完整藏文原文 · 德格版页 当前仅加载第 10 函德格 294a 版页；藏文 NFD、目录标记与异常页序保留在来源切片中，重复版页行以稳定序号区分。
དེས་སྨྲས་པ། ལྷ་ཅི་འདྲ་ཞིང་མཆིས། རེ་ཞིག་དང་པོར་བདག་ལ་ཁྱིམ་མ་མཆིས་སོ། །རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་གསོས་པ་ལ་ཁྱིམ་བྱིན་ཅིག །དེ་དག་གིས་སྨྲས་པ། ལྷ་བློན་པོ་ཆེ་གེ་མོ་ཞིག་བགྱི་བ་དུས་ལས་
D6.010.0294a01.01འདས་པ་དེའི་ཁྱིམ་ཞིག་མཆིས་ཏེ། དེའི་མཆིས་འབྲང་ཡང་དེ་ན་མཆིས་སོ། །རྒྱལ་པོས་ཁྱིམ་དེ་ཆུང་མ་དང་ནོར་དུ་བཅས་པར་གསོས་པ་ལ་བྱིན་ཅིག་ཅེས་བསྒོ་བ་དང་། དེ་དག་གིས་ཁྱིམ་དེ་ཆུང་མ་དང་བཅས་ཏེ་གསོས་པ་ལ་བྱིན་ནོ། །ཡང་རྒྱལ་པོས་གསོས་པ་
D6.010.0294a02.01ལ་རྨས་པ། གསོས་པ་ཁྱོད་ཇི་ལྟ་ཞིང་འདུག །དེས་སྨྲས་པ། ལྷ་མཆིས་འབྲང་གི་འཁོར་རྣམས་མི་འདི་ཞིང་པའོ་ཞེས་བརྙས་པར་བགྱིད་ལགས་སོ། །རྒྱལ་པོས་སྨྲས་པ། གསོས་པ་གལ་ཏེ་དེ་ལྟ་ན་གང་གི་ཚེ་ཁྱོད་ཁྲུས་བྱེད་པར་འདོད་པ་དེའི་ཚེ་ངས་ཁྱོད་
D6.010.0294a03.01ལ་འགུགས་པ་གཏང་དང་ཁྱོད་ཀྱིས་དེ་ལ་ཁྲུས་ཟིན་ཏེ་འོང་ངོ་ཞེས་བྱོས་ཤིག །གསོས་པས་སྨྲས་པ། ཇི་ལྟར་བདག་གིས་ལྷའི་བཀའ་གཅག །རྒྱལ་པོས་སྨྲས་པ། གསོས་པ་ངས་ཁྱོད་ལ་གནང་ན་འདི་ལ་འགལ་བ་ཅི་ཞིག་ཡོད། །གང་གི་ཚེ་ཁྱོད་ཟན་ཟ་བར་འདོད་པ་
D6.010.0294a04.01དེའི་ཚེ་ངས་འགུགས་པ་གཉིས་པ་གཏང་གིས་དེ་ལ་ཡང་ཁྱོད་ཀྱིས་ཟན་ཟོས་ཏེ་འོང་ངོ་ཞེས་གྱིས་ཤིག་དང་། དེ་ནས་ང་ཉིད་ཁྱོད་ཀྱི་ཁྱིམ་དུ་འོངས་ཏེ། འོངས་ནས་ཁྱོད་དང་ལྷན་ཅིག་ཏུ་སྣོད་གཅིག་ཏུ་ཟན་བཟའོ། །དེས་སྨྲས་པ། ལྷ་བདག་ནི་འབངས་ལགས།
D6.010.0294a05.01ཁྱོད་ནི་རྗེ་བོ་ལགས་པས་བདག་ཁྱོད་དང་ལྷན་ཅིག་གཅིག་ཏུ་འཚལ་མ་མི་འཚལ་ཏེ། དེ་ནི་ཆ་མ་ལགས་སོ། །རྒྱལ་པོས་གསོས་པ་ངས་ཁྱོད་ལ་གནང་ན་འདི་ལ་འགལ་བ་ཅི་ཞིག་ཡོད། ཁྱོད་ཟོ་ཤིག་དང་དེ་ལྟ་ན་དེ་དག་ཁྱོད་ལ་གུས་པ་བྱེད་པར་འགྱུར་རོ་ཞེས་བསྒོ་
D6.010.0294a06.01བ་དང་དེས་ཁས་བླངས་ནས་ཅང་མི་ཟེར་བར་འདུག་གོ། །དེ་ནས་རྒྱལ་པོས་དེ་ཁྲུས་བྱེད་པའི་དུས་སུ་གསོས་པ་དགོས་པ་ཅུང་ཟད་ཅིག་ཡོད་ཀྱིས་མྱུར་དུ་ཤོག་ཤིག་ཅེས་ཕོ་ཉ་བཏང་བ་དང་། དེས་དེའི་དྲུང་དུ་སོང་སྟེ་སྨྲས་པ། གསོས་པ་དགོས་པ་ཅུང་ཟད་ཅིག་
D6.010.0294a07.01