒལ་ཚིགས་ལ་ཁ་བལྟས་ཏེ་ཕོ་བའི་འོག་ལོང་ཀའི་སྟེང་ན་ཕོ་བས་བཀབ་ལོང་ཀས་བརྟེན་ནས་བཅིང་
D6.010.0135b02.01བ་ལྔས་བཅིངས་པའམ་གསལ་ཤིང་གིས་བཙུགས་པ་བཞིན་གནས་སོ། །དགའ་བོ་གལ་ཏེ་བུ་མོར་འགྱུར་ན་ནི་མའི་དཀུ་གཡོན་པར་ཙོག་ཙོག་པོར་འདུག་སྟེ། ལག་པ་གཉིས་ཀྱིས་གདོང་བཀབ་ནས་མའི་ལྟོ་ལ་ཁ་བལྟས་ཏེ། ཕོ་བའི་འོག་ལོང་ཀའི་སྟེང་ན་ཕོ་བས་བཀབ་ལོང་ཀས་བརྟེན་ནས་བཅིང་བ་ལྔས་
D6.010.0135b03.01བཅིངས་པའམ་གསལ་ཤིང་གིས་བཙུགས་པ་བཞིན་གནས་སོ། །དགའ་བོ་མ་ཧ་ཅང་ཟས་མང་དུ་ཟོས་ན་མངལ་ན་གནས་པ་ལ་གནོད་ཅིང་ཧ་ཅང་ཟས་ཉུང་དུ་ཟོས་ན་ཡང་མངལ་ན་གནས་པ་ལ་གནོད་པར་འགྱུར་ལ། དེ་བཞིན་དུ་ཧ་ཅང་སྣུམ་པ་དང་། ཧ་ཅང་རྩུབ་པ་དང་། ཧ་ཅང་གྲང་བ་དང་། ཧ་ཅང་ཚ་
D6.010.0135b04.01བ་དང་། ཧ་ཅང་ལན་ཚྭ་ཆེ་བ་དང་། ཧ་ཅང་སྐྱུར་བ་དང་། ཧ་ཅང་མངར་བ་དང་། ཧ་ཅང་ཁ་བ་དང་། ཧ་ཅང་ཚ་བ་དང་། ཧ་ཅང་བསྐ་བའི་ཟས་དག་ཟོས་ན་ཡང་མངལ་ན་གནས་པ་ལ་གནོད་པར་འགྱུར་རོ། །འདོད་པ་དག་ལ་སྤྱོད་པར་བྱེད་པ་དང་། ཧ་ཅང་རྒྱུག་པ་དང་། མགྱོགས་པ་དང་། མཆོང་བ་དང་། རྐྱལ་
D6.010.0135b05.01བ་དག་ལ་སྤྱོད་པར་བྱེད་ན་འགྲོ་བ་ལ་ཞུགས་པ་མངལ་ན་གནས་པ་ལ་གནོད་པ་དང་། མེའི་དྲུང་ན་འདུག་གམ་ཙོག་ཙོག་པོར་འདུག་ན་མངལ་ན་གནས་པ་ལ་གནོད་པར་འགྱུར་ཏེ། དགའ་བོ་མའི་མངལ་ན་གནས་པ་ནི་དེ་ལྟར་སྡུག་བསྔལ་དྲག་པོ་རྩུབ་པ་ཚ་བ་ཡིད་དུ་མི་འོང་བ་ཡིན་ནོ། །དགའ་བོ་བདེ་འགྲོའི་འགྲོ་བར་མིང་
D6.010.0135b06.01ཐོགས་པ་མི་གང་དག་ཡིན་པ་དེ་ལ་ཡང་དེ་ལྟ་བུའི་སྡུག་བསྔལ་མྱོང་བར་འགྱུར་ན་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་དག་ལ་ལྟ་སྨོས་ཀྱང་ཅི་དགོས་ཏེ། དེའི་སྡུག་བསྔལ་ནི་དཔེ་བྱ་བར་ཡང་མི་ནུས་སོ། །དགའ་བོ་དེ་ལ་སྲིད་པ་ཚོལ་བ་མའི་མངལ་ན་གནས་པ་ལ་མནོག་ཅི་ཞིག་ཡོད།
D6.010.0135b07.01