完整藏文原文 · 德格版页 当前仅加载第 10 函德格 241b 版页；藏文 NFD、目录标记与异常页序保留在来源切片中，重复版页行以稳定序号区分。
མ་ལགས། རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་འཚལ་ཏེ་མྱ་ངན་ལས་འདས་པ་ཡང་མ་ལགས། གང་ཡང་བཅོམ་ལྡན་འདས་ཀྱིས་ཉིད་ཀྱི་མངོན་པར་ཤེས་པས་མངོན་པར་རྫོགས་པར་སངས་རྒྱས་ཏེ། བཤད་པའི་ཆོས་འདི་ལྟ་སྟེ། དྲན་པ་ཉེ་བར་གཞག་པ་
D6.010.0241b01.01བཞི་དང་། ཡང་དག་པར་སྤོང་བ་བཞི་དང་། རྫུ་འཕྲུལ་གྱི་རྐང་པ་བཞི་དང་། དབང་པོ་ལྔ་དང་། སྟོབས་ལྔ་དང་། བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་ལག་བརྒྱད་པ་དག་འཚལ་ཏེ་ཡོངས་སུ་མྱ་ངན་ལས་འདས་པ་ཡང་མ་ལགས་མོད་ཀྱི་འོན་ཀྱང་།
D6.010.0241b02.01ཚེ་དང་ལྡན་པ་ཤཱ་རིའི་བུ་ནི་ཚུལ་ཁྲིམས་དང་ལྡན་པ། མང་དུ་ཐོས་པ། ཆོག་ཤེས་པ། འདོད་པ་ཆུང་བ་རབ་ཏུ་དབེན་པ། བརྩོན་འགྲུས་བརྩམས་པ། དྲན་པ་ཉེ་བར་གནས་པ། མཉམ་པར་གཞག་པ། ཤེས་རབ་ཅན། ཤེས་རབ་མྱུར་བ། ཤེས་རབ་མགྱོགས་པ།
D6.010.0241b03.01ཤེས་རབ་རྣོ་བ། ངེས་པར་འབྱུང་བའི་ཤེས་རབ་ཅན། ངེས་པར་འབྱེད་པའི་ཤེས་རབ་ཅན། ཤེས་རབ་ཆེ་བ། ཤེས་རབ་ཡངས་པ། ཤེས་རབ་ཟབ་པ། ཤེས་རབ་མཉམ་པ་མེད་པ། ཤེས་རབ་རིན་པོ་ཆེ་དང་ལྡན་པ། ཡང་དག་པར་སྟོན་པར་བགྱིད་པ། ཡང་
D6.010.0241b04.01དག་པར་ལེན་དུ་འཇུག་པར་བགྱིད་པ། ཡང་དག་པར་གཟེངས་སྟོད་པར་བགྱིད་པ། ཡང་དག་པར་རབ་ཏུ་དགའ་བར་བགྱིད་པ། ཡང་དག་པར་སྟོན་པ་དང་། ཡང་དག་པར་ལེན་དུ་འཇུག་པ་དང་། ཡང་དག་པར་གཟེངས་སྟོད་པ་དང་། ཡང་དག་པར་རབ་ཏུ་དགའ་བའི་
D6.010.0241b05.01བསྔགས་པ་བརྗོད་པ། འཁོར་བཞི་ལ་ཆོས་སྟོན་པ་ན་དུབ་པ་མ་མཆིས་པ་སྟེ། བདག་ཚེ་དང་ལྡན་པ་ཤཱ་རིའི་བུའི་ཆོས་དང་། ཆོས་ཀྱི་ལོངས་སྤྱོད་གང་དག་ལགས་པ་དེ་དག་རྗེས་སུ་དྲན་ན། ཚེ་དང་ལྡན་པ་ཤཱ་རིའི་བུའི་ཡོངས་སུ་མྱ་ངན་ལས་འདས་པ་དེའི་སླད་དུ་དབྱར་
D6.010.0241b06.01ངན་དང་། སྨྲེ་སྔགས་འདོན་ཏོ། །ཀུན་དགའ་བོ་ཁྱོད་མྱ་ངན་མ་བྱེད། བློང་བར་མ་བྱེད། སྨྲེ་སྔགས་འདོན་པར་མ་བྱེད་ཅིག །གང་སྐྱེས་པ་དང་། བྱུང་བ་དང་། བྱས་པ་དང་། འདུས་བྱས་པ་དང་། བསམས་པ་དང་། རྟེན་ཅིང་འབྲེལ་བར་བྱུང་བ་དེ་ནི་
D6.010.0241b07.01