完整藏文原文 · 德格版页 当前仅加载第 10 函德格 29b 版页；藏文 NFD、目录标记与异常页序保留在来源切片中，重复版页行以稳定序号区分。
གཉིས་པ་དང་གསུམ་པ་དག་བཏང་ན་དེ་དག་ཀྱང་སོང་ཞིང་དེ་ཉིད་དུ་འདུག་གོ། །དེ་ནས་ཁྱིམ་བདག་ཉེས་མེད་རང་ཉིད་དེར་སོང་སྟེ་བརྟགས་ན་འབྱོར་པ་དེ་དག་མཐོང་ནས་ངོ་མཚར་ཆེན་པོ་སྐྱེས་ཏེ་དེས་བསམས་པ། གཞན་ནི་བདག་གིས་ཀྱང་འབྱོར་པ་ནུས་ན། གླང་པོ་ཆེ་དང་། བཙུན་མོའི་ཚོགས་བདག་གིས་
D6.010.0029b01.01ག་ལ་འབྱོར་སྙམ་དུ་རིག་ནས་ཁྱིམ་དུ་སོང་སྟེ་མི་སྒོ་བ་བོས་ནས་སྨྲས་པ། ཀྭའེ་སྒོ་བ་མི་སློང་མོ་པ་གང་དག་ལྷགས་ན་དེ་དག་ཅི་འདོད་པ་དག་བྱིན་ལ་ནང་དུ་མ་བཏང་ཤིག་ཅེས་བསྒོ་ནས། དེ་མྱ་ངན་གྱི་ཁང་པར་ཞུགས་ཏེ་རྐོམ་ཚུགས་བཅས་ནས་སེམས་ཁོང་དུ་ཆུད་ཅིང་འདུག་གོ། །དེ་ནས་ལྷའི་དབང་པོ་བརྒྱ་བྱིན་
D6.010.0029b02.01གྱི་ཤེས་པ་དང་། མཐོང་བ་ནི་འོག་གི་ཕྱོགས་སུ་འཇུག་པ་ཡིན་པས་དེས་བསམས་པ། འཇིག་རྟེན་ན་མཆོད་གནས་གང་དག་ཡིན་པ་དེ་དག་གི་ནང་ན་ནི་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་མཆོག་ཡིན་ལ། སྦྱིན་བདག་གང་དག་ཡིན་པ་དག་གི་ནང་ན་ནི་ཁྱིམ་བདག་ཉེས་མེད་
D6.010.0029b03.01མཆོག་ཡིན་པས་དེའི་གྲོགས་བྱའོ་སྙམ་ནས་བདག་ཉིད་ཀཽ་ཤི་ཀའི་རིགས་ཀྱི་བྲམ་ཟེ་ཞིག་ཏུ་སྤྲུལ་ནས་ཁྱིམ་བདག་ཉེས་མེད་ཀྱི་ཁྱིམ་ག་ལ་བ་དེར་སོང་སྟེ་ཕྱིན་ནས་མི་སྒོ་བ་བོས་ཏེ་སྨྲས་པ། ཀྱེ་སྒོ་བ་སོང་ལ་ཁྱིམ་བདག་ཉེས་མེད་ལ་ཀཽ་ཤི་ཀའི་རིགས་ཀྱི་བྲམ་ཟེ་ཞིག་སྒོར་འོངས་ཏེ་ཁྱོད་མཐོང་བར་
D6.010.0029b04.01འདོད་དོ་ཞེས་གྱིས་ཤིག །དེས་སྨྲས་པ། བྲམ་ཟེ་ཁྱིམ་བདག་གིས་བདག་ལ་མི་སློང་མོ་པ་གང་དག་ལྷགས་ན། དེ་དག་ཅི་འདོད་པ་དག་བྱིན་ལ་ནང་དུ་མ་བཏང་ཤིག་ཅེས་བསྒོས། ཁྱིམ་བདག་གིས་ཁྱོད་ལ་ཅི་བྱ། ཁྱོད་ཅི་དགོས་པ་དེ་དག་ཁྱེར་ལ་སོང་ཤིག །དེས་སྨྲས་པ། ཀྱེ་
D6.010.0029b05.01སྒོ་བ་ཁོ་བོ་ལ་དགོས་པ་གཞན་ཅི་ཡང་མེད་དེ། ཁོ་བོ་ནི་ཁྱིམ་བདག་ཉིད་མཐོང་བར་འདོད་ཀྱིས་སོང་ཤིག །དེ་ཁྱིམ་བདག་ཉེས་མེད་ཀྱི་གན་དུ་སོང་སྟེ་སྨྲས་པ། ཇོ་བོ་ཀཽ་ཤི་ཀའི་རིགས་ཀྱི་བྲམ་ཟེ་ཞིག་ཆབ་སྒོར་མཆིས་ཏེ་ཇོ་བོ་མཐོང་བར་འཚལ་ཞེས་མཆིའོ། །དེས་སྨྲས་པ། ཀྭའེ་སྒོ་བ་ངས་ཁྱོད་
D6.010.0029b06.01ལ་སྔར་མི་སློང་མོ་པ་གང་དག་ལྷགས་ན། དེ་དག་ཅི་འདོད་པ་དག་བྱིན་ལ་ནང་དུ་མ་བཏང་ཤིག་ཅེས་མ་བསྒོའམ། དེ་ནང་དུ་འོངས་པས་ཅི་བྱ། ཅི་འདོད་པ་དག་བྱིན་ལ་ཐོང་ཤིག་ཇོ་བོ་བདག་གིས་དེ་སྐད་བགྱིས་ན། དེའི་མཆིད་ནས་ཁོ་བོ་ལ་དགོས་པ་གཞན་ཅི་ཡང་མེད་དེ། ཁོ་བོ་ནི་ཁྱིམ་བདག་ཉིད་
D6.010.0029b07.01