完整藏文原文 · 德格版页 当前仅加载第 10 函德格 198b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་གཏམ་དང་། འཕགས་པའི་མི་སྨྲ་བ་དང་རྣམ་པ་གཉིས་ཀྱིས་ལམ་དུ་ཞུགས་ནས་འགྲོའོ། །ངལ་བསོ་བའི་གནས་ཀྱི་ཕྱོགས་སུ་གཙུག་ལག་གི་ཚིགས་སུ་བཅད་པ་གདོན་པར་བྱའོ། །ཆུ་ཆུ་བ་ན་ཆུ་དེ་གང་གི་ཡིན་པ་དང་། དེའི་ལྷ་ལ་ཚིགས་སུ་བཅད་
D6.010.0198b01.01པ་གདོན་པར་བྱའོ། །གང་དུ་གནས་འཆའ་བ་དེར་རྒྱུད་ཆགས་གསུམ་པ་གདོན་པར་བྱའོ། །ལམ་དུ་ཞུགས་པའི་དགེ་སློང་གིས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་དག་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །སངས་
D6.010.0198b02.01རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དག་གིས་ཆོས་གོས་ཟིན་པ། ཆོས་གོས་མཐར་ཕྱིན་པ་ཚོན་སར་པ་ཅན་དག་ཕྲག་པ་ལ་བཀལ་ཏེ་ལམ་དུ་ཞུགས་པ་དང་།
D6.010.0198b03.01དེ་དག་རྡུལ་དང་རྡུལ་གྱིས་མ་རུང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གཏུར་བུ་བྱས་ལ་དེར་བཅུག་སྟེ་བཀུར་བར་བྱའོ། །བཅོམ་ལྡན་འདས་ཀྱིས་གོས་དག་གཏུར་བུར་བཅུག་སྟེ་བཀུར་བར་བྱའོ་ཞེས་གསུངས་པ་དང་། དགེ་སློང་དག་
D6.010.0198b04.01གིས་ཆོས་གོས་ཀྱི་གཏུར་བུ་ཇི་ལྟ་བུ་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། རས་གང་ཆུར་ནི་ཁྲུ་གསུམ་ཞེང་དུ་ནི་ཁྲུ་ཕྱེད་དང་དོ་པ་དེ་གཉིས་སུ་བལྟབ་ལ་དྲུབ་པར་བྱའོ། །དགེ་སློང་དག་གིས་མཐའ་མར་ཁ་བཏོད་པས་གླང་པོ་ཆེའི་སྣ་
D6.010.0198b05.01ལྟར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། མཐར་ཁ་མི་གདོད་ཀྱི་འོན་ཀྱང་དབུས་སུ་གདོད་པར་བྱའོ། །དེ་དག་གིས་ཁ་ཐག་མ་བཏགས་པས་དེ་བཞིན་དུ་རྡུལ་ཞུགས་ནས། བཅོམ་ལྡན་འདས་ཀྱིས་བཀའ་སྩལ་པ། སྲད་བུས་དྲ་བ་ལྟ་བུ་
D6.010.0198b06.01བྱས་ལ་དེ་ནས་སྲད་བུ་གཞན་གྱིས་བརྒྱུ་བར་བྱའོ། །དེ་དག་གིས་ཆོས་གོས་གང་དག་བགོ་བ་དེ་དག་ནི་འོག་ཏུ་བཞག །གཞན་ནི་སྟེང་དུ་ཕྱུང་བ་དང་། དེ་དག་གཏུར་བུ་ཡང་དང་ཡང་དུ་འབྱེད་པ་ན་འཆོལ་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་
D6.010.0198b07.01