完整藏文原文 · 德格版页 当前仅加载第 10 函德格 246a 版页；藏文 NFD、目录标记与异常页序保留在来源切片中，重复版页行以稳定序号区分。
སྨོད་པར་བྱེད་དོ། །དེ་འདི་སྙམ་དུ་འདི་ཉིད་བདག་གིས་བྱ་བ་ཡིན་ནོ་སྙམ་དུ་ཤེས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་
D6.010.0246a01.01འདི་སྐད་ཅེས་གསོལ་ཏོ། །བཙུན་པ་འཕགས་པ་ཤཱ་རིའི་བུ་ལ་རབ་ཏུ་དད་པའི་སྐྱེ་བོའི་ཚོགས་ཆེན་པོ་མཆོད་པའི་ཡོ་བྱད་དག་ཐོགས་ཏེ། བདག་གི་སྡུམ་པར་མཆིས་པ་ལས་བདག་བགྱི་བ་ཅུང་ཟད་ཅིག་གི་སླད་དུ་ཆབ་སྒོ་བཀུམ་ནས་གཞན་དུ་མཆིས་པ་དང་། དེ་དག་ཁྱིམ་
D6.010.0246a02.01བདག་མགོན་མེད་ཟས་སྦྱིན་གྱིས་སྒོ་བཅད་དེ་སོང་བས། བདག་ཅག་གི་བསོད་ནམས་ཀྱི་བར་ཆད་བྱས་སོ་ཞེས་འཕྱ་བར་བགྱིད། གཞོགས་འཕྱས་བགྱིད་སྨོད་པར་བགྱིད་དོ། །དེའི་སླད་དུ་གལ་ཏེ་བཅོམ་ལྡན་འདས་ཀྱིས་གནང་ན་བདག་གིས། འཕགས་པ་ཤཱ་རིའི་བུའི་
D6.010.0246a03.01མཆོད་རྟེན་ཕྱོགས་སྣང་ཡལ་ཅན་ཞིག་ཏུ་བགྱིས་ལ། དེར་སྐྱེ་བོའི་ཚོགས་ཆེན་པོ་བག་ཡངས་སུ་མཆོད་པ་བགྱིད་དུ་སྩལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་དེ་ལྟ་བས་ན་གནང་གིས་བྱོས་ཤིག །བཅོམ་ལྡན་འདས་ཀྱིས་གནང་གིས་བྱོས་ཤིག་ཅེས་བཀའ་
D6.010.0246a04.01སྩལ་པ་དང་། དེས་ཇི་ལྟ་བུར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། རིམ་གྱིས་བང་རིམ་བཞི་བྱས་ལ་དེ་ནས་བུམ་རྟེན་བྱའོ། །དེ་ནས་བུམ་པ་དང་བྲེ་དང་སྲོག་ཤིང་དང་། གདུགས་གཅིག་དང་། གཉིས་དང་། གསུམ་དང་། བཞི་བྱ་བ་བྱས་ནས་བཅུ་
D6.010.0246a05.01གསུམ་གྱི་བར་དུ་བྱ་ཞིང་ཆར་ཁབ་དག་གཞག་པར་བྱའོ། །བཅོམ་ལྡན་འདས་ཀྱིས་མཆོད་རྟེན་དེ་ལྟ་བུ་བྱའོ་ཞེས་གསུངས་པ་དང་། དེས་ཅི་འཕགས་པ་ཤཱ་རིའི་བུ་འབའ་ཞིག་ལ་མཆོད་རྟེན་རྣམ་པ་དེ་ལྟ་བུའམ། འོན་ཏེ་འཕགས་པ་ཐམས་ཅད་ལ་བྱ་བ་མི་ཤེས་ནས། སྐབས་དེ་
D6.010.0246a06.01བཅོམ་ལྡན་འདས་ལ་དགེ་སློང་དག་གིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་རེ་ཞིག་དེ་བཞིན་གཤེགས་པའི་མཆོད་རྟེན་ནི་རྣམ་པ་ཐམས་ཅད་རྫོགས་པར་བྱའོ། །རང་སངས་རྒྱས་ཀྱི་ཆར་ཁབ་མི་གཞག་པར་བྱའོ། །དགྲ་བཅོམ་པའི་ནི་གདུགས་
D6.010.0246a07.01