完整藏文原文 · 德格版页 当前仅加载第 10 函德格 133a 版页；藏文 NFD、目录标记与异常页序保留在来源切片中，重复版页行以稳定序号区分。
ངེས་པར་འགོད་པར་བྱེད། འཇོག་པར་བྱེད། ཡང་དག་པར་འཇོག་པར་བྱེད། སོ་སོར་འཇོག་པར་བྱེད་དོ། །དགའ་བོ་ཞག་བདུན་པ་བཅུ་བདུན་པ་ལ་མངལ་ན་གནས་པ་དེ་ལ་མའི་ལྟོར་ནང་ནས་རླུང་འབྲིའི་གདོང་ཞེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་
D6.010.0133a01.01དེའི་མིག་གི་སྐྱེ་མཆེད་གཉིས་ཡོངས་སུ་བྱང་བར་བྱེད། སོ་སོར་འཇོག་པར་བྱེད། ངེས་པར་འགོད་པར་བྱེད། རྣམ་པར་འགོད་པར་བྱེད། ཀུན་ནས་འཇོག་པར་བྱེད་ཅིང་། དེའི་རྣ་བའི་སྐྱེ་མཆེད་གཉིས་དང་། སྣའི་སྐྱེ་མཆེད་དག་དང་། ཁའི་སྒོ་དང་། མིད་པ་དང་། སྙིང་གི་ཐན་ཀོར་དང་། གང་
D6.010.0133a02.01གིས་ཟོས་པ་དང་། འཐུངས་པ་དང་། འཆོས་པ་དང་། མྱངས་པ་འཇུ་བར་བྱེད་པ་དང་། གང་དུ་གནས་པ་དང་། གང་གིས་ཐུར་དུ་འབྱུང་བར་བྱེད་པ་དེ་ཡང་ཡོངས་སུ་བྱང་བར་བྱེད། ངེས་པར་འགོད་པར་བྱེད། རྣམ་པར་འགོད་པར་བྱེད། ཀུན་ནས་འཇོག་པར་བྱེད་དོ། །དགའ་བོ་དཔེར་ན་ཁྱེའུ་འམ།
D6.010.0133a03.01བུ་མོ་མཁས་པ་མེ་ལོང་གི་དཀྱིལ་འཁོར་ཡོངས་སུ་མ་དག་པ་བླངས་ནས་ཐལ་བ་ཐོགས་པའམ། སའི་ཕྱེ་མ་ཐོགས་པའམ། འབྲུ་མར་ཐོགས་པའི་ལག་པའམ། རས་མའི་ཆང་བུས་ཕྱི་བ་དང་། ཀུན་དུ་ཕྱི་བ་དང་། ཡོངས་སུ་སྦྱང་བ་བྱེད་ཅིང་རབ་ཏུ་གསལ་བར་བྱེད་དོ།། །།
D6.010.0133a04.01འདུལ་བ་ཕྲན་ཚེགས་ཀྱི་གཞི། བམ་པོ་བཅུ་གཉིས་པ། དགའ་བོ་དེ་བཞིན་དུ་ལས་ཀྱི་རྣམ་པར་སྨིན་པ་ལས་སྐྱེས་པའི་རླུང་དེ་དག་ཀྱང་དེའི་མིག་གི་སྐྱེ་མཆེད་གཉིས་དང་། རྣ་བའི་སྐྱེ་མཆེད་དག་དང་། སྣའི་སྐྱེ་མཆེད་དག་དང་། ཁའི་སྒོ་དང་། མིད་པ་དང་། སྙིང་གི་ཐན་ཀོར་དང་།
D6.010.0133a05.01གང་གིས་ཟོས་པ་དང་། འཐུངས་པ་དང་། འཆོས་པ་དང་། མྱངས་པ་འཇུ་བར་བྱེད་པ་དང་། གང་དུ་གནས་པ་དང་། གང་གི་ཐུར་དུ་འབྱུང་བར་བྱེད་པ་དེ་ཡང་ཡོངས་སུ་བྱང་བར་བྱེད། ཀུན་དུ་འཇོག་པར་བྱེད། སོ་སོར་འཇོག་པར་བྱེད། ངེས་པར་འགོད་པར་བྱེད། རྣམ་པར་འགོད་པར་བྱེད།
D6.010.0133a06.01ཡང་དག་པར་འགོད་པར་བྱེད་དོ། །དགའ་བོ་ཞག་བདུན་པ་{བཅྭ་,བཅོ་}བརྒྱད་པ་ལ་ནི་མངལ་ན་གནས་པ་དེ་ལ་མའི་ལྟོར་ནང་ནས་རླུང་དྲི་མ་མེད་པ་ཞེས་བྱ་བ་དག་ལྡང་སྟེ། དེ་དག་གིས་དེའི་སྐྱེ་མཆེད་དེ་རྣམས་ཡོངས་སུ་དག་པ་དང་། ཡོངས་སུ་བྱང་བར་འགྱུར་རོ། །དགའ་བོ་དཔེར་ན་ཉི་མའི་དཀྱིལ་
D6.010.0133a07.01