完整藏文原文 · 德格版页 当前仅加载第 10 函德格 254b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་གིས་དེ་ལ་བསྔོས་སོ། །དགེ་སློང་དག་གིས་དེ་ཇི་ལྟར་བསྒྲུབ་པ་མི་ཤེས་ནས། སྐབས་དེ་དགེ་སློང་དག་གིས་བཅོམ་ལྡན་འདས་ལ་རྒྱས་པར་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རུང་བར་བྱ་བའི་ཕྱིར་ངས་བསྔོ་བར་གནང་མོད་ཀྱི་
D6.010.0254b01.01འོན་ཀྱང་གང་གིས་བསྔོས་པ་དེ་ཉིད་ཀྱི་ཡིན་ནོ། །གླེང་གཞི་ནི་མཉན་ཡོད་ནའོ། །དགེ་སློང་གཞན་ཞིག་གིས་དགེ་སློང་ཞིག་ལ་ཆོས་གོས་དག་བསྔོས་པ་དང་། གང་ལ་བསྔོས་པ་དེ་བབས་ནས། དེས་བསམས་པ། བདག་ལ་དགེ་སློང་དེས་ཆོས་གོས་དག་བསྔོས་པས་
D6.010.0254b02.01བདག་བབས་མོད་ཀྱི་འོན་ཀྱང་དེ་དག་བདག་དབང་གིས་ལེན་དུ་འགྲོའོ་སྙམ་ནས། དེ་དགེ་སློང་དེའི་དྲུང་དུ་སོང་སྟེ། དེས་སྨྲས་པ། འཕགས་པ་ཁྱོད་ཀྱིས་ཆོས་གོས་དག་བདག་ལ་བསྔོས་ན་དེ་དག་བདག་ལ་སྩོལ་ཅིག །སྐབས་དེ་དགེ་སློང་དག་ལ་བརྗོད་པ་དང་། དེ་དག་
D6.010.0254b03.01གིས་ཇི་ལྟར་བསྒྲུབ་པ་མི་ཤེས་ནས། སྐབས་དེ་དགེ་སློང་དག་གིས་བཅོམ་ལྡན་འདས་ལ་རྒྱས་པར་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི་དགེ་སློང་གང་ཁོ་ན་ལ་ཡིད་བརྟན་ཏེ་ཆོས་གོས་དག་བཏམས་པ་དེ་ཁོ་ནའི་
D6.010.0254b04.01མདུན་དུ་བསྔོ་བ་ལས་གྱུར་གྱིས་དེའི་ཕྱིར་དགེ་སློང་གིས་གང་ལ་ཡིད་བརྟན་ཏེ་ཆོས་གོས་དག་བཏམས་པ་དེ་ཁོ་ནའི་མདུན་དུ་བསྔོ་བར་མི་བྱའོ་སྙམ་དུ་དགོངས་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་དགེ་སློང་གིས་ཡིད་བརྟན་ཅིང་ཆོས་གོས་བཏམས་
D6.010.0254b05.01པ་དེ་ཉིད་ཀྱི་མདུན་དུ་ཆོས་གོས་བསྔོ་བར་མི་བྱའི། དེའི་མངོན་སུམ་དུ་བསྔོ་བར་མ་བྱས་ན་ཉེས་དམིགས་དེར་མི་འགྱུར་རོ། །གླེང་གཞི་ནི་མཉན་ཡོད་ནའོ། །དགེ་སློང་གཞན་ཞིག་གིས་དགེ་སློང་ཞིག་ལ་ཆོས་གོས་དག་བསྔོས་ཏེ། གང་ལ་བསྔོས་པ་དེ་ཐབ་ཁྲོལ་
D6.010.0254b06.01ཅན་ཞིག་སྟེ། རྟག་ཏུ་དགེ་སློང་དག་དང་ལྷན་ཅིག་ཐབ་ཁྲོལ་བྱེད་པ་ལས་དེ་གཞན་ཞིག་དང་ཐབ་མོ་བྱས་ནས་འགྲོ་བར་ཆས་པ་དང་། གང་གིས་དེ་ལ་ཆོས་གོས་དག་བསྔོས་པ་དེས་དེ་མི་བཏང་བར་བརྩམས་ཏེ། ཚེ་དང་ལྡན་པ་མ་འགྲོ་ཤིག་ཅེས་དེས་དེ་བཟུང་བ་དང་།
D6.010.0254b07.01