完整藏文原文 · 德格版页 当前仅加载第 10 函德格 286b 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཡིན་པ་ཞིག་དྲིས་ཏེ། དེ་ནི་རབ་ཏུ་བྱུང་བ་ལ་འཚམ་པ་མ་ཡིན་མོད་ཀྱི་འོན་ཀྱང་བུ་མོ་འདིས་གསང་བའི་རྒྱན་ལྔ་བརྒྱ་དང་། ཕྱི་རོལ་གྱི་རྒྱན་ལྔ་བརྒྱ་དང་། གྲོང་གི་མཆོག་ལྔ་བརྒྱ་རྙེད་པར་འགྱུར་རོ། །དེས་སྨྲས་པ། འཕགས་པ་བདག་ཅག་བྲམ་ཟེ་ནི་དབུལ་བ་ལགས་ན་བདག་
D6.010.0286b01.01ཅག་གིས་དེ་དག་ག་ལས་རྙེད། དེས་སྨྲས་པ། བྲམ་ཟེ་མོ་དེ་སྐད་མ་ཟེར་ཅིག །བུ་མོ་འདིས་ཞིང་བཟང་པོ་ལ་དད་པ་དྲག་པོས་བྱ་བ་བྱས་པས་བསོད་ནམས་ཀྱི་དབང་ཆེ་བར་གྲགས་པ་ཡིན་ཏེ། ངེས་པར་འདི་ལ་ཐམས་ཅད་འབྱོར་པར་འགྱུར་གྱིས་སྨྲེ་སྔགས་མ་འདོན་ཅིག་ཅེས་
D6.010.0286b02.01བྱས་པ་དང་། དེ་ཅང་མི་ཟེར་བར་འདུག་གོ། །ཚེ་དང་ལྡན་པ་ཀ་ཏྱའི་བུ་ཆེན་པོས་བྲམ་ཟེ་མོ་དེ་དང་བུ་མོ་དེ་ལ་ཆོས་དང་མཐུན་པའི་གཏམ་གྱིས་ཡང་དག་པར་སྟོན། ཡང་དག་པར་ལེན་དུ་འཇུག །ཡང་དག་པར་གཟེངས་སྟོད། ཡང་དག་པར་དགའ་བར་བྱེད་ཅིང་རྣམ་པ་དུ་མར་ཆོས་
D6.010.0286b03.01དང་མཐུན་པའི་གཏམ་གྱིས་ཡང་དག་པར་བསྟན། ཡང་དག་པར་ལེན་དུ་བཅུག །ཡང་དག་པར་གཟེངས་བསྟོད། ཡང་དག་པར་དགའ་བར་བྱས་ནས་སྟན་ལས་ལངས་ཏེ་སོང་ནས་རིམ་གྱིས་འཕགས་རྒྱལ་དུ་ཕྱིན་ཏོ། །དེ་གྲོང་ཁྱེར་དུ་ཞུགས་པའི་ཚེ་མོད་ལ་ཡམས་ཀྱི་ནད་ཕྱེད་ཞི་
D6.010.0286b04.01བར་འགྱུར་བ་དང་། ཆབ་སྒོ་བས་རྒྱལ་པོ་ལ་སྦྲན་པ། ལྷ་སྔོན་མ་བྱུང་བའི་རྟགས་དང་ཆ་ལུགས་འཆང་བའི་དགེ་སྦྱོང་ཞིག་གཡོག་ལྔ་བརྒྱ་དང་མཆིས་ཏེ། དེ་མཆིས་པའི་མོད་ལ་ཡམས་ཀྱི་ནད་ཕྱེད་ཞི་བར་གྱུར་ཏོ། །རྒྱལ་པོས་སྨྲས་པ། ཀྱེ་སྐྱེས་བུ་ལེགས་ཀྱིས་དེ་ལ་བཀུར་སྟི་གྱིས་
D6.010.0286b05.01ཤིག །བྲམ་ཟེ་རྣམས་ཀྱིས་སྨྲས་པ། ལྷ་བདག་ཅག་གིས་ཉིན་མཚན་དུ་ཞི་བའི་ལས་ལ་བརྩོན་པར་བགྱིས་པས་ན་བདག་ཅག་གི་མཐུས་ཡམས་ཀྱི་ནད་ཕྱེད་ཞི་བར་གྱུར་ཏེ་དགུང་རིང་པོ་མི་ཐོགས་པར་ཐམས་ཅད་ཡོང་ཡེ་ཞི་བར་བགྱིའོ། །དགེ་སློང་དག་གིས་ནི་རྒྱལ་པོ་གཏུམ་པོ་རབ་
D6.010.0286b06.01སྣང་ལ་ནད་མེད་པར་གྱུར་ཅིག་ཅེས་སྨྲས་ནས་ཅང་མི་ཟེར་བར་དོང་ངོ་། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་ཆབ་སྒོ་བ་ནི་ལྷ་སྔོན་མ་བྱུང་བའི་རྟགས་དང་ཆ་ལུགས་འཆང་བའི་དགེ་སྦྱོང་ཞིག་འཁོར་ལྔ་བརྒྱ་དང་འདིར་མཆིས་ཏེ། དེ་མཆིས་པའི་མོད་ཉིད་ལ་ཡམས་
D6.010.0286b07.01