完整藏文原文 · 德格版页 当前仅加载第 10 函德格 199b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ། ཚེ་དང་ལྡན་པ་དག་ཁྱེད་ཅིའི་ཕྱིར་འཁྲུགས་པར་གྱུར། དེ་དག་གིས་ཇི་ལྟར་གྱུར་པ་སྨྲས་སོ། །དེས་སྨྲས་པ། ཚེ་དང་ལྡན་པ་དག་ཐབས་ཡོད་ཀྱིས་ཐ་མལ་པར་འདུག་ལ་ཆུ་འཐུང་ཤིག །དེ་དག་ཐ་མལ་པར་འདུག་པ་དང་། དགེ་སློང་དག་
D6.010.0199b01.01གིས་ལྷས་མ་དང་། ལྕག་ཕོད་དང་། རྒྱ་ཅང་དག་མཐུད་དེ་ལྷུང་བཟེད་ཁྲོན་པར་དཔྱང་ལ་བཏང་ནས་དེ་ནས་ཆུ་བཅུས་ཏེ་བཏགས་སོ། །བཏགས་ནས་མི་རྒོད་ཐམས་ཅད་ངོམས་པར་བྱས་པ་དང་། དེ་དག་གིས་སྨྲས་པ། འཕགས་པ་དག་གལ་ཏེ་ཁྱེད་ཀྱིས་བདག་
D6.010.0199b02.01ཅག་ལ་ཆུ་མ་སྩལ་བར་གྱུར་ན་བདག་ཅག་གིས་ཁྱེད་ཐམས་ཅད་བསད་པར་གྱུར་ཏོ། །ཨེ་མ་ཁྱེད་གདང་ཐག་འཆང་བར་མཛོད་ཅིག །དེ་དག་གིས་སྨྲས་པ། ཚེ་དང་ལྡན་པ་དག་དེ་བཞིན་བྱའོ། །མི་རྒོད་དག་གིས་ཕྱག་བྱས་ཏེ་དོང་ངོ་། །དགེ་སློང་དག་
D6.010.0199b03.01གིས་ཀྱང་ཇི་ཙམ་ངོམས་པ་ཆུ་འཐུངས་ནས་རིལ་བ་དང་། བྱ་མ་བུམ་དག་བཀང་སྟེ་དོང་ནས་དེ་རིམ་གྱིས་མཉན་ཡོད་དུ་ལྷགས་སོ། །དགེ་སློང་དག་གིས་འོངས་པ་ལེགས་སོ་ཞེས་བྱ་བའི་ཀུན་དུ་སྤྱོད་པས་ཀུན་ཏུ་སྤྱད་ནས་ཚེ་དང་ལྡན་པ་དག་ཅི་བདེ་བར་སྤྱད་དམ།
D6.010.0199b04.01ཞེས་དྲིས་པ་དང་། དེ་དག་གིས་ཇི་ལྟར་གྱུར་པ་སྨྲས་སོ། །སྐབས་དེ་བཅོམ་ལྡན་འདས་ལ་དགེ་སློང་དག་གིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གནང་གིས་དགེ་སློང་དག་གིས་གདང་ཐག་བཅང་བར་བྱའོ། །བཅོམ་
D6.010.0199b05.01ལྡན་འདས་ཀྱིས་དགེ་སློང་དག་གིས་གདང་ཐག་བཅང་བར་བྱའོ་ཞེས་གསུངས་པ་དང་། དགེ་སློང་རྣམས་ཀྱིས་ཤིན་ཏུ་རིང་པོ་དག་འཆང་ནས། བཅོམ་ལྡན་འདས་ཀྱིས་བཀའ་སྩལ་པ། ཤིན་ཏུ་རིང་པོ་ཡང་བཅང་བར་མི་བྱའོ། །དེ་དག་ཤིན་ཏུ་ཐུང་ངུ་དག་བཅངས་
D6.010.0199b06.01ནས། བཅོམ་ལྡན་འདས་ཀྱིས་བཀའ་སྩལ་པ། ཤིན་ཏུ་ཐུང་ངུ་ཡང་བཅང་བར་མི་བྱའོ། །འོན་ཀྱང་གདང་ཐག་གསུམ་བཅང་བར་བྱ་སྟེ། རིང་པོ་དང་། འབྲིང་དང་། ཐུང་ངུའོ། །རིང་པོ་ནི་ཁྲུ་བརྒྱ་ལྔ་བཅུའོ། །ཐུང་ངུ་ནི་ཁྲུ་བརྒྱའོ། །དེ་དག་གི་བར་ནི་འབྲིང་ངོ་། །
D6.010.0199b07.01