完整藏文原文 · 德格版页 当前仅加载第 10 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་ཕུལ་གྱིས། དེ་ལྟ་བས་ན་ཁྱེད་ཀྱིས་མཉམ་པར་བགོས་ལ། ལ་ལས་ནི་ཆ་གར་ཐོབ་ཤིག །ལ་ལས་ནི་སྒྲོག་གཟུངས་སུ། ལ་ལས་ལྷན་པར། ལ་ལས་ནི་ཆོས་གོས་ཀྱི་སྒྲོ་གུར་གྱིས་ཤིག་ཅེས་དེ་སྐད་བཀའ་སྩལ་ཏོ། །དགེ་སློང་རྣམས་ཀྱིས་སྨྲས་པ། བཙུན་པ་ཀུན་
D6.010.0206b01.01དགའ་བོ་བཅོམ་ལྡན་འདས་ཀྱིས་ཇི་སྐད་བཀའ་སྩལ་པ་དེ་བཞིན་འཚལ་ལོ་ཞེས་དེ་རྣམས་ཀྱིས་དེ་མཉམ་པར་གསེས། དེ་བཞིན་དུ་བགོས་སོ། །ཇི་ཙམ་ན་བྲམ་ཟེ་ནང་པར་སྔར་ལངས་ནས་མཉན་ཡོད་ཀྱི་སྒོ་ན་འདུག་གོ། །དགེ་སློང་དག་ཀྱང་སྔ་དྲོ་ཤམ་ཐབས་བགོས། ལྷུང་
D6.010.0206b02.01བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ཀྱི་ཕྱིར་འཇུག་པར་བརྩམས་པ་དང་། བྲམ་ཟེ་དེས་སྨྲས་པ། འཕགས་པ་བདག་གིས་དགེ་འདུན་ལ་རས་ཕུལ་བ་གང་ལགས་པ་དེ་ཁྱེད་ཀྱིས་ཅིར་བགྱིས། དེ་ན་དགེ་སློང་གཅིག་ཅིག་གིས་སྨྲས་པ། བྲམ་ཟེ་ཆེན་
D6.010.0206b03.01པོ་དགེ་འདུན་གྱིས་མཉམ་པར་གསེས་ནས་བགོས་ཏེ། ཁོ་བོའི་སྐལ་བ་གང་ཡིན་པ་དེ་ནི་ཆ་གར་བཏབ་པ་འདི་ཡིན་ནོ། །གཞན་ཞིག་གིས་སྨྲས་པ། ཁོ་བོའི་ནི་སྒྲོག་གཟུངས་སུ་བཏགས་པ་འདི་ཡིན་ནོ། །གཞན་ཞིག་གིས་སྨྲས་པ། ཁོ་བོའི་ནི་ལྷན་པར་བཏབ་པ་འདི་ཡིན་
D6.010.0206b04.01ནོ། །གཞན་ཞིག་གིས་སྨྲས་པ། ཁོ་བོ་ནི་ཆོས་གོས་ཀྱི་སྒྲོ་གུར་བྱས་པ་འདི་ཡིན་ནོ། །བྲམ་ཟེ་དེས་བསམས་པ། བྲམ་ཟེ་རྣམས་ཤཱཀྱའི་བུའི་དགེ་སྦྱོང་རྣམས་བགོ་བཤའ་བྱེད་པའི་ངང་ཚུལ་ཅན་མ་ཡིན་ནོ་ཞེས་ཟེར་བ་ནི་གྱི་ན་ཞིག་བརྡོལ་ཏེ། བདག་ཉིད་ཆེན་པོ་འདི་དག་
D6.010.0206b05.01ནི་བགོ་བཤའ་བྱེད་པའི་ངང་ཚུལ་ཅན་ཡིན་པས་འདི་དག་ཁོ་ནའི་ནང་དུ་རབ་ཏུ་འབྱུང་ངོ་སྙམ་ནས། དེ་དད་པ་སྐྱེས་ཏེ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་
D6.010.0206b06.01གསོལ་ཏོ། །བཙུན་པ་བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང་བསྙེན་པར་རྫོགས་པ་དགེ་སློང་གི་དངོས་པོ་འཐོབ་ན་བདག་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱད་པ་སྤྱོད་དོ། །བཅོམ་ལྡན་འདས་ཀྱིས་བཀའ་སྩལ་པ། བྲམ་ཟེ་
D6.010.0206b07.01