完整藏文原文 · 德格版页 当前仅加载第 10 函德格 28a 版页；藏文 NFD、目录标记与异常页序保留在来源切片中，重复版页行以稳定序号区分。
སློང་གི་དགེ་འདུན་གྱི་ཚོགས་ཀྱིས་ཡོངས་སུ་བསྐོར་ཅིང་མདུན་དུ་བདར་ཏེ་ཁྱིམ་བདག་ཉེས་མེད་ཀྱི་བཀད་ས་ག་ལ་བ་དེར་གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་ཁྱིམ་བདག་ཉེས་མེད་ཀྱིས་སངས་རྒྱས་ལ་
D6.010.0028a01.01སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས། བཟའ་བ་དང་བཅའ་བ་གཙང་ཞིང་བསོད་པ་དག་རང་གི་ལག་ནས་བསྟབས་ཤིང་ཚིམ་པར་བྱས་ཏེ། ལན་གྲངས་དུ་མར་བཟའ་བ་དང་བཅའ་བ་གཙང་ཞིང་བསོད་པ་དག་རང་གི་ལག་ནས་བསྟབས་ཤིང་ཚིམ་པར་བྱས་པ་དང་།
D6.010.0028a02.01བཅོམ་ལྡན་འདས་ཀྱིས་གསོལ་ནས་ཕྱག་བཅབས་ཏེ་ལྷུང་བཟེད་བཞག་པར་རིག་ནས་སྟན་ཆེས་དམའ་བ་ཞིག་བླངས་ཏེ། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ། །དེ་ནས་ཡང་དག་པར་རྫོགས་པའི་སངས་རྒྱས་རྣམ་པར་
D6.010.0028a03.01གཟིགས་ཁྱིམ་བདག་ཉེས་མེད་ལ་ཆོས་དང་ལྡན་པའི་གཏམ་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་སྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མར་ཆོས་དང་ལྡན་པའི་གཏམ་ཡང་དག་
D6.010.0028a04.01པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་སླར་གཤེགས་སོ། །རྒྱལ་པོ་གཉེན་ལྡན་གྱིས་ཀྱང་གཞུང་གོང་མ་ཇི་ལྟ་བ་དེ་བཞིན་དུ་གདུགས་ཚོད་གསོལ་བ་རྒྱ་ཆེར་རིག་པར་བྱའོ། །རྒྱལ་པོ་དང་ཁྱིམ་བདག་གཉི་
D6.010.0028a05.01གའི་གདུགས་ཚོད་བཟང་བར་འདྲ་སྟེ། གང་ཡང་ཕམ་རྒྱལ་མེད་ནས་རྒྱལ་པོ་གཉེན་ལྡན་རྐོམ་ཚུགས་བཅས་ཏེ་སེམས་ཁོང་དུ་ཆུད་ཅིང་འདུག་པ་དང་། བློན་པོ་དག་གིས་སྨྲས་པ། ལྷ་ཁྱོད་ཅིའི་སླད་དུ་རྐོམ་ཚུགས་བཅས་ཏེ་སེམས་ཁོང་དུ་ཆུད་ཅིང་བཞུགས། དེས་སྨྲས་པ། ཤེས་ལྡན་
D6.010.0028a06.01དག་ངས་ངའི་ཡུལ་ན་གནས་པའི་གྲོང་མི་གང་ཡིན་པ་དེ་ཡང་གདུགས་ཚོད་ལྷག་པར་བཟང་པོས་ཕམ་པར་མ་ནུས་ན། ང་ཇི་ལྟར་རྐོམ་ཚུགས་བཅས་ཏེ་སེམས་ཁོང་དུ་ཆུད་ཅིང་མི་འདུག་ཏུ་རུང་། དེ་དག་གིས་སྨྲས་པ། ལྷ་ཞུགས་ཤིང་འཚོང་བ་རྣམས་བཀག་པ་དང་། ཁྱིམ་བདག་དེའི་ཞུགས་ཤིང་
D6.010.0028a07.01