完整藏文原文 · 德格版页 当前仅加载第 10 函德格 77b 版页；藏文 NFD、目录标记与异常页序保留在来源切片中，重复版页行以稳定序号区分。
ཚུལ་མ་ནི་འདི་ལྟ་བུར་ཡང་གཟུགས་བཟང་ངོ་ཞེས་དབྱར་ཚུལ་མའི་བསྔགས་པ་བརྗོད་པ་དང་། དེས་སྨྲས་པ། ལྷ་དེ་བདག་གིས་ནམ་ཞིག་ན་མཐོང་བར་འགྱུར་ལགས། རྒྱལ་པོས་སྨྲས་པ། མ་{རིངས་,རིང་}ཤིག་དང་རིང་པོ་མི་ཐོགས་པར་མཐོང་བར་འགྱུར་རོ། །དེ་རེ་བ་དང་བཅས་པས་
D6.010.0077b01.01འདུག་གོ། །གང་གི་ཚེ་རྒྱལ་རིགས་དབྱར་ཚུལ་མ་དང་ཐབས་ཅིག་ཏུ་འདུག་པ་དེའི་ཚེ་ཡང་དབྱར་ཚུལ་མ་ཕྲེང་ལྡན་མ་ནི་དེ་ལྟ་བུའི་རེག་བྱ་དང་ཡང་ལྡན་པ་ཡིན་ནོ་ཞེས་ཕྲེང་ལྡན་མའི་བསྔགས་པ་བརྗོད་པ་དང་། དེས་སྨྲས་པ་ལྷ་དེ་བདག་གིས་ནམ་ཞིག་ན་མཐོང་བར་འགྱུར་ལགས། རྒྱལ་
D6.010.0077b02.01པོས་སྨྲས་པ། མ་{རིངས་,རིང་}ཤིག་དང་རིང་པོར་མི་ཐོགས་པར་མཐོང་བར་འགྱུར་རོ། །དེ་དག་རྒྱལ་པོས་ཇི་ལྟ་ཇི་ལྟར་ཡ་མཚན་བསྐྱེད་པ་དེ་ལྟ་དེ་ལྟར་ཕན་ཚུན་མཐོང་བར་སྤྲོ་བར་གྱུར་ཏོ། །ཇི་ཙམ་དུས་གཞན་ཞིག་ན་སོ་གའི་དུས་ལ་བབ་སྟེ། ནགས་ཚལ་ན་ཤིང་རྣམས་མེ་ཏོག་རྒྱས་པར་གྱུར་
D6.010.0077b03.01ཅིང་ངང་པ་དང་། ཁྲུང་ཁྲུང་དང་། རྨ་བྱ་དང་། ནེ་ཙོ་དང་། རི་སྐེགས་དང་། ཁུ་བྱུག་དང་། ཤང་ཤང་ཏེའུ་སྒྲ་འབྱིན་པའི་སྐྱེད་མོས་ཚལ་གྱི་གནས་སུ་རྒྱལ་པོ་བཙུན་མོའི་ཚོགས་ཀྱིས་ཡོངས་སུ་བསྐོར་ཅིང་གཤེགས་སོ། །བུད་མེད་ནི་མེ་ཏོག་དང་འབྲས་བུ་ལ་དགའ་བ་ཡིན་པས་སྐྱེད་མོས་
D6.010.0077b04.01ཚལ་དེ་དང་དེ་དག་ཏུ་འཁྱམ་པར་བརྩམས་པ་དང་། རྒྱལ་རིགས་དབྱར་ཚུལ་མ་ངལ་བས་སྐྱོ་ཞིང་སྙོམ་པར་གྱུར་ནས་ཤིང་མྱ་ངན་འཚང་ལ་སྙེས་ཏེ་འདུག་པ་དང་། ཇི་ཙམ་ན་ཕྲེང་ལྡན་མས་མཐོང་ངོ་། །དེ་དེའི་གཟུགས་བཟང་བ་མཐོང་བས་ཤིང་གི་ལྷ་མོ་ཡིན་ནོ་སྙམ་དུ་རིག་ནས། མོད་
D6.010.0077b05.01ལ་རྐང་པ་ལ་ཕྱག་བྱས་པ་དང་། ཕྲེང་ལྡན་མའི་ལག་པས་རེག་མ་ཐག་པ་ཉིད་དུ་གཉིད་ལོག་པར་གྱུར་ཏོ། །ཇི་ཙམ་ན་རྒྱལ་པོས་དབྱར་ཚུལ་མ་ལ་ཕྲེང་ལྡན་མའི་བསྔགས་པ་བརྗོད་པར་བརྩམས་པ་དང་། དེས་སྨྲས་པ། ལྷ་དེ་བདག་གིས་ནམ་ཞིག་ན་མཐོང་བར་འགྱུར་ལགས། རྒྱལ་
D6.010.0077b06.01པོས་སྨྲས་པ། དེ་ཁྱེད་ཀྱིས་མཐོང་ངོ་། །ལྷ་བདག་མི་དྲན་ནོ། །ངས་ཁྱོད་དྲན་པར་བྱའོ། །ལེགས་སོ། །གང་གིས་ལག་པ་གཉིས་ཀྱིས་ཁྱོད་ཀྱི་རྐང་པ་ལ་བཟུང་བ་དེ་དྲན་ནམ། ལྷ་དེ་ལྷ་མོ་ཕྲེང་ལྡན་མ་ལགས་སམ། དེ་ཡིན་ནོ། །ལྷ་གང་ཁྱོད་རེག་བྱ་དང་ལྡན་པའི་བཙུན་མོ་དེ་ལྟ་
D6.010.0077b07.01