完整藏文原文 · 德格版页 当前仅加载第 10 函德格 169a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་བཀའ་སྩལ་པ། ཟན་གཅད་པར་མི་བྱའི། འོན་ཀྱང་ལྕི་བའི་ཕྱེ་མ་འམ། ལྕི་བས་ཁ་རུང་བར་བྱས་ལ་ལན་གསུམ་བཤལ་ནས་བཟའ་བར་བྱ་སྟེ་འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་
D6.010.0169a01.01མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་ཤཱ་རིའི་བུ་ལ་དགེ་ཚུལ་ཙུན་ད་དང་། སྒྲ་ཅན་ཟིན་དང་གཉིས་ཡོད་དོ། །དེ་ནས་དུས་གཞན་ཞིག་ན་ཚེ་དང་ལྡན་པ་ཤཱ་རིའི་བུ་ལྗོངས་རྒྱུར་ཆས་པ་ན་དགེ་སྦྱོང་གི་མཆེད་ཙུན་ད་དང་། སྒྲ་ཅན་ཟིན་ལ་སྨྲས་པ། །དགེ་ཚུལ་དག་ང་ནི་
D6.010.0169a02.01ལྗོངས་རྒྱུ་ཞིང་འགྲོ་ན། ཁྱེད་འདུག་གམ་འོན་ཏེ་འགྲོ། ཚེ་དང་ལྡན་པ་ཙུན་ངས་སྨྲས་པ། མཁན་པོ་བདག་ནི་ཁྱོད་ཁོ་ན་དང་ལྷན་ཅིག་མཆིའོ། །སྒྲ་ཅན་ཟིན་གྱིས་སྨྲས་པ། མཁན་པོ་བདག་ནི་འདི་ཉིད་ན་མཆིས་སོ། །ཚེ་དང་ལྡན་པ་ཤཱ་རིའི་བུས་སྨྲས་པ། སྒྲ་ཅན་ཟིན་གལ་ཏེ་དེ་ལྟ་ན་སུ་ལ་གཏད།
D6.010.0169a03.01དེས་སྨྲས་པ། མཁན་པོ་བཙུན་པ་འཆར་ཀ་ལ་གཏད་དུ་གསོལ། དེའི་དྲུང་ན་མཆིས་སོ། །དེས་སྨྲས་པ། སྒྲ་ཅན་ཟིན་དེ་ནི་གནས་ངན་ལེན་ཀུན་དུ་སྤྱོད་པ་ཡིན་པས་ཁྱོད་ལ་གནོད་པ་བྱེད་པར་མི་འགྱུར་གྲང་། མཁན་པོ་དེ་ནི་བདག་གི་ཕ་མ་དང་འདྲ་བར་གནས་པ་ལགས་པས་དེས་གནོད་པ་ཅི་ཞིག་བགྱིད་
D6.010.0169a04.01པར་འགྱུར། དེས་དེ་ལ་གཏད་ནས་ལྗོངས་རྒྱུར་ཆས་པ་དང་། དེ་དང་སྒྲ་ཅན་ཟིན་ཡང་གཙུག་ལག་ཁང་ནས་བྱུང་ངོ་། །དེས་སྨྲས་པ། སྒྲ་ཅན་ཟིན་འདི་དང་འདི་གྱིས་ཤིག །དེས་སྨྲས་པ། མི་བྱེད་དོ། །འཆར་ཀས་ཁྲོས་ཏེ་སྨྲས་པ། བླུན་པོ་འདི་ཙམ་ཡང་མི་བྱ་ན་གཞན་ཅི་ཞིག་བྱ་དེས་སྨྲས་པ། ཅི་ཁྱོད་
D6.010.0169a05.01ངའི་སློབ་དཔོན་ཡིན་ནམ། མཁན་པོ་ཡིན་ནམ། མི་བྱེད་དོ། །འཆར་ཀ་ཇེ་ཁྲོས་ནས་དེས་དེའི་མགུལ་ནས་བཟུང་སྟེ་གཙུག་ལག་ཁང་ནས་བསྐྲད་པ་དང་། དེ་རྒྱལ་བྱེད་ཀྱི་ཚལ་གྱི་སྒོ་ན་ངུ་ཞིང་འདུག་གོ། །སྐྱེ་དགུའི་བདག་མོ་ཆེན་མོ་གཽ་ཏ་མཱི་འཁོར་ལྔ་བརྒྱ་དང་། བཅོམ་ལྡན་འདས་ཀྱི་ཞབས་ལ་ཕྱག་འཚལ་
D6.010.0169a06.01དུ་རྒྱལ་བྱེད་ཀྱི་ཚལ་དུ་འོངས་པ་དང་། དེས་དེ་ངུ་བ་མཐོང་ནས་སྨྲས་པ། འཕགས་པ་སྒྲ་ཅན་ཟིན་ཅི་སྟེ་བཤུམས། གཽ་ཏ་མཱི་བདག་བསྐྲད་དོ། །སུ་ཞིག་གིས། ཚེ་དང་ལྡན་པ་འཆར་ཀས་སོ། །དེས་བསམས་པ་བདག་གིས་སངས་རྒྱས་ཀྱི་སྲས་ལ་རྒྱབ་བསྟན་ཏེ་འགྲོ་བ་གང་ཡིན་པ་ནི་བདག་གི་ཆ་མ་
D6.010.0169a07.01