完整藏文原文 · 德格版页 当前仅加载第 10 函德格 40a 版页；藏文 NFD、目录标记与异常页序保留在来源切片中，重复版页行以稳定序号区分。
ལྗོངས་རྒྱུ་ཞིང་སོང་ངོ་། །དེ་ལྗོངས་རྒྱུ་ཞིང་འགྲོ་བ་ན་གདོང་ལ་ཕོལ་མིག་བྱུང་ནས་དེས་སྨན་པ་གཏར་ཀ་བྱེད་དུ་བཅུག་པ་དང་། གདོང་མི་སྡུག་པར་གྱུར་ནས། དེ་དུས་གཞན་ཞིག་ན་མཉན་ཡོད་དུ་སོང་བ་དང་། དགེ་སློང་ཞིག་གིས་འཇུག་ཏུ་མ་སྟེར་ཏོ། །དེ་དགེ་སློང་གཞན་ཞིག་གི་གན་
D6.010.0040a01.01དུ་སོང་ནས་སྨྲས་པ། བཙུན་པས་བདག་མི་མཁྱེན་ཏམ། དེས་སྨྲས་པ། བཞིན་{བཟངས་,བཟང་}མི་ཤེས་ན་ཁྱོད་གང་ཞིག་ཡིན། དེས་སྨྲས་པ། བདག་གི་མིང་ནི་འདི་ཞེས་བྱ། ཁྱིམ་བདག་ཆེ་གེ་མོ་ཞིག་གི་ནི་བུའོ། །རབ་ཏུ་ནི་དེར་བྱུང་ངོ་། །ཡུལ་དེ་ནས་ནི་འདིར་འོངས་སོ། །དེས་སྨྲས་པ། ཚེ་
D6.010.0040a02.01དང་ལྡན་པ་ཁྱོད་བཞིན་བཟང་ཞིང་མདོག་སྡུག་པ་ཡིན་ན་ཅིའི་ཕྱིར་ཁྱོད་ཀྱི་བཞིན་མི་སྡུག་པར་གྱུར། དེས་ཇི་ལྟར་གྱུར་པ་ཀུན་སྨྲས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གི་གདོང་མེ་ལོང་དང་འདྲ་བ་ཡིན་པས་དེ་ལྟ་བས་ན་
D6.010.0040a03.01དགེ་སློང་གིས་གདོང་ལ་སྨན་པ་གཏར་ཀ་བྱེད་དུ་གཞུག་པར་མི་བྱའོ། །བྱེད་དུ་བཅུག་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གི་གདོང་ལ་སྨན་པ་གཏར་ཀ་བྱེད་དུ་གཞུག་པར་མི་བྱའོ་ཞེས་བཀའ་སྩལ་པ་དང་། དགེ་སློང་དག་ཁྲག་རྒྱས་ནས་གཏར་ཀ་གདབ་དགོས་པར་གྱུར་
D6.010.0040a04.01པ་ན་དགེ་སློང་དག་མི་འདེབས་ནས། བཅོམ་ལྡན་འདས་ཀྱིས་བཀའ་སྩལ་པ། གཏར་ཀ་གདབ་པར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་མཉན་ཡོད་ན་དགའ་འདུན་གཉིས་
D6.010.0040a05.01ཤིག་ཡོད་དེ། ཚོང་པའི་དགའ་འདུན་དང་། རུ་བའི་དགའ་འདུན་ནོ། །དེ་གཉིས་ལས་ཚོང་པའི་དགའ་འདུན་གྱིས་ནི་རུ་བའི་དགའ་འདུན་གར་དང་། གླུ་དང་། རོལ་མོའི་སྒྲ་དག་གིས་ཕམ་པར་བྱེད་དོ། །རུ་བའི་དགའ་འདུན་གྱིས་ནི་ཚོང་པའི་དགའ་འདུན་དགྲ་ཐབས་ཀྱིས་ཕམ་པར་བྱེད་དོ། །
D6.010.0040a06.01དེ་ནས་དུས་གཞན་ཞིག་ན་རུ་བའི་དགའ་འདུན་དག་གིས་སྨྲས་པ། ཤེས་ལྡན་དག་འདི་དག་གིས་བདག་ཅག་གར་དང་གླུ་དང་། རོལ་མོའི་སྒྲ་དག་གིས་ཕམ་པར་བྱས་ཤིང་བདག་ཅག་གིས་ཀྱང་དེ་དག་དགྲ་ཐབས་ཀྱིས་ཕམ་པར་བྱས་ན་བདག་ཅག་གིས་ཀྱང་ཐབས་ཇི་ལྟ་བུ་ཞིག་གིས་དེ་དག་གར་དང་གླུ་དང་། རོལ་
D6.010.0040a07.01