完整藏文原文 · 德格版页 当前仅加载第 10 函德格 284a 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ཏོ། །བཅོམ་ལྡན་འདས་ཀྱིས་དེ་ལ་ཀ་ཏྱའི་བུ་ཞེས་བཀའ་སྩལ་ཅིང་བོས་པས་དེའི་མིང་ཀ་ཏྱའི་བུ་ཆེན་པོ་ཞེས་བྱ་བར་ཆགས་སོ། །ཇི་ཙམ་དུས་གཞན་ཞིག་ན་འཕགས་རྒྱལ་དུ་ཁྱོགས་དང་ཁྱོགས་སུ་འདོམ་པའི་མི་ངས་ཤིག་བྱུང་ནས་རྒྱལ་པོ་གཏུམ་
D6.010.0284a01.01པོ་རབ་སྣང་བཙུན་མོའི་འཁོར་དང་། གཞོན་ནུ་དང་། བློན་པོ་དང་། ཕོ་བྲང་འཁོར་གྱི་མི་དང་བཅས་ཏེ་སེམས་ཁོང་དུ་ཆུད་ཅིང་འདུག་གོ། །དེ་ན་ཁ་ཅིག་གིས་སྨྲས་པ། ལྷ་ཞི་བ་བགྱིད་དུ་སྩོལ་ཅིག །གཞན་དག་གིས་སྨྲས་པ། བྲམ་ཟེ་རྣམས་འཚལ་
D6.010.0284a02.01མ་སྩོལ་ཅིག །ཁ་ཅིག་གིས་སྨྲས་པ། ལྷ་ཉེ་འཁོར་ན་གནས་པའི་དགེ་བའི་ངོ་བོར་བཀུར་བའི་དགེ་སྦྱོང་དང་བྲམ་ཟེ་གང་ཡང་རུང་བ་དེ་དག་ཚོལ་དུ་སྩོལ་ཅིག །རྒྱལ་པོ་གཏུམ་པོ་རབ་སྣང་གིས་ཆབ་སྒོ་བ་རྣམས་ལ་བསྒོ་བ། ཤེས་ལྡན་དག་དགེ་སྦྱོང་ངམ་
D6.010.0284a03.01བྲམ་ཟེ་གང་སུ་ཡང་རུང་བ་ཡམས་ཀྱི་ནད་ཞི་བར་བྱེད་པར་འགྱུར་བ་ཞིག་འདིར་འོངས་ན་དེ་ང་ལ་སྦྲོན་ཅིག །སྐབས་འདི་ལྟ་བུ་ལ་སངས་རྒྱས་བཅོམ་ལྡན་འདས་རྣམས་ནི་མི་མཁྱེན་པའམ་མི་གཟིགས་པའམ་མི་རིག་པ་དང་། རྣམ་པར་མི་མཁྱེན་པ་ཅུང་ཟད་
D6.010.0284a04.01ཀྱང་མི་མངའ་སྟེ། སངས་རྒྱས་བཅོམ་ལྡན་འདས་ཐུགས་རྗེ་ཆེན་པོ་མངའ་བ། འཇིག་རྟེན་ལ་ཕན་འདོགས་པར་ཞུགས་པ། སྲུང་བ་གཅིག་པ། གཅིག་ཏུ་དཔའ་བ། ཟླ་མེད་པ། གཉིས་སུ་མི་གསུང་བ། ཞི་གནས་དང་། ལྷག་མཐོང་ལ་གནས་པ། གདུལ་
D6.010.0284a05.01བའི་དངོས་པོ་གསུམ་ལ་མཁས་པ། ཆུ་བོ་བཞི་ལས་རྒལ་བ། རྫུ་འཕྲུལ་གྱི་རྐང་པ་བཞི་ཞབས་ཀྱི་མཐིལ་ལ་ལེགས་པར་གནས་པ། བསྡུ་བའི་དངོས་པོ་བཞི་ལ་ཡུན་རིང་པོ་ནས་གོམས་པ། ཡན་ལག་ལྔ་སྤངས་པ། འགྲོ་བ་ལྔ་ལས་ཤིན་ཏུ་འདས་པ། ཡན་ལག་
D6.010.0284a06.01དྲུག་དང་ལྡན་པ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ། བྱང་ཆུབ་ཀྱི་ཡན་ལག་བདུན་གྱི་མེ་ཏོག་གིས་ཕྱུག་པ། འཕགས་པའི་ལམ་ཡན་ལག་བརྒྱད་པ་སྟོན་པ། མཐར་གྱིས་གནས་པའི་སྙོམས་པར་འཇུག་པ་དགུ་ལ་མཁས་པ། སྟོབས་བཅུའི་སྟོབས་དང་ལྡན་པ།
D6.010.0284a07.01