完整藏文原文 · 德格版页 当前仅加载第 10 函德格 75b 版页；藏文 NFD、目录标记与异常页序保留在来源切片中，重复版页行以稳定序号区分。
བདེ་ཞིང་རབ་ཏུ་དགའ་བས་རྟོག་པར་བྱེད་ཅིང་བསམས་པ། འདི་ལྟ་བུའི་ཡོན་གནས་ཡང་དག་པ་ལ་བདག་གིས་བྱ་བ་མ་བྱས་པས་དེས་ན་བདག་འདི་ལྟ་བུའི་གནས་སྐབས་སུ་གྱུར་པར་གདོན་མ་ཟོས་སོ། །དེའི་ཕྱིར་གལ་ཏེ་བཅོམ་ལྡན་འདས་ཀྱིས་བདག་ལས་བསོད་སྙོམས་བཞེས་ན། བདག་གིས་
D6.010.0075b01.01བཅོམ་ལྡན་འདས་ལ་དབུལ་ལོ་སྙམ་པ་དང་། སྐབས་དེ་ལྟ་བུ་ལ་སངས་རྒྱས་བཅོམ་ལྡན་འདས་རྣམས་ལ་མི་མཁྱེན་པ་དང་། མི་གཟིགས་པ་དང་། མི་རིག་པ་དང་། རྣམ་པར་མི་མཁྱེན་པ་ཅི་ཡང་མི་མངའ་བས་སངས་རྒྱས་བཅོམ་ལྡན་འདས་རྣམས་ནི་ཆོས་ཉིད་ཀྱིས་ཞེས་བྱ་བ་ནས། ལུས་
D6.010.0075b02.01ཅན་རྣམས་ལ་འབྲས་བུར་སྨིན་ཅེས་བྱ་བའི་བར་སྔ་མ་བཞིན་ནོ། །དེ་ནས་བཅོམ་ལྡན་འདས་ཀྱིས་དེ་རྗེས་སུ་གཟུང་བའི་ཕྱིར་ལྷུང་བཟེད་བཟེད་དེ་སྲིང་མོ་ཁྱོད་ཀྱིས་གལ་ཏེ་ཡོངས་སུ་བཏང་ན་ལྷུང་བཟེད་འདིར་བྱིན་ཅིག་ཅེས་བཀའ་སྩལ་པ་དང་། དེས་ཤིན་ཏུ་དད་པས་བཅོམ་ལྡན་འདས་ལ་བསོད་
D6.010.0075b03.01སྙོམས་དེ་ཕུལ་ནས་ཞབས་གཉིས་ལ་ཕྱག་འཚལ་ཏེ་སྨོན་ལམ་བཏབ་པ། བདག་གི་དགེ་བའི་རྩ་བ་འདིས་བྲན་མོ་དང་དབུལ་པོར་མི་འགྱུར་བར་ཤོག་ཤིག །ཇི་ཙམ་ན་དེའི་ཕའི་གྲོགས་པོ་བྲམ་ཟེ་མཚན་མཁན་ཞིག་ཡོད་པ་དེས་དེ་མཐོང་ནས་སྨྲས་པ། བུ་མོ་ཁྱོད་ག་ལས་འོངས།
D6.010.0075b04.01རི་བྲགས་དེ་ཁོ་ན་ནས་སོ། །སུ་ལ་གནས་ཤིང་འདུག་དེས་སྨྲས་པ། གང་ན་སྐལ་བ་ཆུང་ངུ་གནས་པ་ན་སྟེ། བདག་མིང་ཆེན་གྱི་བྲན་མོ་བགྱིས་སོ། །ཁྱོད་ཀྱི་ཕ་དེ་གར་སོང་། གུམ་མོ། །མ་དང་མིང་པོ་དེ་དག་གར་དོང་། གར་མཆིས་མ་འཚལ་ཏོ། །ཟླ་བ་ཁྱོད་བྲན་མོའི་འོས་མ་ཡིན་ན་ལག་
D6.010.0075b05.01པ་རྐྱོང་ཤིག་དང་བལྟའོ། །དེས་ལག་པ་བརྐྱང་བ་དང་། དེས་བལྟས་ནས་ཚིགས་སུ་བཅད་དེ་སྨྲས་པ། གང་གི་ལག་པའི་མཐིལ་དག་ལ། །ལྕགས་ཀྱི་འཁོར་ལོའི་མཚན་ཡོད་པ། །བྲན་གྱི་རིགས་སུ་སྐྱེས་གྱུར་ཀྱང་། །རྒྱལ་པོའི་བཙུན་མོར་བཞེས་པར་འགྱུར། །གང་གི་བཞིན་ནི་
D6.010.0075b06.01རྒྱས་པ་དང་། །ངང་པའི་རྒྱལ་པོའི་གདངས་འདྲ་བ། །བྲན་གྱི་རིགས་སུ་སྐྱེས་གྱུར་ཀྱང་། །རྒྱལ་པོའི་བཙུན་མོར་བཞེས་པར་འགྱུར། །གང་གི་རྐང་པའི་མཐིལ་དག་ལ། །གྲོང་ཁྱེར་ཅོག་དང་རྟ་བབས་བཅས། །བྲན་གྱི་རིགས་སུ་སྐྱེས་གྱུར་ཀྱང་། །རྒྱལ་པོའི་བཙུན་མོར་བཞེས་པར་འགྱུར། །
D6.010.0075b07.01