完整藏文原文 · 德格版页 当前仅加载第 10 函德格 42a 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །དེས་སྨྲས་པ། འཕགས་པ་གལ་ཏེ་དེ་ལྟ་ན་བདག་གི་མཆིས་འབྲང་ལ་སེམས་ཅན་ཞུགས་པར་གྱུར་པ་དེ་གལ་ཏེ་ཁྱེའུ་བཙས་ན་དེ་འཕགས་པའི་ཕྱི་བཞིན་འབྲང་བའི་དགེ་སྦྱོང་དུ་དབུལ་ལོ། །བཞིན་{བཟངས་,བཟང་}ཁྱོད་ནད་མེད་པར་གྱུར་ཅིག །ཁོ་བོས་བཀྲིའོ་ཞེས་སྨྲས་ནས་སོང་
D6.010.0042a01.01ངོ་། །ཇི་ཙམ་ན་ཁྱིམ་བདག་གི་ཆུང་མ་དེ་ཟླ་བ་དགུ་ཚང་སྟེ་བཙས་པ་ལས་ཁྱེའུ་མདོག་ངན་ཞིང་ལུས་ཆུང་ལ་སྐད་སྙན་པ་ཞིག་བྱུང་ངོ་། །དེའི་ཉེ་དུ་དག་འདུས་ཤིང་ལྷགས་ནས་ཉི་མ་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས་ཁྱེའུ་མིང་ཅིར་གདགས་ཞེས་མིང་འདོགས་པར་
D6.010.0042a02.01བྱེད་པ་ན། ཉེ་དུ་དག་གིས་སྨྲས་པ། གང་གི་ཕྱིར་ཁྱེའུ་འདི་མདོག་ངན་ཞིང་ལུས་ཆུང་ཡང་ཁྱིམ་བདག་བཟང་ལྡན་གྱི་བུ་ཡིན་ཞིང་སྐད་སྙན་པ་དེའི་ཕྱིར་ཁྱེའུ་འདིའི་མིང་སྙན་པ་བཟང་ལྡན་ཞེས་བྱའོ་ཞེས་དེའི་མིང་སྙན་པ་བཟང་ལྡན་ཞེས་བྱ་བར་བཏགས་སོ། །དེ་བསྲིངས་ཤིང་བསྐྱེད་ནས་ཆེན་པོར་གྱུར་ཏོ། །
D6.010.0042a03.01དེ་ནས་ཚེ་དང་ལྡན་པ་ཤཱ་རིའི་བུ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། ཀཽ་ཤཱམྦཱིར་བསོད་སྙོམས་ལ་ཞུགས་སོ། །ཀཽ་ཤཱམྦཱི་ན་བསོད་སྙོམས་ལ་རྒྱུ་བའི་ཚེ་ཁྱིམ་བདག་བཟང་ལྡན་གྱི་ཁྱིམ་དུ་སོང་བ་དང་། ཁྱིམ་བདག་བཟང་ལྡན་གྱིས་འཕགས་པ་བྱོན་པ་ལེགས་སོ་ཞེས་
D6.010.0042a04.01བྱ་བའི་ཚིག་ཀུན་དུ་སྤྱད་པས་ཀུན་དུ་སྤྱད་ནས་རྐང་པ་གཉིས་ལ་ཕྱག་བྱས་སོ། །དེའི་ཆུང་མས་ཀྱང་བཅའ་བ་དང་། བཟའ་བ་གཙང་ཞིང་བསོད་པས་ལྷུང་བཟེད་བཀང་སྟེ་ཕུལ་ལོ། །ཁྱེའུ་དེ་ཚེ་དང་ལྡན་པ་ཤཱ་རིའི་བུའི་གདོང་དུ་རྟོག་ནས། ཚེ་དང་ལྡན་པ་ཤཱ་རིའི་བུས་ཁྱིམ་བདག་བཟང་ལྡན་ལ་
D6.010.0042a05.01བརྡ་བྱས་པ་དང་། དེས་ཁྱེའུ་དེ་ལ་སྨྲས་པ། བུ་ཁྱོད་མ་བཙས་པ་ཉིད་ནས། ངས་འཕགས་པ་ཤཱ་རིའི་བུའི་ཞབས་འབྲིང་དུ་ཕུལ་གྱིས་ཁྱོད་འཕགས་པ་དང་ལྷན་ཅིག་སོང་ཤིག །སྲིད་པ་ཐ་མ་པའི་སེམས་ཅན་དེ་དེའི་ཕྱི་ན་འདུག་པའི་ཚེ་དེས་དེ་རབ་ཏུ་ཕྱུང་བསྙེན་པར་རྫོགས་པར་བྱས་ཏེ། དེ་ལ་ལུང་
D6.010.0042a06.01ཕོག་ནས་དེས་བརྩལ་པ་དང་། འབད་པ་དང་བསྒྲིམ་པ་བྱས་པས་འཁོར་བའི་འཁོར་ལོ་ཆ་ལྔ་པ་གཡོ་བ་དང་མི་གཡོ་བ་འདི་ཉིད་རིག་སྟེ། འདུ་བྱེད་ཀྱི་རྣམ་པ་ཐམས་ཅད་ཉམས་པ་དང་། ལྟུང་བ་དང་། རྣམ་པར་འཐོར་བ་དང་། རྣམ་པར་འཇིག་པའི་ཆོས་ཉིད་ཀྱིས་ཟིལ་གྱིས་མནན་ནས་ཉོན་མོངས་པ་
D6.010.0042a07.01