完整藏文原文 · 德格版页 当前仅加载第 10 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ནོ་སྙམ་ནས་དེ་དག་གིས་དེ་བསྐོར་ཏེ་འཁོད་དོ། །ཇི་ཙམ་ན་ཀོ་ས་ལའི་རྒྱལ་པོ་གསལ་རྒྱལ་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་འོངས་པ་དང་། དེས་ཀྱང་དེ་ལ་དྲི་བར་བརྩམས་པ། འཕགས་པ་སྒྲ་ཅན་ཟིན་ཅི་སྟེ་བཤུམས། དེས་ཇི་ལྟར་གྱུར་པ་བསྙད་པ་དང་། དེས་ཀྱང་བསམས་
D6.010.0169b01.01པ་བདག་གིས་སངས་རྒྱས་ཀྱི་སྲས་དང་། སངས་རྒྱས་ཀྱི་སྲུ་ལ་རྒྱབ་བསྟན་ཏེ་འགྲོ་བ་གང་ཡིན་པ་ནི་བདག་གི་ཆ་མ་ཡིན་ནོ་སྙམ་ནས་དེས་ཀྱང་དེ་བསྐོར་ཏེ་འདུག་གོ། །ཐ་གི་ཙམ་ན་ཁྱིམ་བདག་མགོན་མེད་ཟས་སྦྱིན་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་འོངས་ཏེ་དེས་ཀྱང་དེ་ལ་དྲི་བར་བརྩམས་
D6.010.0169b02.01པ། ཚེ་དང་ལྡན་པ་སྒྲ་ཅན་ཟིན་ཅི་སྟེ་བཤུམས། དེས་ཇི་ལྟར་གྱུར་པ་བསྙད་པ་དང་། དེས་བསམས་པ་བདག་གིས་སངས་རྒྱས་ཀྱི་སྲས་དང་། སངས་རྒྱས་ཀྱི་སྲུ་དང་། རྒྱལ་པོ་ལ་རྒྱབ་བསྟན་ཏེ་འགྲོ་བ་གང་ཡིན་པ་ནི་བདག་གི་ཆ་མ་ཡིན་ནོ་སྙམ་ནས་དེས་ཀྱང་དེ་བསྐོར་ཏེ་འདུག་གོ། །
D6.010.0169b03.01བར་སྐབས་དེར་ཀུན་དགའི་ར་བའི་ནང་དུ་སྒྲ་མཐོན་པོ་སྒྲ་ཆེན་པོ་དང་། སྐྱེ་བོའི་ཚོགས་ཕལ་པོ་ཆེའི་སྒྲ་སྐད་བྱུང་བར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་ཡིན་པས་སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་
D6.010.0169b04.01པ། ཀུན་དགའ་བོ་ཀུན་དགའི་ར་བ་ན་སྒྲ་མཐོན་པོ་སྒྲ་ཆེན་པོ་དང་། སྐྱེ་བོའི་ཚོགས་ཕལ་པོ་ཆེའི་སྒྲ་སྐད་གྲག་པ་འོ་ནི་ཅི་ཞིག །དེས་གནས་སྐབས་དེ་བཅོམ་ལྡན་འདས་ལ་རྒྱས་པར་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དགེ་སློང་དག་དགེ་སློང་དགེ་འདུན་
D6.010.0169b05.01གྱི་གཙུག་ལག་ཁང་ནས་སྐྲོད་པར་བྱེད་དམ། བཅོམ་ལྡན་འདས་སྐྲོད་པར་བྱེད་དོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དགེ་སློང་ནི་རང་གི་གནས་ཁང་ལ་དབང་གི་དགེ་འདུན་གྱི་གཙུག་ལག་ཁང་ལ་ནི་མ་ཡིན་ནོ། །དེ་ལྟ་བས་ན་དགེ་སློང་གིས་དགེ་སློང་དགེ་འདུན་གྱི་གཙུག་ལག་ཁང་
D6.010.0169b06.01ནས་བསྐྲད་པར་མི་བྱའོ། །སྐྲོད་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་དགེ་སློང་དགེ་འདུན་གྱི་གཙུག་ལག་ཁང་ནས་བསྐྲད་པར་མི་བྱའོ་ཞེས་བཀའ་སྩལ་པ་དང་། དགེ་སློང་རྣམས་ལྷན་ཅིག་གནས་པ་དང་། ཉེ་གནས་དག་ལ་ཅུང་ཟད་ཀྱང་མ་སྨྲས་པས་དེ་དག་
D6.010.0169b07.01