完整藏文原文 · 德格版页 当前仅加载第 10 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
བཀུག་ནས་སྨྲས་པ། ཀྱེ་བྲམ་ཟེ་ལྷའི་བྱིན་གྱི་རླབས་ནི་དེ་ལྟར་གྱུར་ན་ཁྱོད་བདེན་པར་སྨྲོས་ཤིག་དང་། ཁོ་བོ་ཅག་ཁྱོད་ལ་ཤོ་གམ་མི་ལེན་ཏོ། །དེས་སྨྲས་པ། བདེན་པ་མི་ལེན་ཏམ། དེ་དག་གིས་སྨྲས་པ། མི་ལེན་ཏོ། །དེས་གདུགས་ཀྱི་རྩ་བའི་ནང་ནས་རས་ཟུང་དེ་ཕྱུང་སྟེ་བསྟན་ཏོ། །དེ་དག་ཀྱེ་མ་
D6.010.0022b01.01ལྷའི་བྱིན་གྱི་རླབས་ནི་འདི་འདྲའོ་ཞེས་ངོ་མཚར་ཆེན་པོ་སྐྱེས་པར་གྱུར་ནས། དེ་དག་གིས་དེའི་རས་ཡ་གཅིག་ཕྱེ་སྟེ་ལྷ་ལ་བསྟན་ཏོ། །བྲམ་ཟེས་སྨྲས་པ། ཀྱེ་ཁྱེད་ཅག་ན་རེ་ཤོ་གམ་མི་ལེན་ཏོ་ཞེས་ཟེར་ན་ད་ཐམས་ཅད་འཕྲོག་གམ། དེ་དག་གིས་སྨྲས་པ། བྲམ་ཟེ་ངེད་ཅག་ལེན་པར་མི་བྱེད་དེ། ལྷའི་བྱིན་
D6.010.0022b02.01གྱི་རླབས་དེ་ལྟ་བུ་མཛད་པས་ངེད་ཀྱིས་ལྷ་ལ་བསྟན་པར་ཟད་ཀྱིས་ལོང་ལ་སོང་ཤིག །དེས་དེ་བླངས་ནས་ཡང་གདུགས་ཀྱི་རྩ་བའི་ནང་དུ་བཅུག་སྟེ་སོང་ནས་ཁད་ཀྱི་རྒྱལ་པོའི་ཁབ་ཏུ་ཕྱིན་ཏོ། །དེས་ཚོང་འདུས་སུ་རས་ཟུང་དེ་བཀྲམ་པ་ན་དེར་ཡང་དེ་ཀཱར་ཥཱ་པ་ཎ་སྟོང་གིས་ཉོ་བ་སུ་ཡང་མེད་ནས་དེས་རྒྱལ་པོའི་
D6.010.0022b03.01ཁབ་ཀྱི་ཚོང་འདུས་ཀྱང་ཚོང་འདུས་མ་ཡིན་ནོ་ཞེས་བསྒྲགས་སོ། །དེ་ན་གཞོན་ནུ་མེ་སྐྱེས་གླང་པོ་ཆེ་ལ་ཞོན་ཏེ་རྒྱལ་པོའི་ཕོ་བྲང་ནས་ཕྱིར་བྱུང་སྟེ། ཚོང་འདུས་ཀྱི་ནང་ནས་རང་གི་ཁྱིམ་དུ་འགྲོ་བས་དེ་ཐོས་པ་དང་། དེས་ཤེས་ལྡན་དག་བྲམ་ཟེ་དེ་ཅིའི་ཕྱིར་ཚོང་འདུས་མ་ཡིན་ནོ་ཞེས་སྒྲོགས་པར་བྱེད་པ་དྲི་བར་
D6.010.0022b04.01བྱས་བོས་ཤིག །དེ་དག་གིས་བོས་ནས་མེ་སྐྱེས་ཀྱིས་སྨྲས་པ། བྲམ་ཟེ་ཁྱོད་ཅིའི་ཕྱིར་ཚོང་འདུས་འདི་ཚོང་འདུས་མ་ཡིན་ནོ་ཞེས་སྒྲོགས་པར་བྱེད། དེས་སྨྲས་པ། ཁྱིམ་བདག་རས་ཟུང་འདི་ལྟ་བུ་ཀཱར་ཥཱ་པ་ཎ་སྟོང་གིས་ཉོ་བ་སུ་ཡང་མེད་པའི་ཕྱིར་རོ། །དེས་སྨྲས་པ། བལྟས་ཁྱེར་ཏེ་ཤོག །
D6.010.0022b05.01དེས་དེ་ཉེ་བར་བསྟན་ཏོ། །མེ་སྐྱེས་ཀྱིས་སྨྲས་པ། བྲམ་ཟེ་དེ་ཙམ་ནི་རི་མོད་ཀྱི་འོན་ཀྱང་རས་གཅིག་ནི་སྤྱད་ཟིན་པ་ཞིག །གཅིག་ནི་མ་སྤྱད་པ་ཞིག་པས་མ་སྤྱད་པ་གང་ཡིན་པ་འདི་ནི་ཀཱར་ཥཱ་པ་ཎ་ལྔ་བརྒྱ་རི། གང་སྤྱད་པ་འདི་ནི་ཉིས་བརྒྱ་ལྔ་བཅུ་རིའོ། །བྲམ་ཟེས་སྨྲས་པ། ཅི་འདི་དེ་ལྟ་བུར་འགྱུར་
D6.010.0022b06.01རམ། མེ་སྐྱེས་ཀྱིས་སྨྲས་པ། བྲམ་ཟེ་ཁྱོད་ཀྱི་མངོན་སུམ་དུ་བསྟན་གྱིས་ལྟོས་ཤིག་ཅེས་དེས་མ་སྤྱད་པ་དེ་སྟེང་གི་ནམ་མཁའ་ལ་བོར་བ་དང་། དེ་བརྐྱང་ཞིང་འདུག་གོ། །སྤྱད་པ་བོར་བ་ན་དེ་མ་ཐག་ཏུ་ཕྱིར་ལྷུང་ངོ་། །བྲམ་ཟེ་ངོ་མཚར་སྐྱེས་ཏེ་སྨྲས་པ། ཁྱིམ་བདག་ཁྱོད་ནི་རྫུ་འཕྲུལ་ཆེ་བ་མཐུ་ཆེ་བ་ཞིག་གོ། །
D6.010.0022b07.01