完整藏文原文 · 德格版页 当前仅加载第 10 函德格 46b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། རྒྱུད་ཆགས་གསུམ་པ་གདོན་པ་དག་ནི་སྐད་ཀྱི་གཏང་རག་གིས་གདོན་པར་བྱའོ། །བཅོམ་ལྡན་འདས་ཀྱིས་སྐད་ཀྱི་གཏང་རག་གིས་དེ་དག་གདོན་པར་བྱའོ་ཞེས་བཀའ་སྩལ་པ་དང་། གཞོན་ནུ་ཞིག་སྐད་ཀྱི་གཏང་རག་མི་ཤེས་ནས། དེས་གཞུང་དག་སྟོན་པ་ཉིད་ན་རྒྱ་ཤུག་གི་འབྲས་
D6.010.0046b01.01བུའི་ཚོགས་གཏོར་བ་བཞིན་སྟོན་པར་གྱུར་ནས། དགེ་སློང་དག་གིས་སྨྲས་པ། ཚེ་དང་ལྡན་པ་བཅོམ་ལྡན་འདས་ཀྱིས་སྐད་ཀྱི་གཏང་རག་གནང་གིས་སྐད་ཀྱི་གཏང་རག་གིས་ཐོན་ཅིག །དེས་སྨྲས་པ། ཚེ་དང་ལྡན་པ་དག་བདག་གིས་སྐད་ཀྱི་གཏང་རག་མི་ཤེས་སོ། །སྐབས་དེ་དགེ་སློང་རྣམས་
D6.010.0046b02.01ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྐད་ཀྱི་གཏང་རག་བསླབ་པར་བྱའོ། །བཅོམ་ལྡན་འདས་ཀྱིས་སྐད་ཀྱི་གཏང་རག་བསླབ་པར་བྱའོ་ཞེས་བཀའ་སྩལ་པ་དང་། དགེ་སློང་རྣམས་ཁྱམས་དང་། གནས་ཁང་དང་། སྒོ་ཁང་དག་ན་སྐད་ཀྱི་གཏང་
D6.010.0046b03.01རག་དག་སློབ་པར་བྱེད་པ་ན། ཁྱིམ་བདག་མགོན་མེད་ཟས་སྦྱིན་གཙུག་ལག་ཁང་དུ་འོངས་པ་དང་། དེས་ཐོས་ནས་སྨྲས་པ། འཕགས་པ་དག་གཙུག་ལག་ཁང་འདི་རོལ་མོ་མཁན་གྱི་བྲང་ནི་མ་ལགས་ན། ཁྱེད་ཀྱིས་ད་དུང་ཡང་རོལ་མོ་མཁན་དག་མ་བཏང་ངམ། སྐབས་དེ་དགེ་སློང་རྣམས་ཀྱིས་བཅོམ་
D6.010.0046b04.01ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དབེན་པའི་ཕྱོགས་སུ་སྐད་ཀྱི་གཏང་རག་དག་བསླབ་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་འགྲེང་སྟེ་ལྷུང་
D6.010.0046b05.01བཟེད་འབྱིན་པ་དང་། དགེ་སློང་དག་གིས་དེ་ལ་སྨྲས་པ། ཚེ་དང་ལྡན་པ་འགྲེང་སྟེ་ལྷུང་བཟེད་མ་འབྱིན་ཅིག །དེས་སྨྲས་པ། ཅི་ཉེས། དེ་དག་གིས་སྨྲས་པ། ལྷུང་བཟེད་དེ་ཆག་པར་འགྱུར་མོད་གཞན་ཅི་ཉེས་པར་འགྱུར། དེ་ཅང་མི་སྨྲ་བར་འདུག་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་
D6.010.0046b06.01འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་འགྲེང་སྟེ་ལྷུང་བཟེད་དབྱུང་བར་མི་བྱའོ། །དེ་བཞིན་དུ་གཞུག་པ་དང་། བཀྲུ་བ་དང་། སྐམ་པ་དག་ལ་ཡང་རྒྱ་ཆེར་སྦྱར་བར་བྱའོ།། །།སྡོམ་ལ། ལམ་ཕྲན་དང་ནི་སྣོད་གསུམ་དང་། །ཕྱིང་པ་དྲ་བར་མི་བྱ་དང་། །
D6.010.0046b07.01