完整藏文原文 · 德格版页 当前仅加载第 10 函德格 42b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་ཏེ། དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ་བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ་ཙན་དན་ཞག་ལོན་པར་བཞག་པ་ལྟ་བུ་རིག་པས་སྒོ་ངའི་སྦུབས་དྲལ་བར་གྱུར་
D6.010.0042b01.01ཅིང་རིག་པ་དང་། མངོན་པར་ཤེས་པ་དང་། སོ་སོ་ཡང་དག་པར་རིག་པ་ཐོབ་པ། སྲིད་པ་དང་འདོད་པའི་རྙེད་པ་དང་། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང་། རྗེད་པར་བྱ་བ་དང་། གུས་པར་སྨྲ་བར་བྱ་བར་གྱུར་ཏོ། །གང་གི་
D6.010.0042b02.01ཚེ་དེས་སྐད་ཀྱི་གཏང་རག་གིས་ཆོས་སྨྲས་པ། དེའི་ཚེ་ན་ཚངས་པའི་འཇིག་རྟེན་མན་ཆད་ཁྱབ་པར་གྱུར་ཅིང་སེམས་ཅན་མང་པོ་དག་གི་རྒྱུད་ལ་ཡང་ཐར་པའི་ཆ་དང་མཐུན་པའི་དགེ་བའི་རྩ་བ་དག་སྐྱེད་པར་བྱེད་དེ། མདོར་ན་དུད་འགྲོའི་སྐྱེ་གནས་སུ་གཏོགས་པའི་སེམས་ཅན་དག་ཀྱང་སྒྲ་སྙན་པ་དེ་ལ་རྣ་བླགས་ཏེ་
D6.010.0042b03.01ཉན་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ངའི་ཉན་ཐོས་ཀྱི་དགེ་སློང་སྐད་ཀྱི་གཏང་རག་སྙན་པ་རྣམས་ཀྱི་ནང་ན་འདི་ལྟ་སྟེ་དགེ་སློང་སྙན་པ་བཟང་ལྡན་འདི་མཆོག་ཡིན་ནོ། །དེའི་སྐད་ཀྱི་གཏང་རག་སྙན་པ་ཡིད་དུ་འོང་བའི་སྦྱོར་བས་དགེ་སློང་འདོད་ཆགས་དང་
D6.010.0042b04.01མ་བྲལ་བ་རྣམས་རང་གི་བྱ་བ་བཏང་ནས་ཉིན་གཅིག་བཞིན་དེའི་གན་དུ་འགྲོ་བར་བྱེད་དོ། །ཇི་ཙམ་དུས་གཞན་ཞིག་ན་ཀོ་ས་ལའི་རྒྱལ་པོ་གསལ་རྒྱལ་གླང་པོ་ཆེའི་གཙོ་བོ་པད་མ་དཀར་པོ་གཅིག་པ་ལ་ཞོན་ནས་ཁ་ལོ་སྒྱུར་བ་དཔལ་འཕེལ་དང་ནམ་གྱི་ཐོ་རངས་རི་བྲགས་ཤིག་ཏུ་སོང་བའི་ཚེ་ཚེ་དང་ལྡན་པ་
D6.010.0042b05.01སྙན་པ་བཟང་ལྡན་གྱིས་ནང་པར་སྐད་ཀྱི་གཏང་རག་གིས་ཆོས་སྨྲ་བར་བརྩམས་པ་གླང་པོ་ཆེའི་གཙོ་བོ་པད་མ་དཀར་པོ་གཅིག་པས་ཐོས་སོ། །དེས་ཚེ་དང་ལྡན་པ་སྙན་པ་བཟང་ལྡན་གྱི་སྐད་ཀྱི་གཏང་རག་ཐོས་ནས་ཀྱང་ཡང་རྣ་བ་བླགས་ཏེ་མི་གཡོ་བར་སྡོད་དོ། །ཁ་ལོ་སྒྱུར་བ་དཔལ་འཕེལ་གྱིས་
D6.010.0042b06.01ཕན་ཚུན་ནས་ལག་པ་དང་རྐང་པ་དག་གཡབས་ཏེ་བསྐྱོད་པར་བརྩམས་ཀྱང་དེ་བཞིན་མི་གཡོ་བ་དང་། རྒྱལ་པོས་སྨྲས་པ། དཔལ་འཕེལ་གླང་པོ་ཆེ་ཐོབ་ཤིག་ལྷ་བཏབ་ཀྱང་མི་མཆི་ན་འདི་རྒྱུ་གང་ལགས་མ་འཚལ་ཏོ། །རྒྱལ་པོས་སྨྲས་པ། ཞོག་ཤིག་དང་ལམ་གང་དུ་འགྲོ་བ་བལྟའོ། །
D6.010.0042b07.01