完整藏文原文 · 德格版页 当前仅加载第 10 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་སྨྲས་པ། ངས་ཤཱཀྱ་རྣམས་ཁ་བཏག་གོ། །ངས་ཤཱཀྱ་རྣམས་ཡོངས་སུ་སྤངས་སོ་ཞེས་སྨྲས་པའི་ཚིག་རྗེས་ཆད་མ་ཐག་ཏུ་སྐྱེས་བུ་མཚོན་གཟས་པ་རྣམས་ཀྱིས་ཤཱཀྱ་རྣམས་ཀུན་ནས་གསད་པར་བརྩམས་པ་དང་། ཀུ་ཆོ་ཆེན་པོ་འཐོན་ཏོ། །ཤཱཀྱ་མིང་ཆེན་གྱི་སྒྲ་དེ་ཐོས་ནས་ཉེ་དུ་ལ་བྱམས་པས་བསྐྱེད་
D6.010.0092b01.01པའི་ཡིད་མི་བདེ་བས་རིངས་པ་རིངས་པར་འཕགས་སྐྱེས་པོའི་དྲུང་དུ་སོང་སྟེ། དེས་སྨྲས་པ། ལྷ་དམ་པ་འོས་པ་བདག་ལ་དམ་པ་སྩོལ་ཅིག །དེས་སྨྲས་པ། ཁྱོད་དམ་པ་ཅི་སློང་སྨྲོས་ཤིག །དེས་སྨྲས་པ། ལྷ་བདག་གི་ཉེ་དུ་རྣམས་ལ་མི་འཇིགས་པ་སྩོལ་ཅིག །འཕགས་སྐྱེས་པོས་སྨྲས་པ།
D6.010.0092b02.01ངས་ཁྱོད་ཀྱི་ཉེ་དུ་རྣམས་ལ་ནི་མི་འཇིགས་པ་མི་སྦྱིན་ནོ། །འོན་ཀྱང་ཁྱོད་འཁོར་དང་བཅས་ཏེ་ཕྱིར་བྱུང་ཤིག །དེས་སྨྲས་པ། ལྷ་ཇི་སྲིད་བདག་ཆུའི་ནང་དུ་ནུབ་སྟེ་འདུག་པ་དེ་སྲིད་དུ་གང་དག་ཕྱིར་འབྱུང་བ་དེ་དག་ལ་མི་འཇིགས་པ་སྩོལ་ཅིག །དེས་བློན་པོ་རྣམས་ཀྱི་གདོང་དུ་བལྟ་བར་བརྩམས་པ་དང་། དེ་དག་
D6.010.0092b03.01གིས་སྨྲས་པ། ལྷ་མིང་ཆེན་འདི་ནི་ཁྱོད་ཀྱི་ཡུམ་མེས་ཀྱང་ལགས། ཡབ་ཀྱི་གྲོགས་པོ་ཡང་ལགས་པས་འདི་ལ་ནི་དམ་པ་དེ་སྩལ་བའི་རིགས་སོ། །དེས་སྨྲས་པ། གལ་ཏེ་དེ་ལྟ་ན་དེ་སྐད་ཅིག་བྱིན་ནོ། །ཤཱཀྱ་མིང་ཆེན་ཉེ་དུ་ལ་ཆགས་པས་བསྐྱེད་པའི་ཡིད་མི་བདེ་བ་སྙིང་རྗེས་བརླན་པའི་སེམས་
D6.010.0092b04.01ཀྱིས་ཆུའི་རྫིང་དུ་སོང་སྟེ། དེའི་འགྲམ་ན་ཤིང་སཱ་ལ་ཞིག་ཡོད་པ་དེའི་ཡལ་ག་རྫིང་གི་ཆུའི་ནང་དུ་ནུབ་པ་དེ་ལ་དེས་གཙུག་ཕུད་བཏགས་ནས་ནམ་སྲོག་དང་བྲལ་བ་དེའི་བར་དུ་ནུབ་སྟེ་འདུག་གོ། །དེ་ན་སེར་སྐྱའི་གནས་ན་གནས་པའི་ཤཱཀྱ་གང་དག་གིས་ཚོགས་པ་ཅན་གྱི་ལས་མ་བྱས་པ་དེ་དག་ལས་ཁ་ཅིག་ནི་སེར་
D6.010.0092b05.01སྐྱའི་གནས་ནས་བྱུང་སྟེ་གྱད་རྒྱུ་བར་སོང་ངོ་། །ཁ་ཅིག་ནི་བལ་ཡུལ་དུ་དོང་ངོ་། །ཁ་ཅིག་ནི་གྲོང་དང་གྲོང་རྡལ་དང་། རྒྱལ་པོའི་ཡུལ་འཁོར་དང་། ཕོ་བྲང་དེ་དང་དེ་དག་ཏུ་སོང་ངོ་། །གང་དག་གིས་ཚོགས་པ་ཅན་གྱི་ལས་བྱས་པ་དེ་དག་ནི་སེར་སྐྱའི་གཞིའི་ཤར་སྒོར་བྱུང་ནས་ལྷོ་ནས་འཇུག །ལྷོ་ནས་བྱུང་ནས་ནུབ་
D6.010.0092b06.01ནས་འཇུག །ནུབ་ནས་བྱུང་ནས་བྱང་ནས་འཇུག །བྱང་ནས་བྱུང་ནས་ཤར་ནས་འཇུག་པ་དང་། བློན་པོ་རྣམས་ཀྱིས་སྨྲས་པ། ལྷ་ཀྱེ་མ་ཤཱཀྱ་རྣམས་ནི་ཚིག་གོ། །ཀྱེ་མ་ཤཱཀྱ་རྣམས་ནི་ཚིག་སྟེ། འདི་ན་ད་ལྟར་ཤར་སྒོ་ནས་ནང་དུ་ཞུགས་ནས་ལྷོར་འབྱུང་། ལྷོ་ནས་ཞུགས་ནས་ནུབ་ཏུ་འབྱུང་། ནུབ་
D6.010.0092b07.01