完整藏文原文 · 德格版页 当前仅加载第 10 函德格 14b 版页；藏文 NFD、目录标记与异常页序保留在来源切片中，重复版页行以稳定序号区分。
ཚེ་སངས་རྒྱས་བཅོམ་ལྡན་འདས་རྣམས་འཛུམ་པ་མཛད་པ་དེའི་ཚེ་ཞལ་ནས་འོད་ཟེར་སྔོན་པོ་དང་། སེར་པོ་དང་། དམར་པོ་དང་། དཀར་པོ་དག་བྱུང་ནས་ཁ་ཅིག་ནི་འོག་ཏུ་འགྲོ། ཁ་ཅིག་ནི་སྟེང་དུ་འགྲོ་སྟེ། གང་དག་འོག་ཏུ་འགྲོ་བ་དེ་དག་ནི་དམྱལ་བ་ཡང་སོས་དང་། ཐིག་ནག་
D6.010.0014b01.01དང་། བསྡུས་གཞོམ་དང་། ངུ་འབོད་དང་། ངུ་འབོད་ཆེན་པོ་དང་། ཚ་བ་དང་། རབ་ཏུ་ཚ་བ་དང་། མནར་མེད་པ་དང་། ཆུ་བུར་ཅན་དང་། ཆུ་བུར་རྡོལ་བ་དང་། སོ་ཐམས་ཐམས་དང་། ཀྱི་ཧུད་ཟེར་བ་དང་། ཨ་ཅུ་ཟེར་བ་དང་། ཨུཏྤལ་ལྟར་གས་པ་དང་། པད་མ་ལྟར་
D6.010.0014b02.01གས་པ་དང་། པད་མ་ལྟར་གས་པ་ཆེན་པོར་སོང་སྟེ། ཚ་བའི་དམྱལ་བ་གང་དག་ཡིན་པ་དེ་དག་ཏུ་ནི་བསིལ་བར་གྱུར་ནས་འབབ། གྲང་བའི་དམྱལ་བ་གང་དག་ཡིན་པ་དེ་དག་ཏུ་ནི་དྲོ་བར་གྱུར་ནས་འབབ་པོ། །དེས་སེམས་ཅན་དེ་རྣམས་ཀྱི་སྡུག་བསྔལ་གྱི་ཁྱད་པར་རྒྱུན་བཅད་པ་དང་།
D6.010.0014b03.01དེ་དག་འདི་སྙམ་དུ་སེམས་ཏེ། ཤེས་ལྡན་དག་ཅི་བདག་ཅག་འདི་ནས་ཤི་འཕོས་སམ། འོན་ཏེ་གཞན་དུ་སྐྱེས་ཞེས་ཟེར་རོ། །དེ་དག་དད་པ་བསྐྱེད་པའི་ཕྱིར་བཅོམ་ལྡན་འདས་སྤྲུལ་པ་གཏོང་སྟེ། དེ་དག་གིས་སྤྲུལ་པ་དེ་མཐོང་ནས་འདི་སྙམ་དུ་སེམས་ཤིང་ཤེས་ལྡན་དག་
D6.010.0014b04.01བདག་ཅག་འདི་ནས་ཤི་འཕོས་པ་ཡང་མ་ཡིན་གཞན་དུ་སྐྱེས་པ་ཡང་མ་ཡིན་གྱི། འོན་ཀྱང་སེམས་ཅན་འདི་སྔོན་མ་མཐོང་བ་ཞིག་སྟེ། འདིའི་མཐུས་བདག་ཅག་སྡུག་བསྔལ་གྱི་ཁྱད་པར་རྒྱུན་ཆད་དོ་ཞེས་ཟེར་རོ། །དེ་དག་སྤྲུལ་པ་ལ་སེམས་མངོན་པར་དང་བས་དམྱལ་བ་
D6.010.0014b05.01མྱོང་བར་འགྱུར་བའི་ལས་དེ་ཟད་པར་བྱས་ནས་གང་དུ་སེམས་ཅན་རྣམས་སྣོད་དུ་གྱུར་པ་ལྷ་དང་མི་རྣམས་ཀྱི་ནང་དུ་ཉིང་མཚམས་སྦྱོར་བ་འཛིན་ཏོ། །གང་དག་སྟེང་དུ་འགྲོ་བ་དེ་དག་ནི་རྒྱལ་ཆེན་བཞིའི་ལྷ་དང་། སུམ་བཅུ་རྩ་གསུམ་པ་དང་། འཐབ་བྲལ་དང་། དགའ་ལྡན་
D6.010.0014b06.01དང་། འཕྲུལ་དགའ་དང་། གཞན་འཕྲུལ་དབང་བྱེད་དང་། ཚངས་རིས་དང་། ཚངས་པའི་མདུན་ན་འདོན་དང་། ཚངས་ཆེན་དང་། འོད་ཆུང་དང་། ཚད་མེད་འོད་དང་། འོད་གསལ་དང་། དགེ་ཆུང་དང་། ཚད་མེད་དགེ་དང་། དགེ་རྒྱས་དང་། སྤྲིན་མེད་དང་།
D6.010.0014b07.01