完整藏文原文 · 德格版页 当前仅加载第 10 函德格 168b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཀྱིས་ལྕེ་བཞར་བཅང་བར་བྱའོ་ཞེས་གསུངས་པ་དང་། དྲུག་སྡེ་རྣམས་ཀྱིས་གསེར་དང་། དངུལ་དང་། བཻ་ཌཱུརྱ་དང་། ཤེལ་ལས་བྱས་པའི་ལྕེ་བཞར་བཅངས་པ་བྲམ་ཟེ་དང་ཁྱིམ་བདག་དག་གིས་མཐོང་ནས་སྨྲས་པ། འཕགས་པ་འདི་ཅི་ཞིག །བཞིན་{བཟངས་,བཟང་}བཅོམ་ལྡན་འདས་
D6.010.0168b01.01ཀྱིས་ལྕེ་བཞར་གནང་ངོ་། །འཕགས་པ་ཅི་དགེ་སྦྱོང་ཁྱེད་འདོད་པའི་ཡོན་ཏན་གྱིས་གཟིར་ཏམ། དེ་དག་ཅང་མི་ཟེར་བར་འཁོད་དོ། །སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ལྕེ་བཞར་བཞི་བཅང་བར་བྱ་སྟེ། ར་གན་དང་
D6.010.0168b02.01ཟངས་མ་དང་ལྕགས་དང་ཁར་བའི་འོ། །དགེ་སློང་དག་གིས་རྣོན་པོར་བྱས་ནས། བཅོམ་ལྡན་འདས་ཀྱིས་བཀའ་སྩལ་པ། རྣོན་པོར་མི་བྱའོ། །བཅོམ་ལྡན་འདས་ཀྱིས་ལྕེ་བཞར་བཞི་བཅང་བར་བྱའོ་ཞེས་གསུངས་པ་དང་། དགེ་སློང་ཁ་ཅིག་གིས་མ་འབྱོར་ནས། བཅོམ་ལྡན་འདས་ཀྱིས་
D6.010.0168b03.01བཀའ་སྩལ་པ། གང་དག་གིས་མ་འབྱོར་པ་དེ་དག་གིས་སོ་ཤིང་དེ་ཉིད་བཀས་ཏེ། ལྕེ་བཞར་བར་བྱའོ། །དགེ་སློང་དག་གིས་སོ་ཤིང་བཀས་ནས་མ་སྦྱངས་པར་ལྕེ་བཞར་བ་དང་སྣད་ནས། བཅོམ་ལྡན་འདས་ཀྱིས་བཀའ་སྩལ་པ། སོ་ཤིང་བཀས་ཏེ་ཕན་ཚུན་དྲུད་ནས་ལྕེ་བཞར་བར་བྱའོ། །
D6.010.0168b04.01དགེ་སློང་དག་གིས་སོ་ཤིང་ཟོས་ནས་སྒྲ་མ་ཕྱུང་བར་དེ་བཞིན་བོར་བ་དང་། གཙུག་ལག་ཁང་དེ་ན་གནས་པ་དག་གི་མགོར་ཕོག་སྟེ། དེ་དག་ཕྱ་ནས་བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་མི་དོར་གྱི་འོན་ཀྱང་སྒྲ་དབྱུང་བར་བྱའོ། །དགེ་སློང་དག་སོ་ཤིང་འདོར་བ་ན་སྒྲ་འབྱིན་གྱི།
D6.010.0168b05.01གཞན་ཡང་གང་ཅུང་ཟད་བཤང་བ་དང་། གཅི་བ་དང་མཆིལ་མ་དང་སྣབས་དང་། སྐྱུགས་པ་དང་འཁྲུ་བ་དག་དེ་བཞིན་བོར་བ་དང་། ཉེས་དམིགས་དེ་ཉིད་དུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གང་ཅུང་ཟད་བཤང་བ་དང་། གཅི་བ་ལ་སོགས་པ་ཐམས་ཅད་
D6.010.0168b06.01ལ་སྒྲ་དབྱུང་ཞིང་དོར་བར་བྱའོ། །བཅོམ་ལྡན་འདས་ཀྱིས་སོ་ཤིང་བཟའ་བར་བྱའོ་ཞེས་གསུངས་པ་དང་། དགེ་སློང་དག་ལམ་དུ་ཞུགས་པ་ན། ལམ་དུ་ཞུགས་པ་དེ་རྣམས་ལ་ཕྱོགས་ཁ་ཅིག་ན་ཤིང་དང་ལོ་མ་དང་ཡལ་ག་མེད་དེ་སོ་ཤིང་མ་རྙེད་ནས་དེ་དག་ཟན་གཅད་པར་བྱེད་པ་དང་།
D6.010.0168b07.01