完整藏文原文 · 德格版页 当前仅加载第 10 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
ཚུན་ཆད་དེ་རྟག་ཏུ་ནའོ། །དེའི་དྲུང་དུ་ཚངས་པ་མཚུངས་པར་སྤྱོད་པ་རྣམས་སོང་སྟེ་དྲིས་པ་གནས་བརྟན་བདེའམ། དེས་སྨྲས་པ། ཚེ་དང་ལྡན་པ་དག་བདག་ན་སྟེ་མི་བདེའོ། །དེ་དག་གིས་སྨྲས་པ། གནས་བརྟན་ཁྱོད་ཀྱིས་སྔོན་ཅི་ཞིག་བཅངས། བཞིན་{བཟངས་,བཟང་}སྨན་གྱི་
D6.010.0182b01.01ཕོར་བུའོ། །གནས་བརྟན་གལ་ཏེ་དེ་ལྟ་ན་ད་ཅི་སྟེ་མི་བཅང་། བཞིན་{བཟངས་,བཟང་}བཅོམ་ལྡན་འདས་ཀྱིས་མ་གནང་ངོ་། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གནང་གིས་སྨན་ཕོར་བཅང་བར་
D6.010.0182b02.01བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་མཉན་ཡོད་ན་ཁྱིམ་བདག་ཅིག་ཡོད་པ་དེས་རིགས་མཉམ་པ་ལས་ཆུང་མ་བླངས་ནས། དེ་དེ་དང་རྩེ་བར་བྱེད། དགའ་བར་
D6.010.0182b03.01བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་བུ་ཞིག་བཙས་ཏེ། དེ་བསྐྱེད་བསྲིངས་ནས་ཆེན་པོར་གྱུར་ཏོ། །དེ་དུས་གཞན་ཞིག་ན་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང་། དེས་
D6.010.0182b04.01ཁྲི་འབའ་ཞིག་ཐོབ་ཀྱི་མལ་སྟན་ནི་མེད་དོ། །ཇི་ཙམ་དུས་གཞན་ཞིག་ན་ཁྱིམ་བདག་དེ་རྒྱལ་བྱེད་ཀྱི་ཚལ་དུ་སོང་བ་དང་། བུ་དེ་ཁྲི་སྟོང་པ་ལ་ཉལ་ཏེ་མལ་སྟན་མེད་པར་མཐོང་ནས་དེས་སྨྲས་པ། བུ་དགེ་སློང་འདི་རྣམས་ལ་མལ་སྟན་ཡོད་ན་ཁྱོད་ལ་ཅི་སྟེ་མེད། དེས་སྨྲས་པ། ཕ་
D6.010.0182b05.01དགེ་སློང་འདི་དག་ནི་རབ་ཏུ་བྱུང་ནས་ཡུན་རིང་དུ་ལོན་པས་འདི་དག་གིས་མལ་སྟན་ཐོབ་ཀྱི་བདག་ནི་ད་གཟོད་རབ་ཏུ་བྱུང་བས་ན་བདག་གིས་མ་ཐོབ་པོ། །དེས་སྨྲས་པ། བུ་གལ་ཏེ་དེ་ལྟ་ན། ངས་ཁྱོད་ལ་པར་ཏང་ཞིག་བསྐུར་གྱིས་དེ་འདིར་ཐིང་ཤིག །དེས་སྨྲས་པ། བཅོམ་ལྡན་
D6.010.0182b06.01འདས་ཀྱིས་མ་གནང་ངོ་། །བུ་བཅོམ་ལྡན་འདས་ནི་ཐུགས་རྗེ་ཅན་ཡིན་པས་གནང་བར་འགྱུར་རོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གནང་གིས་དགེ་སློང་གིས་པར་ཏང་གདིང་བར་
D6.010.0182b07.01