完整藏文原文 · 德格版页 当前仅加载第 10 函德格 303a 版页；藏文 NFD、目录标记与异常页序保留在来源切片中，重复版页行以稳定序号区分。
སྙད་ལ་ལེགས་པར་སྦྱོང་སྟེ། རྒྱལ་པོའི་མི་རྣམས་ཀྱིས་བྱི་བ་བྱེད་པ་དང་བུད་མེད་གང་དག་བཟུང་བ་དེ་དང་དེ་དག་ལ་སོ་སོར་ཀྱེ་མི་ཁྱོད་བུད་མེད་འདི་འདོད་དམ་ཞེས་རྨེད་ལ་བུད་མེད་ལ་ཡང་ཁྱོད་སྐྱེས་པ་འདི་འདོད་དམ་ཞེས་རྨེད་ཅིང་གལ་ཏེ་དེ་དག་ཕན་ཚུན་
D6.010.0303a01.01མངོན་པར་འདོད་པར་གྱུར་ན་དེ་ནས་བློན་པོ་རྣམས་ལ་ཤེས་ལྡན་དག་འདི་དག་ཕན་ཚུན་མངོན་པར་འདོད་ན་ང་ཅིའི་ཕྱིར་མི་འདོད། །འདི་དག་ལ་ངའི་ཆབ་འོག་ན་འཚོ་བ་སུས་ཀྱང་ཅུང་ཟད་ཀྱང་མ་སྨྲ་བར་འདི་དག་ཅི་དགར་སྤྱོད་ཅིང་འདུག་ཏུ་ཆུག་ཤིག་ཅེས་བསྒོའོ། །དཔྱ་
D6.010.0303a02.01འབུལ་བ་རྣམས་ལ་ནི་ནན་ཏན་དུ་ལྟའོ། །ཞག་བདུན་ལོན་ཏེ་རྒྱལ་པོ་ཕྱིར་བྱུང་ནས་གསོས་པ་ལ་རྨས་པ། གསོས་པ་ཅི་གཞོན་ནུ་བ་ལང་སྐྱོང་ང་འདས་ནས་རྒྱལ་སྲིད་བྱེད་ནུས་སམ། དེས་སྨྲས་པ། ལྷ་རྔོ་ནི་ཐོག་ན་འོན་ཀྱང་བྱི་བ་བགྱིད་པ་རྣམས་ནི་དར་བར་
D6.010.0303a03.01འགྱུར་ལགས་སོ། །རྒྱལ་པོས་སྨྲས་པ། གསོས་པ་བྱི་བ་བྱེད་པ་དང་བྱི་བ་མི་བྱེད་པ་ཞེས་བྱ་བ་དེ་ཇི་ལྟ་བུ་ཡིན། དེས་ཇི་ལྟ་བུ་ཡིན་པ་བརྗོད་པ་དང་། རྒྱལ་པོས་བསམས་པ་ཅི་གཞོན་ནུ་འདི་གཞན་གྱི་བུད་མེད་རྣམས་ལ་ཕྲག་དོག་མེད་པ་ཞིག་གམ། འོན་
D6.010.0303a04.01ཏེ་རང་གི་ཆུང་མ་ལ་ཡང་དེ་བཞིན་པ་དེ་རེ་ཞིག་བརྟག་པར་བྱའོ་སྙམ་ནས་དེས་ས་འཛིན་པ་ཞིག་ལ་ས་འཛིན་པ་ཁྱོད་སོང་ལ་གཞོན་ནུ་བ་ལང་སྐྱོང་གི་ཆུང་མ་དང་ལྷན་ཅིག་དགའ་མགུར་སྤྱོད་ཅིག་ཅེས་བསྒོ་བ་དང་། དེས་རྣ་བ་གཉིས་བཀག་ནས་སྨྲས་པ། ལྷ་སྡིག་
D6.010.0303a05.01པས་བརླག་ལགས་སོ། །རྒྱལ་པོས་སྨྲས་པ། ས་འཛིན་པ་རྒྱལ་པོའི་དོན་ནི་དེ་ལྟ་བུར་གནས་པ་ཡིན་གྱིས་སོང་ཤིག །གལ་ཏེ་རིམ་པ་བཞིན་མ་བྱས་ན་རྒྱལ་པོའི་དོན་ཉམས་པར་འགྱུར་རོ། །དེས་སྨྲས་པ། ལྷ་མོད་ལ་དེ་ལྟར་བགྱི་བའི་རྔོ་མི་ཐོག་པས་བགས་
D6.010.0303a06.01ཀྱིས་བགྱིའོ། །དེས་སྨྲས་པ། དེ་བཞིན་དུ་ནི་བྱེད་ལ་རག་ན་ས་འཛིན་པ་ཐབས་ཇི་ལྟ་བུ་ཞིག་བྱེད། ལྷ་དེའི་སྡུམ་པ་དང་ཉེ་བ་ཞིག་ཏུ་ཟོང་བཀྲམ་པ་བགྱིས། ཟོང་སྩོལ་ཅིག་དང་དེ་ནས་འདྲིས་པར་བགྱིས་ནས་བཀའ་ཇི་སྐད་སྩལ་པ་བསྒྲུབ་པར་བགྱིའོ། །
D6.010.0303a07.01