完整藏文原文 · 德格版页 当前仅加载第 10 函德格 162a 版页；藏文 NFD、目录标记与异常页序保留在来源切片中，重复版页行以稳定序号区分。
སློང་དག་གིས་མར་མེའི་ཁང་བུ་ཇི་ལྟར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། སྨྱིག་མའི་ཚལ་པ་གཟེར་བུར་གྱིས་ལ་རས་དཀར་པོས་གཡོག་པར་བྱའོ། །རས་དཀར་པོ་མ་རྙེད་ནས། བཅོམ་ལྡན་འདས་ཀྱིས་བཀའ་སྩལ་པ།
D6.010.0162a01.01ལྷང་ཚེར་གྱིས་གཡོག་པར་བྱའོ། །དེ་ཡང་མ་རྙེད་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བུ་ག་བརྒྱ་པ་བྱའོ། །དགེ་སློང་དག་གིས་བུ་ག་བརྒྱ་པ་ཅི་འདྲ་བར་བྱ་བ་མི་ཤེས་ནས། །བཅོམ་ལྡན་འདས་ཀྱིས་བཀའ་སྩལ་པ། རྫ་མཁན་གྱིས་འཇིམ་
D6.010.0162a02.01པ་གཤེར་བ་ལས་གྱོ་མོ་བྱས་ལ་བུ་ག་བརྒྱ་པར་བྱའོ། །རྫ་མཁན་མེད་ན་བུམ་པའི་གྱོ་མོ་འམ། གཞན་ཡང་རུང་བཅག་ནས་བུ་ག་བརྒྱ་པ་བྱ་སྟེ། དེ་ནས་མར་མེ་སྦར་ལ་དེས་གཡོག་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་
D6.010.0162a03.01ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །སོ་ཀའི་དུས་ལ་བབ་པ་དང་། དགེ་སློང་དག་ཚ་བས་གདུངས་ཏེ་ལུས་རྨྱ་ཞིང་ཤ་བྲི་ངན་པ་དང་། །མདོག་ངན་པ་སྐྱ་བོ་བསེང་བསེང་པོར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་
D6.010.0162a04.01བཞིན་དུ་འདྲི་བར་མཛད་པ་ཡིན་པས་སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ་ཅིའི་ཕྱིར་ད་ལྟར་དགེ་སློང་དག་ལུས་རྨྱ་ཞིང་། ཤ་བྲི་ངན་པ་དང་། མདོག་ངན་པ་སྐྱ་བོ་བསེང་བསེང་པོར་གྱུར། སྐབས་དེ་བཅོམ་ལྡན་
D6.010.0162a05.01འདས་ལ་རྒྱས་པར་གསོལ་ནས་བཅོམ་ལྡན་འདས་ཀྱིས་བཀའ་སྩལ་པ། དེ་བས་ན་གནང་གིས་འཁོར་གྱི་ཁྱམས་བྱའོ། །དགེ་སློང་དག་གིས་ཇི་ལྟར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ངོས་གསུམ་པར་བྱའོ། །དེ་དག་གིས་ནང་དུ་
D6.010.0162a06.01ནི་རྩིག་པ་བརྩིགས། ཕྱིར་ནི་ཀ་བའི་ཕྲེང་བ་བྱས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ནང་དུ་ནི་ཀ་བའི་ཕྲེང་བ་བྱའོ། །ཕྱི་རོལ་དུ་ནི་རྩིག་པ་བརྩིག་གོ། །སྐར་ཁུང་མ་བཏོད་པས་ཕྱིར་ཚ་བར་གྱུར་ནས། བཅོམ་ལྡན་འདས་ཀྱིས་བཀའ་
D6.010.0162a07.01