完整藏文原文 · 德格版页 当前仅加载第 10 函德格 177b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་གིས་ཕྱག་པར་བརྩམས་པ་དང་། བཅོམ་ལྡན་འདས་ཀྱིས་ཇི་ལྟར་ཕྱག་དར་མི་ཟད་པ་དེ་ལྟར་བྱིན་གྱིས་བརླབས་སོ། །དེ་དག་ཇོ་བོ་ལ་སྙིང་ཉེ་བས་སྐྱོ་བཞིན་མ་བཏང་ངོ་། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་བྲན་བུ་དང་།
D6.010.0177b01.01སྐྱོང་བ་དག་ལ་ལྷུང་བཟེད་ཀྱི་ལྷག་མ་ཞོག་ཤིག །དེས་དེ་དག་ལ་ལྷུང་བཟེད་ཀྱི་ལྷག་མ་བཞག་གོ། །ཕྱག་དར་བོར་བ་དང་། དེ་ཁོ་ན་བཞིན་དུ་ཟད་མ་ཤེས་ནས་དེ་དག་ཇི་སྲིད་ནམ་སྲོས་པར་གྱུར་པ་དེ་སྲིད་དུ་ལས་བྱེད་ཅིང་འཁོད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་
D6.010.0177b02.01དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་བྲན་བུ་དང་། སྐྱོང་བ་དག་དྲུང་དུ་སྙོལ་ཅིག །དགེ་སློང་རྣམས་ལ་ཡང་ངས་དགེ་སློང་དག་ཁྱེད་ཀྱིས་དགེ་བ་མི་སྤྱོམས་པ་དང་། སྡིག་པ་བཤགས་ཏེ་གནས་པར་བྱའོ་ཞེས་གསུངས་མོད་ཀྱི་འོན་ཀྱང་བྲན་བུ་དང་། སྐྱོང་བ་
D6.010.0177b03.01དག་ལྟ་བ་དབྲལ་བར་བྱ་དགོས་པས་ཁྱེད་ལས་གང་གིས་གནས་པའི་སྙོམས་པར་འཇུག་པ་གང་ཐོབ་པ་དེས་གནས་པའི་སྙོམས་པར་འཇུག་པ་དེས་གནོས་ཤིག་ཅེས་བྱོས་ཤིག །བཙུན་པ་དེ་ལྟར་འཚལ་ལོ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས་
D6.010.0177b04.01བྲན་བུ་དང་། སྐྱོང་བ་ལ་སྨྲས་པ། ཁྱེད་ཁོ་བོ་ཁོ་ནའི་དྲུང་དུ་ཉོལ་ཅིག །དགེ་སློང་རྣམས་ལ་ཡང་སྨྲས་པ། ཚེ་དང་ལྡན་པ་དག་བཅོམ་ལྡན་འདས་ཀྱི་ཞལ་ནས་ངས་དགེ་སློང་དག་ཁྱེད་ཀྱིས་དགེ་བ་མི་སྤྱོམས་པ་དང་། སྡིག་པ་བཤགས་ཏེ་གནས་པར་བྱའོ་ཞེས་གསུངས་
D6.010.0177b05.01མོད་ཀྱི་འོན་ཀྱང་བྲན་བུ་དང་། སྐྱོང་བ་དག་ལྟ་བ་དབྲལ་བར་བྱ་དགོས་པས་ཁྱེད་ལས་གང་གིས་གནས་པའི་སྙོམས་པར་འཇུག་པ་གང་ཐོབ་པ་དེས་གནས་པའི་སྙོམས་པར་འཇུག་པ་དེས་གནོས་ཤིག་ཅེས་དེ་སྐད་བཀའ་སྩལ་ཏོ། །བཙུན་པ་ཀུན་དགའ་བོ་བཅོམ་ལྡན་འདས་
D6.010.0177b06.01ཀྱིས་ཇི་སྐད་བཀའ་སྩལ་པ་དེ་བཞིན་འཚལ་ལོ་ཞེས་སྨྲས་ནས། མཚན་མོ་ཐུན་དང་པོ་ལ་རྫུ་འཕྲུལ་བསྟན་པ་བརྩམས་ཏེ། ཁ་ཅིག་ནི་འབར་བར་བྱེད། ཁ་ཅིག་ནི་གློག་འགྱུ་བར་བྱེད་པ་དང་། བྲན་བུ་དང་། སྐྱོང་བས་སྨྲས་པ། འཕགས་པ་ཀུན་དགའ་བོ་འདི་ཅི་ཞིག་ལགས། དེས་
D6.010.0177b07.01