完整藏文原文 · 德格版页 当前仅加载第 10 函德格 210b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་དེ་ཅང་མི་གསུང་བར་བཞུགས་སོ། །དེ་ནས་སྐྱེ་དགུའི་བདག་མོ་ཆེན་མོ་གཽ་ཏ་མཱི་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་
D6.010.0210b01.01གསོལ་ཏོ། །བཙུན་པ་བཅོམ་ལྡན་འདས་ཀྱིས་དགེ་སློང་རྣམས་ལ་དགེ་སློང་གི་འདུལ་བ་བསྟན་ལགས་ན། ཀྱེ་མ་བཅོམ་ལྡན་འདས་ཀྱིས་ཐུགས་བརྩེ་བ་ཉེ་བར་བཟུང་སྟེ། དགེ་སློང་མ་རྣམས་ལ་དགེ་སློང་མའི་འདུལ་བ་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ།
D6.010.0210b02.01གཽ་ཏ་མཱི་དེ་བཞིན་གཤེགས་པ་ཆོས་ཚིག་རེ་ནས་གསུངས་པ་དེ་ནི་གནས་མ་ཡིན་ཞིང་གོ་སྐབས་མེད་དོ། །འོན་ཀྱང་གལ་ཏེ་དགེ་སློང་མ་འགའ་ཞིག་ངས་ལན་གཅིག་བཤད་པ་འཛིན་པར་སྤྲོ་ན་དེ་ལྟར་ན་ངས་བསྟན་པར་བྱའོ། །དེ་ནས་དེའི་ཚེ་དགེ་སློང་མ་ཟླ་བ་འཁོར་དེ་ཉིད་དུ་འདུས་ཏེ་
D6.010.0210b03.01འདུག་པར་གྱུར་ཏོ། །དེ་ནས་དགེ་སློང་མ་ཟླ་བ་སྟན་ལས་ལངས་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་ལན་གཅིག་བཀའ་སྩལ་པ། བདག་གིས་གཟུང་བར་འཚལ་ན་བསྟན་
D6.010.0210b04.01དུ་གསོལ། དེ་ནས་བཅོམ་ལྡན་འདས་ཀྱིས་དེ་ལ་བསྟན་པ་དང་། དེས་ལན་གཅིག་གསུངས་པ་བཟུང་ངོ་། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ངའི་ཉན་ཐོས་ཀྱི་དགེ་སློང་མ་རྣམས་ཀྱི་ནང་ན་ཐོས་པ་འཛིན་པའི་མཆོག་ནི་འདི་
D6.010.0210b05.01ལྟ་སྟེ། དགེ་སློང་མ་ཟླ་བ་འདི་ཡིན་ནོ། །བཅོམ་ལྡན་འདས་ཀྱིས་དགོངས་པ། ཐམས་ཅད་དུ་དགེ་སློང་མ་ཟླ་བའམ། ཟླ་བ་ལྟ་བུ་འབྱུང་བར་མི་འགྱུར་རོ། །དེ་ལྟ་བས་ན་དགེ་སློང་རྣམས་ཀྱིས་ཀྱང་དགེ་སློང་མའི་འདུལ་བ་བཟུང་ནས་བཅང་བར་བྱ་ཞིང་། དགེ་སློང་མ་རྣམས་ལ་
D6.010.0210b06.01ཡང་བསྟན་པར་བྱ། ཁ་ཏོན་བྱེད་པ་དང་། འདྲི་བར་བྱེད་པ་དག་ལ་ཡང་སྦྱིན་པར་བྱའོ་སྙམ་དུ་དགོངས་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་གལ་ཏེ་དགེ་སློང་མ་ཟླ་བ་སང་ལས་དགེ་སློང་མའི་འདུལ་བ་ལན་གཅིག་བཤད་པ་བླངས་མོད་ཀྱི་འོན་ཀྱང་ཐམས་
D6.010.0210b07.01