完整藏文原文 · 德格版页 当前仅加载第 10 函德格 237b 版页；藏文 NFD、目录标记与异常页序保留在来源切片中，重复版页行以稳定序号区分。
བྱའི་གང་དག་རེག་པ་དེ་དག་གིས་གོས་དང་བཅས་ཏེ་བཀྲུ་བར་བྱའོ། །གཞན་དག་གིས་ནི་རྐང་ལག་ཉི་ཚེ་བཀྲུ་བར་བྱའོ། །དེ་དག་མཆོད་རྟེན་ལ་ཕྱག་མི་འཚལ་ནས། བཅོམ་ལྡན་འདས་ཀྱིས་བཀའ་སྩལ་པ། མཆོད་རྟེན་ལ་ཕྱག་འཚལ་བར་བྱའོ། །སངས་རྒྱས་བཅོམ་
D6.010.0237b01.01ལྡན་འདས་རྒྱལ་པོའི་ཁབ་བྱ་ཀ་ལན་ད་ཀ་གནས་པ་ན་བཞུགས་སོ། །ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་གཉིས་ཀྱི་ཀུན་ཏུ་སྤྱོད་པ་ནི་དུས་དུས་སུ་སེམས་ཅན་དམྱལ་བར་ཡང་རྒྱུ་ཞིང་འདོང་། དུད་འགྲོར་ཡང་འདོང་། {ཡི་དགས་,ཡི་དྭགས་}དག་ཏུ་ཡང་འདོང་། ལྷའི་
D6.010.0237b02.01ནང་དུ་ཡང་འདོང་། མི་དག་ཏུ་ཡང་རྒྱུ་ཞིང་འདོང་ངོ་། །དེ་གཉིས་དུས་གཞན་ཞིག་ན་དམྱལ་བར་རྒྱུ་ཞིང་འདོང་བ་ལས་མནར་མེད་པའི་དམྱལ་བ་ཆེན་པོར་སོན་པ་དང་། དེར་ཚེ་དང་ལྡན་པ་ཤཱ་རིའི་བུས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་སྨྲས་པ། ཚེ་དང་ལྡན་པ་མཽད་
D6.010.0237b03.01གལ་གྱི་བུ་དམྱལ་བ་པའི་སེམས་ཅན་རྣམས་ངལ་སོས་པར་གྱིས་ཤིག །ཚེ་དང་ལྡན་པ་མཽད་གལ་གྱི་བུས་ཚེ་དང་ལྡན་པ་ཤཱ་རིའི་བུ་དེ་བཞིན་དུ་བགྱིའོ་ཞེས་ཚེ་དང་ལྡན་པ་ཤཱ་རིའི་བུའི་ལྟར་མཉན་ཏེ། ནམ་མཁའ་ལ་འཕགས་ནས་ཆར་ཤིང་རྟའི་སྲོག་ཤིང་ཙམ་གྱི་
D6.010.0237b04.01རྒྱུན་དབབ་པར་བརྩམས་པ་དང་། ཆུ་དེ་མནར་མེད་པའི་མེ་ལྕེའི་འོད་ཀྱིས་བར་དུ་བསྐམས་པར་གྱུར་ཏོ། །ཚེ་དང་ལྡན་པ་ཤཱ་རིའི་བུས་སྨྲས་པ། ཚེ་དང་ལྡན་པ་མཽད་གལ་གྱི་བུ་ཆེན་པོ་གཞེས་ཤིག་དང་། བདག་གིས་ངལ་སོས་པར་བགྱིའོ། །དེས་སྨྲས་པ། ལེགས་
D6.010.0237b05.01ཀྱིས་དེ་བཞིན་དུ་ངལ་སོས་པར་མཛོད་ཅིག་ཅེས་སྨྲས་ཏེ། ཚེ་དང་ལྡན་པ་མཽད་གལ་གྱི་བུ་ཆེན་པོས་བསྡད་པ་དང་། ཚེ་དང་ལྡན་པ་ཤཱ་རིའི་བུས་ཏིང་ངེ་འཛིན་མོས་པ་ཅན་ཞེས་བྱ་བ་ལ་སྙོམས་པར་ཞུགས་ནས་དེས་མནར་མེད་པ་ཆེན་པོ་དེ་བསིལ་བར་བྱས་ཏེ། མནར་
D6.010.0237b06.01མེད་པའི་སེམས་ཅན་རྣམས་ཀྱི་སྡུག་བསྔལ་རྒྱུན་བཅད་དོ། །དེ་ནས་དེ་གཉིས་ཀྱིས་རྫོགས་བྱེད་ཆོས་ལོག་པར་སྟོན་པས་ལུས་ཆེན་པོར་གྱུར་ཅིང་དེའི་ལྕེ་ལ་ཡང་གཤོལ་ལྔ་བརྒྱས་རྨེད་པ་མཐོང་བ་དང་། དེས་སྨྲས་པ། འཕགས་པ་ཤཱ་རིའི་བུ་དང་། མཽད་གལ་གྱི་བུ་
D6.010.0237b07.01