完整藏文原文 · 德格版页 当前仅加载第 10 函德格 24b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་བླངས་པ་དེ་ཉིད་དུ་ཕྱིར་སོང་སྟེ་འདུག་གོ། །མ་སྐྱེས་དགྲས་སྨྲས་པ། ཁྱེའུ་ནོར་བུ་དེ་བལྟས་ཁྱེར་ཤོག །དེས་ཆང་པ་ཕྱེ་སྟེ་སྨྲས་པ། གཞོན་ནུ་གར་མཆིས་མ་འཚལ་ཏོ། །དེས་དེ་བརྡེག་པར་བརྩམས་པ་དང་མེ་སྐྱེས་ཀྱིས་སྨྲས་པ། གཞོན་ནུ་འདི་ལ་ཅིའི་ཕྱིར་རྡེག་པར་བྱེད། ཁྱིམ་བདག་
D6.010.0024b01.01ཁོ་བོ་ཡང་རྐུན་མ་ཡིན་ན་འདི་ནི་རྐུན་ཆེན་ཞིག་སྟེ། བདག་གིས་ཁྱོད་ཀྱི་ནོར་བུ་བརྐུས་པ་དེ་ཡང་འདིས་བརྐུས་སོ། །དེས་སྨྲས་པ། གཞོན་ནུ་ཁྱོད་ཀྱིས་ཀྱང་མ་བརྐུས། འདིས་ཀྱང་མ་བརྐུས་ཏེ། འདི་ལྟར་ཁྱོད་ཀྱིས་གང་ནས་བླངས་པ་དེ་ཉིད་དུ་ཕྱིར་སོང་སྟེ་འདུག་གོ། །དེ་ལྟ་མོད་ཀྱི་གཞོན་ནུ་ཁྱོད་
D6.010.0024b02.01ཉིད་ཀྱི་ཁྱིམ་ཡིན་གྱིས་ནོར་བུ་ཇི་སྙེད་དགོས་པ་དང་། གཞན་ཡང་ནོར་རྫས་ཅི་དགོས་པ་དེ་དག་ཅི་བདེར་ལོང་ཤིག །དེ་སྐྱེངས་ནས་བསམས་པ། ནམ་ཞིག་ན་བདག་གི་ཕ་འཆི་བའི་དུས་ལ་བབ་ནས་བདག་རྒྱལ་པོ་བྱེད་པ་དེའི་ཚེ་བླང་ངོ་སྙམ་མོ། །ཇི་ཙམ་ན་མ་སྐྱེས་དགྲ་ལྷ་སྦྱིན་གྱིས་བསླུས་ནས་ཕ་ཆོས་ཀྱི་
D6.010.0024b03.01རྒྱལ་པོ་ཆོས་དང་ལྡན་པ་སྲོག་དང་ཕྲལ་ནས་རང་གིས་ཅོད་པན་བཅིངས་ཏེ་རྒྱལ་པོར་ཞུགས་ནས་དེའི་ཚེ་དེས་མེ་སྐྱེས་བོས་ཏེ། ཁྱིམ་བདག་ཁྱོད་དང་ང་སྤུན་ཡིན་པས་ཁྱིམ་དག་བགོ་བར་བྱའོ། །དེས་བསམས་པ། འདི་ནི་ཕ་ཆོས་ཀྱི་རྒྱལ་པོ་ཆོས་དང་ལྡན་པ་དེ་ལྟ་བུ་བསད་དེ་བདག་ཉིད་ཀྱིས་ཅོད་
D6.010.0024b04.01པན་བཅིངས་ནས་རྒྱལ་པོར་ཞུགས་པ་ཡིན་པས་འདིས་གལ་ཏེ་ན་བདག་ཀྱང་བསད་པར་འགྱུར་རོ། །འདི་བདག་གི་ཁྱིམ་དབྲོག་པར་སེམས་ཡང་དག་གིས་སྦྱིན་པར་བྱའོ། །སྙམ་དུ་བསམས་ནས་སྨྲས་པ། ལྷ་འདི་ཁྱོད་མངའ་ན་བགོ་ཅི་འཚལ། ཁྱོད་ཀྱི་ཁབ་ཏུ་ནི་བདག་མཆིའོ། །བདག་གི་
D6.010.0024b05.01སྡུམ་པར་ནི་ཁྱེད་གཤེགས་སུ་གསོལ། མ་སྐྱེས་དགྲས་སྨྲས་པ། ལེགས་ཀྱིས་དེ་བཞིན་བྱའོ་ཞེས་དེ་དེའི་ཁྱིམ་དུ་འཕོས་ཤིང་མེ་སྐྱེས་ནི་མ་སྐྱེས་དགྲའི་ཁྱིམ་དུ་འཕོས་པ་དང་། དཔལ་དང་ལྡན་པའི་ཁྱིམ་དེ་མི་སྣང་བར་གྱུར་ཅིང་མེ་སྐྱེས་ག་ལ་བ་དེ་ཉིད་དུ་བྱུང་ངོ་། །དེ་ལྟར་ལན་བདུན་གྱི་བར་
D6.010.0024b06.01དུ་མི་སྣང་བར་གྱུར་ཅིང་བྱུང་བ་དང་མ་སྐྱེས་དགྲས་བསམས་པ། འདི་ལྟར་མེ་སྐྱེས་ཀྱི་ནོར་བུ་དག་བདག་གིས་དབྲོག་པར་མ་ནུས་ཀྱིས་ཐབས་གཞན་ཞིག་བྱའོ་སྙམ་ནས། དེས་ཆོམ་རྐུན་པ་དག་བསྐོས་ཏེ། དེང་ལ་མེ་སྐྱེས་ཀྱི་ཁྱིམ་ནས་ནོར་བུ་དག་རྐུས་ཤིག་ཅེས་བསྒོ་ནས། དེ་དག་གིས་སྐས་དང་།
D6.010.0024b07.01