完整藏文原文 · 德格版页 当前仅加载第 10 函德格 122a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། གདོན་པའོ་ཞེས་གསུངས་ན་ཁྱོད་རང་གི་ཆུང་མ་འདྲི་ཞིང་འདུག་གམ། དེ་ཅང་མི་སྨྲ་བར་འདུག་གོ། །སྐབས་དེ་ཚེ་དང་ལྡན་པ་འོད་སྲུང་ཆེན་པོས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི་
D6.010.0122a01.01དགེ་སློང་དག་རི་མོ་འདྲི་བ་ལས་གྱུར་པར་མཁྱེན་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་སྐྱེས་བུ་གཏི་མུག་དགའ་བོས་ཤིན་ཏུ་བཟང་མོ་ལ་ཆགས་པའི་སེམས་ཀྱིས་རི་མོ་བྲིས་སོ། །དེ་ལྟ་བས་ན་དགེ་སློང་གིས་རི་མོ་བྲི་བར་མི་བྱའོ། །དགེ་སློང་རི་མོ་འདྲི་བར་བྱེད་ན་འགལ་ཚབས་
D6.010.0122a02.01ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་རི་མོ་བྲི་བར་མི་བྱའོ། །ཞེས་བཀའ་སྩལ་པ་དང་། དགེ་སློང་དག་དེ་བཞིན་གཤེགས་པའི་དབུ་སྐྲ་དང་། སེན་མོའི་མཆོད་རྟེན་ལ་ཡང་དྲིས་བྱུག་པ་དང་། དྲིས་གཏོར་བར་མི་བྱེད་དོ། །སངས་རྒྱས་བཅོམ་ལྡན་འདས་རྣམས་ནི་
D6.010.0122a03.01མཁྱེན་བཞིན་དུ་འདྲི་བར་མཛད་པས་སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་དྲིས་པ། ཀུན་དགའ་བོ་ཅིའི་ཕྱིར་དགེ་སློང་དག་དེ་བཞིན་གཤེགས་པའི་དབུ་སྐྲ་དང་སེན་མོའི་མཆོད་རྟེན་ལ་དྲིས་བྱུག་པ་དང་དྲིས་གཏོར་བར་མི་བྱེད་དེས་སྐབས་དེ་བཅོམ་ལྡན་འདས་ལ་རྒྱས་
D6.010.0122a04.01པར་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། དྲིས་བྱུག་པ་དང་། དྲིས་གཏོར་བ་དག་བྱའི་སེམས་ཅན་གྱི་གཟུགས་ནི་བྲི་བར་མི་བྱའོ། །བཅོམ་ལྡན་འདས་ཀྱིས་དགོངས་པ། སྐྱེས་བུ་བླུན་པོ་དགའ་བོ་འདི་ནི་ད་དུང་ཡང་ཤིན་ཏུ་བཟང་
D6.010.0122a05.01མོ་ལ་ཆགས་པ་དང་ལྡན་ཞིང་སེམས་འབྲེལ་གྱིས་འདི་ལ་ཐབས་བཤམ་པ་ཞིག་བྱའོ་སྙམ་དུ་མཁྱེན་ནས། ཚེ་དང་ལྡན་པ་དགའ་བོ་ལ་བཀའ་སྩལ་པ། དགའ་བོ་ཁྱོད་ཀྱིས་རི་སྤོས་ཀྱི་ངད་ལྡང་མཐོང་ངམ། བཙུན་པ་མ་མཐོང་ལགས་སོ། །གལ་ཏེ་དེ་ལྟ་ན་དེ་བཞིན་གཤེགས་པའི་ཆོས་གོས་ཀྱི་ཐ་མ་ནས་
D6.010.0122a06.01ཟུང་ཤིག །དེས་བཅོམ་ལྡན་འདས་ཀྱི་ཆོས་གོས་ཀྱི་ཐ་མ་ནས་བཟུང་ངོ་། །དེ་ནས་བཅོམ་ལྡན་འདས་ངང་པའི་རྒྱལ་པོ་འདབ་མ་བརྐྱང་བ་ལྟར་ནམ་མཁའི་དཀྱིལ་དུ་འཕགས་ཏེ་སྟེང་གི་ནམ་མཁའ་ལས་རི་བོ་སྤོས་ཀྱི་ངད་ལྡང་ལ་གཤེགས་ནས། དེ་དེར་ཚེ་དང་ལྡན་པ་དགའ་བོ་དང་ཐབས་ཅིག་དེ་དང་དེ་
D6.010.0122a07.01