完整藏文原文 · 德格版页 当前仅加载第 10 函德格 131b 版页；藏文 NFD、目录标记与异常页序保留在来源切片中，重复版页行以稳定序号区分。
བསྐྱོད་པ་དང་། ཀུན་དུ་བསྐྱོད་པ་དང་། ཡོངས་སུ་བསྐྱོད་པའམ། དྲག་ཏུ་བརྩལ་བའམ། ལུས་དག་རྣམ་པར་གཡེངས་པ་དེ་ལྟ་དེ་ལྟར་མངལ་ན་གནས་པ་དེ་ཁོང་སྟོང་དུ་འགྱུར་ཞིང་དེའི་བུ་ག་དེ་དག་ཀྱང་མངོན་པར་འགྲུབ་པར་འགྱུར་རོ། །དགའ་བོ་རྟ་བྱེད་ཅེས་བྱ་བའི་རླུང་དེ་དག་ནི་གྱེན་དུ་ལྟས་
D6.010.0131b01.01ཏེ་འགྲོ་བ་ན་སྟོད་ཀྱི་བུ་ག་འབྱུང་བར་བྱེད། ཐུར་དུ་ལྟས་ཏེ་འགྲོ་བ་ན་སྨད་ཀྱི་བུ་ག་འབྱུང་བར་བྱེད་དོ། །དགའ་བོ་དཔེར་ན་མགར་བའི་སྦུད་པ་མགར་བ་མཁས་པའམ་མགར་བའི་སློབ་མས་བླངས་པ་ཇི་ལྟ་ཇི་ལྟར་ལག་པ་གཉིས་ཀྱིས་བུས་པ་དེ་ལྟ་དེ་ལྟར་རླུང་གཡོ་བར་འགྱུར་རོ། །དགའ་བོ་དེ་བཞིན་དུ་
D6.010.0131b02.01རླུང་རྟ་བྱེད་ཅེས་བྱ་བ་དེ་དག་ཀྱང་གྱེན་དུ་ལྟས་ཏེ་འགྲོ་བ་ན་སྟོད་ཀྱི་བུ་ག་འབྱུང་བར་བྱེད། ཐུར་དུ་ལྟས་ཏེ་འགྲོ་བ་ན་སྨད་ཀྱི་བུ་ག་འབྱུང་བར་བྱེད་དོ། །དགའ་བོ་རླུང་རྟ་བྱེད་དེ་དག་ནི་སྐྱེ་མཆེད་དེ་རྣམས་བཏོད་ནས་དེ་ཉིད་དུ་མེད་པར་འགྱུར་རོ། །དགའ་བོ་ཞག་བདུན་པ་བཅུ་གཉིས་པ་ལ་ནི་མངལ་ན་གནས་
D6.010.0131b03.01པ་དེ་ལ་མའི་ལྟོར་ནང་ནས་རླུང་ཡོན་པོའི་སྒོ་ཞེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་དེའི་ལྟོ་གཡས་གཡོན་དུ་རྒྱུ་མ་དང་གཉེ་མ་དག་མངོན་པར་འགྲུབ་པར་བྱེད་དེ། དགའ་བོ་དཔེར་ན་པད་མའི་རྩ་བའི་སྦུ་བུའི་རྩ་ལག་དག་བྲེང་ཆགས་པ་བཞིན་དུ་དེའི་ནང་གྲོལ་འབྲེལ་པ། དོག་པ་
D6.010.0131b04.01འཛིངས་པ་ལྟ་བུ་དེ་འདྲ་བ་ལུས་ལ་རྟེན་པར་འགྱུར་རོ། །དེ་ནས་ཞག་བདུན་པ་དེ་ཉིད་ལ་རླུང་སྤུ་བྱེད་ཅེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་དེའི་ལུས་ལ་ཚིགས་སུམ་བརྒྱ་སུམ་བཅུ་ལས་མི་མང་མི་ཉུང་བ་སྐྱེད་ཅིང་རླུང་གི་དབང་གིས་ལུས་ལ་གནད་བརྒྱ་རྩ་གཅིག་ཀྱང་རྟེན་པར་འགྱུར་
D6.010.0131b05.01རོ། །དགའ་བོ་ཞག་བདུན་པ་བཅུ་གསུམ་པ་ལ་མངལ་ན་གནས་པ་དེ་ལ་མའི་ལྟོའི་ནང་དུ་བཀྲེས་པ་དང་སྐོམ་པ་དག་འབྱུང་སྟེ། དེའི་མས་ཟོས་ཤིང་འཐུངས་པ་གང་ཡིན་པ་དེ་ལས་བཅུད་དེའི་ལྟེ་བ་ནས་འཇུག་ཅིང་དེ་དེ་ན་དེས་འཚོ་བར་བྱེད་དོ། །དེ་ཡི་མ་ཡིས་ཟས་དང་སྐོམ་གཉིས་པོ་སྤྱད་པ་གང་
D6.010.0131b06.01ཡིན་དེས། །མ་ཡི་ལྟོ་ན་འདུག་པ་ཡི། །མི་དེ་དེ་ན་སྐྱེད་པར་བྱེད། །དགའ་བོ་ཞག་བདུན་པ་བཅུ་བཞི་པ་ལ་ནི་མངལ་ན་གནས་པ་དེ་ལ་མའི་ལྟོར་ནང་ནས་རླུང་སྐུད་པའི་སྒོ་ཞེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་དེའི་ལུས་ལ་ཆུ་རྒྱུས་དགུ་བརྒྱ་པོ་ལུས་ཀྱི་མདུན་དུ་ཉིས་བརྒྱ་ཉི་ཤུ་རྩ་ལྔ་
D6.010.0131b07.01