完整藏文原文 · 德格版页 当前仅加载第 10 函德格 188b 版页；藏文 NFD、目录标记与异常页序保留在来源切片中，重复版页行以稳定序号区分。
པས་ལུས་སྐྱ་བོ་བསེང་བསེང་པོར་གྱུར་ཅིང་ཤ་བྲི་ངན་པ་རྐེ་བ་སྐེམ་པོར་རེད་པར་གྱུར་ཏོ། །དེ་ལ་མས་སྨྲས་པ། བུ་ཁྱོད་ཅི་སྟེ་ལུས་སྐྱ་བོ་བསེང་བསེང་པོར་ཤ་བྲི་ངན་པ་རྐེ་བ་སྐེམ་པོར་གྱུར། དེས་སྨྲས་པ། མ་བདག་ལ་ཀླུ་གཞོན་ནུ་འདི་དག་མགྲིན་སྣད་མགྲིན་སྣད་ཅེས་
D6.010.0188b01.01ཅོ་འདྲི་བར་བྱེད་དེ་ཅི་བྱའི་གཏོལ་མེད་དོ། །བུ་ཁྱོད་རང་གི་ཆ་ལུགས་ཀྱིས་སོང་བས་དེས་ན་གནས་སྐབས་འདི་ལྟ་བུར་གྱུར་གྱི་གལ་ཏེ་ཁྱོད་སྤྲུལ་པའི་གཟུགས་ཀྱིས་སོང་བར་གྱུར་ན་རྔ་མའི་རྙིས་བཏགས་པར་ཡང་མི་འགྱུར་རོ། །ད་སྤྲུལ་པའི་གཟུགས་ཀྱིས་སོང་ལ་ཆོས་
D6.010.0188b02.01ཉོན་ཅིག་དང་ཁྱོད་ལ་ཐམས་ཅད་ལེགས་པར་འགྱུར་རོ། །འོན་ཏེ་རང་གི་གཟུགས་ཀྱིས་ཉན་ན་ཁྱོད་གནས་ན་འདུག་སྟེ་ཉོན་ཅིག་ཅེས་བྱས་པ་དང་། དེ་མ་དད་པའི་ཕྱིར་ཁས་མ་བླངས་ཏེ་མའི་ངོར་ཅང་མི་ཟེར་བར་འདུག་གོ། །དེས་བསམས་པ། འཕགས་པ་དག་
D6.010.0188b03.01ཀླུ་གཞོན་ནུ་རྔ་མའི་རྙིས་འདོགས་པ་ནི་གང་སུ་ཡང་རུང་། ཆོས་ཉན་པར་འདོད་པ་དེ་དག་གི་ཡང་བར་ཆད་དུ་འགྱུར་བས་འདི་ཁོ་ན་བདག་གིས་བྱ་བ་ཡིན་ནོ་སྙམ་སྟེ། དེ་ཁ་དོག་འཕགས་པས་ནམ་སྲོས་པ་དང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་
D6.010.0188b04.01འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་པ་དང་། དེའི་ཚེ་ཙམ་པའི་ཀླུའི་བུ་མོའི་ཁ་དོག་གི་མཐུས་དྲང་སྲོང་གར་གའི་རྫིང་འགྲམ་ཐམས་ཅད་སྣང་བ་རྒྱ་ཆེན་པོས་ཁྱབ་པར་གྱུར་ཏོ། །ཕྱོགས་གཅིག་ཏུ་འདུག་ནས་ཙམ་པའི་ཀླུའི་བུ་མོས་
D6.010.0188b05.01བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་གི་བུ་མ་དད་པ་ཞིག་མཆིས་པ་དེ་བདག་གིས་ཆོས་ཉན་པ་ཡང་དག་པར་ལེན་དུ་སྩལ་ནས་དེ་ཆོས་ཉན་དུ་མཆིས་པ་དང་། འཕགས་པ་རྣམས་ཀྱིས་རྔ་མའི་རྙིས་སྐེ་ནས་བཏགས་ཏེ་བོར་བས་དེའི་མགྲིན་པ་སྣད་དེ།
D6.010.0188b06.01དེ་ལ་ནེའུ་ལྡངས་རྣམས་ཀྱིས་མགྲིན་སྣད་མགྲིན་སྣད་ཅེས་གཙེས་ལགས་སོ། །དེ་དེ་ལྟར་གཙེས་པ་ན་ལུས་སྐྱ་བོ་བསེང་བསེང་པོར་གྱུར་ཅིང་། ཤ་བྲི་ངན་པ་རྐེ་བ་སྐེམ་པར་གྱུར་ན། ཀྱེ་མ་བཅོམ་ལྡན་འདས་ཀྱིས་ཐུགས་བརྩེ་བར་དགོངས་ཏེ། གང་གིས་ན་འཕགས་པ་རྣམས་
D6.010.0188b07.01