完整藏文原文 · 德格版页 当前仅加载第 10 函德格 6a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཀྱིས་དགེ་སློང་གིས་ཀ་བ་ལ་ལག་པས་བསྣུན་པར་མི་བྱ་ཞེས་བཀའ་སྩལ་པ་དང་། དྲུག་སྡེ་རྣམས་ཁུ་ཚུར་དང་གྲུ་མོ་དང་། ཕྲག་པ་དང་། མགོ་དང་། རྩིབ་ལོགས་དང་། རྒྱབ་དང་། རྐེད་པ་དང་། བརླ་དང་། པུས་མོ་དང་། བྱིན་པ་དང་།
D6.010.0006a01.01རྐང་པ་དང་། དབྱུག་པ་དང་། བོང་བ་དང་། གཞན་གྱིས་སྣུན་པར་བྱེད་པས་ཉེས་དམིགས་དེ་ཉིད་དུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གང་གིས་ཀྱང་བསྣུན་པར་མི་བྱའོ། །དྲུག་སྡེ་རྣམས་རྩིག་པ་དང་ས་དང་། གཞན་ལ་སྣུན་པར་བྱེད་པ་དང་།
D6.010.0006a02.01བཅོམ་ལྡན་འདས་ཀྱིས་བཀའ་སྩལ་པ། གཞན་ལ་ཡང་གང་གིས་ཀྱང་བསྣུན་པར་མི་བྱའོ། །བསྣུན་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །
D6.010.0006a03.01དྲུག་སྡེ་རྣམས་སྔ་དྲོ་མཉན་ཡོད་དུ་བསོད་སྙོམས་ཀྱི་ཕྱིར་ཞུགས་པ་དང་། དེ་རྣམས་ཀྱིས་བྲམ་ཟེ་ཞིག་ཚངས་པའི་སྐུད་པ་ཐོགས་ཏེ་སློང་མོ་ལ་རྒྱུ་ཞིང་དེས་བཟའ་བ་དང་བཅའ་བ་ཡང་མང་དུ་རྙེད་པ་མཐོང་ནས་དྲུག་སྡེ་རྣམས་ཀྱིས་སྨྲས་པ། དགའ་བོ་ཉེ་དགའ་བོ་ཐབས་འདི་ནི་
D6.010.0006a04.01བཟང་པོ་ཞིག་སྟེ། བདག་ཅག་ཀྱང་དེ་ལྟ་བུ་བྱའོ་ཞེས་དེ་དག་ཕྱི་དེ་ཉིན་ཚངས་པའི་སྐུད་པ་ཐོགས་ཏེ། བསོད་སྙོམས་ལ་ཞུགས་པ་མ་དད་པ་རྣམས་ཀྱིས་མཐོང་ནས། འཕྱ་ཞིང་གུས་པར་སྨྲའོ། །གུས་པར་སྨྲའོ་ཞེས་སྨྲས་པ་དང་། དྲུག་སྡེ་རྣམས་ཀྱིས་སྨྲས་པ། བཀྲེན་
D6.010.0006a05.01པ་ཁྱེད་ཀྱིས་གུས་པར་སྨྲ་བར་བྱ་བ་གང་དག་ཡིན་པ་དང་། ཕྱག་བྱ་བ་གང་དག་ཡིན་པ་འདི་ཡང་མི་ཤེས་སམ། དེ་དག་གིས་སྨྲས་པ། འདི་ལ་ཅི་ཞིག་འཚལ་བར་བགྱི། བྲམ་ཟེ་རྒན་པ་རྒན་པ་རྣམས་ནི་གུས་པར་སྨྲ་བར་བྱ་བ་ཡིན་ལ། དགེ་སློང་རྣམས་ནི་ཕྱག་བྱ་བ་ཡིན་
D6.010.0006a06.01ན། དེ་ཅིའི་ཕྱིར་ཁྱེད་དགེ་སློང་རྣམས་ལ་གུས་པར་སྨྲ་བར་བྱེད་ཀྱི་ཕྱག་མ་ཡིན། འཕགས་པ་དག་བདག་ཅག་གིས་ཁྱེད་བྲམ་ཟེ་ལགས་པར་འཚལ་གྱི་དགེ་སློང་དུ་ནི་མ་ལགས་སོ། །དེ་ལྟ་ལགས་པས་བདག་ཅག་གིས་མ་འཚལ་གྱིས་བཟོད་པར་གསོལ་ལོ་ཞེས་བྱས་པ་དང་།
D6.010.0006a07.01