完整藏文原文 · 德格版页 当前仅加载第 10 函德格 292b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་འོང་གིས་དེ་དང་བྲང་སྤྲོད་ལ་བཞུད་ཅིག་ཅེས་སྤྲིང་བ་དང་། རྒྱལ་པོ་པད་མའི་སྙིང་པོ་ཅན་གྱིས་རྒྱལ་པོ་གཞོན་ནུ་བ་ལང་སྐྱོང་དང་བྲང་སྤྲད་ནས་འཕགས་རྒྱལ་བསྐོར་བ་བཏང་སྟེ་རྡོ་འཇོག་དུ་སོང་ངོ་། །བློན་པོ་རྣམས་ཀྱིས་སྨྲས་པ། ཤེས་ལྡན་དག་རྒྱལ་པོ་པད་མའི་སྙིང་པོ་ཅན་
D6.010.0292b01.01གྱིས་བག་ཕབ་སྟེ་ཡུལ་རྡོ་འཇོག་ཏུ་སོང་གིས་ད་ནི་ལྷ་ཚོལ་དུ་འདོང་ངོ་ཞེས་དེ་དག་གིས་ཕོ་ཉ་རྟ་པ་ཀུན་ཏུ་བཏང་ངོ་། །རྒྱལ་པོ་གཏུམ་པོ་རབ་སྣང་གིས་རྒྱལ་པོ་པད་མའི་སྙིང་པོ་ཅན་གྱིས་འཕགས་རྒྱལ་བསྐོར་བ་བཏང་ནས་ཡུལ་རྡོ་འཇོག་ཏུ་སོང་ངོ་ཞེས་ཐོས་པ་དང་། དེས་ཞིང་པ་
D6.010.0292b02.01སྣམས་བྱེད་དེ་ལ་སྨྲས་པ། སྣམས་བྱེད་བདག་ནི་འཇིགས་པ་དང་བྲལ་བས་དེའི་ཕྱིར་བདག་འཕགས་རྒྱལ་དུ་འགྲོས། གལ་ཏེ་ཁྱོད་འཕགས་རྒྱལ་དུ་འོང་ན་བདག་གི་ཁྱིམ་དུ་ཤོག་ཤིག །དེས་སྨྲས་པ། ཁྲོམ་གྱི་དཔའ་བོ་ཁྱོད་ཀྱི་མིང་ཡང་ཁོ་བོས་མི་ཤེས་ན་ཇི་ལྟར་ཁྱིམ་
D6.010.0292b03.01དུ་འོང་། །དེས་སྨྲས་པ། སྣམས་བྱེད་ངའི་ཁྱིམ་མི་ཤེས་ཀྱང་བླ་འོན་ཀྱང་ཁྱོད་འཕགས་རྒྱལ་དུ་འོངས་པ་དང་རྟ་{མངས་ཀྱི་,མང་གི་}ཁྱིམ་གང་ཡིན་ཞེས་དྲིས་ཤིག་ཅེས་སྨྲས་ནས་སོང་ནས་རིམ་གྱིས་ཡུལ་འཕགས་རྒྱལ་དུ་ཕྱིན་པ་དང་། དེས་ཆབ་སྒོ་བ་ལ་བསྒོ་བ། ཀྭའེ་
D6.010.0292b04.01སྐྱེས་བུ་འགའ་ཞིག་རྟ་{མངས་ཀྱི་,མང་གི་}ཁྱིམ་གང་ཡིན་ཞེས་འདྲི་བ་དང་། དེ་ངའི་དྲུང་དུ་ཁྲིད་དེ་ཤོག་ཤིག་ཅེས་སྨྲས་ནས་ཁྱིམ་དུ་ཞུགས་སོ། །ཇི་ཙམ་དུས་གཞན་ཞིག་ན་ཡུལ་འཕགས་རྒྱལ་དུ་དུས་སྟོན་ལ་བབ་ནས། ཡུལ་དེ་ན་གནས་པའི་སྐྱེ་བོའི་ཚོགས་དག་ཀྱང་དེར་དོང་བ་
D6.010.0292b05.01དང་། ཞིང་པའི་ཆུང་མ་རི་ཁྲོད་མས་རྗེའི་སྲས་ཡུལ་འཕགས་རྒྱལ་ན་དུས་སྟོན་ལ་བབ་སྟེ་སྐྱེ་བོའི་ཚོགས་དེར་དོང་ན་བདག་ཅག་ཀྱང་བཞུད་ལ། དེར་དུས་སྟོན་ཀྱང་ཉམས་སུ་མྱོང་བར་བྱ་ཞིང་རྟ་{མངས་,མང་}དེ་ཡང་གཟིགས་སོ། །དེས་སྨྲས་པ། བཟང་མོ་ཅི་ཁྲོམ་གྱི་
D6.010.0292b06.01དཔའ་བོས་གང་སྨྲས་པ་དེ་ཐམས་ཅད་བདེན་དུ་རེའམ། དེ་ནི་གནས་གསུམ་གྱིས་བལྟ་བར་བྱ་སྟེ། བཅོམ་པ་དང་། བྲོས་པ་དང་། རྒྱལ་སྲིད་ལས་ཉམས་པ་ཞིག་ནའོ། །དེས་སྨྲས་པ། རྗེའི་སྲས་གལ་ཏེ་དེ་ལྟ་ན་ཐོང་། བཞུད་ལ་དུས་སྟོན་ཉམས་སུ་
D6.010.0292b07.01