完整藏文原文 · 德格版页 当前仅加载第 10 函德格 20b 版页；藏文 NFD、目录标记与异常页序保留在来源切片中，重复版页行以稳定序号区分。
བྱིན་ཅིག །གལ་ཏེ་ཁྱིམ་བདག་ཤིན་ཏུ་བཟང་པོ་གཞོན་ནུ་མེ་སྐྱེས་མ་ཐོབ་ན་ཁྲག་ཚ་བ་སྐྱུགས་ནས་འཆི་བའི་དུས་བྱེད་པར་འགྱུར་བའི་གནས་སྐབས་དེ་ལྟ་བུ་ཡོད་པར་འགྱུར་རོ་ཞེས་ཀྱང་བཀའ་སྩལ་ཏོ། །རྒྱལ་པོས་སྨྲས་པ། བཙུན་པ་ཀུན་དགའ་བོ་བཅོམ་ལྡན་འདས་ལ་ཕྱག་འཚལ་ལོ། །བཅོམ་ལྡན་
D6.010.0020b01.01འདས་ཀྱིས་ཇི་སྐད་བཀའ་སྩལ་པ་དེ་བཞིན་འཚལ་ལོ། །ཚེ་དང་ལྡན་པ་ཀུན་དགའ་བོས་རྒྱལ་པོ་ཆེན་པོ་ཨ་རོག་གྱ་ཞེས་སྨྲས་ཏེ་སོང་ངོ་། །རྒྱལ་པོས་སྨྲས་པ། ཁྱིམ་བདག་གཞོན་ནུ་འདི་ངས་བསྐྱེད་དེ་ཡིད་དུ་འོང་ཞིང་སྡུག་པ་ཡིན་པས་དམ་ཚིག་བཅས་ལ་སྦྱིན་པར་བྱ་སྟེ། ཉི་མ་རེ་རེ་ལ་ཡང་དུས་གསུམ་
D6.010.0020b02.01གསུམ་དུ་ང་བལྟ་བའི་ཕྱིར་གཏོང་ན་སྦྱིན་པར་བྱའོ། །དེས་སྨྲས་པ། ལྷ་ཁྱོད་ཀྱི་སྤྱན་སྔར་མི་གཏང་ན་གཞན་སུའི་ཐད་དུ་གཏང་བར་བགྱི། གཏང་བར་འཚལ་ལོ། །རྒྱལ་པོས་དེ་རྒྱན་ཐམས་ཅད་ཀྱིས་བརྒྱན་ཏེ་གླང་པོ་ཆེ་ལ་བསྐྱོན་ནས་བཏང་ངོ་། །འདི་ལྟར་འཇིག་རྟེན་པ་རྣམས་ཀྱི་ཀུན་དུ་སྤྱོད་པ་ནི་ཇི་སྐད་
D6.010.0020b03.01དུ་ཕ་གསོན་པ་དེ་སྲིད་དུ་བུའི་མིང་མི་སྒྲོགས་སོ། །ཇི་ཙམ་དུས་གཞན་ཞིག་ན་ཁྱིམ་བདག་ཤིན་ཏུ་བཟང་པོ་འཆི་བའི་དུས་བྱས་ནས་གཞོན་ནུ་མེ་སྐྱེས་ཕའི་ཁྱིམ་ན་གནས་པར་གྱུར་ཏེ། དེ་སངས་རྒྱས་ལ་མངོན་པར་དད། ཆོས་དང་དགེ་འདུན་ལ་མངོན་པར་དད། སངས་རྒྱས་ལ་སྐྱབས་སུ་སོང་། ཆོས་
D6.010.0020b04.01དང་དགེ་འདུན་ལ་སྐྱབས་སུ་སོང་ངོ་། །དེས་ཁྱིམ་བདག་ཤིན་ཏུ་བཟང་པོས་ཕྱོགས་གང་དུ་བདག་གི་མ་བསད་པའི་ཕྱོགས་དེར་གཙུག་ལག་ཁང་རྩིག་ཏུ་བཅུག་ནས་ཡོ་བྱད་ཐམས་ཅད་ཕུན་སུམ་ཚོགས་པར་སྦྱར་ཏེ་ཕྱོགས་བཞིའི་དགེ་འདུན་ལ་ཕུལ་ནས་འདི་ལྟར་གནས་བརྟན་དག་གིས་ཀྱང་མདོ་སྡེ་དག་ལ་
D6.010.0020b05.01བཅོམ་ལྡན་འདས་རྒྱལ་པོའི་ཁབ་ན་དཀུ་མཉེད་པའི་ཚལ་ན་བཞུགས་སོ་ཞེས་ཉེ་བར་སྦྱར་ཏོ། །ཁྱིམ་བདག་ཤིན་ཏུ་བཟང་པོའི་མི་ཞོ་ཤས་འཚོ་བ་ཡུལ་གཞན་དུ་དོང་བ་དག་གིས་ཁྱིམ་བདག་ཤིན་ཏུ་བཟང་པོ་ནི་འཆི་བའི་དུས་ལ་བབ་པོ། །གཞོན་ནུ་མེ་སྐྱེས་ནི་རང་གི་ཁྱིམ་ན་གནས་ཏེ། དེ་སངས་རྒྱས་ལ་
D6.010.0020b06.01མངོན་པར་དད། ཆོས་དང་དགེ་འདུན་ལ་མངོན་པར་དད། སངས་རྒྱས་ལ་སྐྱབས་སུ་སོང་། ཆོས་དང་དགེ་འདུན་ལ་སྐྱབས་སུ་སོང་ངོ་ཞེས་ཐོས་སོ། །ཐོས་ནས་ཀྱང་དེ་དག་གིས་ཙན་དན་ས་མཆོག་པའི་ལྷུང་བཟེད་ཅིག་རིན་པོ་ཆེ་དག་གིས་བཀང་སྟེ་ཁྱིམ་བདག་མེ་སྐྱེས་ལ་སྐྱེས་སུ་བསྐུར་རོ། །
D6.010.0020b07.01