完整藏文原文 · 德格版页 当前仅加载第 10 函德格 204b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་འོབས་ཀྱིས་སྐོར་ཅིག །དེས་འོབས་ཀྱིས་བསྐོར་ཏོ། །གླེང་གཞི་ནི་མཉན་ཡོད་ནའོ། །མཉན་ཡོད་ན་དགེ་སློང་མ་སྐར་རྒྱལ་ཞེས་བྱ་བ་ཞིག་འདུག་པ་དེ་སྐྲ་རིང་པོ་རིང་པོར་གྱུར་ནས་དེ་འབྲེག་མཁན་གྱི་དྲུང་དུ་སོང་སྟེ། བུ་སྐྲ་རེགས་ཤིག །ཁྱོད་ལ་བསོད་ནམས་སུ་འགྱུར་
D6.010.0204b01.01རོ་ཞེས་བྱས་པ་དང་། དེས་བསམས་པ། ཇི་ལྟར་ཤཱཀྱའི་བུའི་དགེ་སྦྱོང་དག་ནན་ཆེ་བ་དེ་ལྟར་འདི་དག་ཀྱང་རྔན་པ་མེད་པར་ལས་བྱེད་དུ་འཇུག་སྟེ། གལ་ཏེ་འདིའི་སྐྲ་བྲེགས་ན་གཞན་དང་གཞན་དག་ཀྱང་འོང་བར་འགྱུར་བས་དུས་རིང་དུ་བཤོལ་ཏེ་བཞག་པ་དང་། འདི་རང་གི་བློས་
D6.010.0204b02.01ལྡོག་པར་འགྱུར་རོ་སྙམ་ནས། དེས་འཕགས་མ་བཞུད་ལ་སང་གནངས་སྔ་དྲོའམ། ཉི་མའི་གུང་ངམ། སླད་དྲོ་སྤྱོན་ཅིག་ཅེས་དུས་བཏབ་པོ། །དེ་དེས་བསླུས་པས་ཡང་དང་ཡང་དུ་འགྲོ་བ་དང་། དེའི་སྨོས་འདྲིན་དགེ་སློང་མ་ཞིག་ཡོད་པ་དེས་དེ་ཡང་དང་ཡང་དུ་འགྲོ་བ་མཐོང་
D6.010.0204b03.01ནས། དེས་སྨྲས་པ། འཕགས་མ་ཁྱོད་ཅིའི་ཕྱིར་འདིར་ཡང་དང་ཡང་དུ་འགྲོ། ཅི་འདི་ཁྱོད་ཀྱི་ཉེ་དུའི་ཁྱིམ་མམ། རིགས་ཀྱི་ཁྱིམ་ཡིན། དེས་སྨྲས་པ། འཕགས་མ་འདི་ནི་བདག་གི་ཉེ་དུའི་ཁྱིམ་ཡང་མ་ཡིན། རིགས་ཀྱི་ཁྱིམ་ཡང་མ་ཡིན་མོད་ཀྱི་འོན་ཀྱང་བདག་གི་སྐྲ་
D6.010.0204b04.01རིང་པོ་རིང་པོར་གྱུར་ནས་བདག་གིས་འབྲེག་མཁན་འོ་ནི་ལ་བུ་བདག་གི་སྐྲ་རིང་པོ་རིང་པོ་བྲེགས་ཤིག་དང་། ཁྱོད་ལ་བསོད་ནམས་སུ་འགྱུར་རོ་ཞེས་བྱས་ན་དེས་མ་བྲེགས་ཏེ་དུས་བཏབ་པོ། །དེས་སྨྲས་པ། འཕགས་མ་ཁྱོད་ཀྱིས་བཟོ་བོ་ལ་བདེན་པར་སྨྲ་བ་དཀོན་པར་མ་ཐོས་
D6.010.0204b05.01སམ། ཁོ་མོ་ནི་སྐྲ་འབྲེག་མཁས་ན་འོན་ཀྱང་བཅོམ་ལྡན་འདས་ཀྱིས་མ་གནང་ངོ་། །དེས་སྐབས་དེ་དགེ་སློང་མ་རྣམས་ལ་བསྙད་པ་དང་། དགེ་སློང་མ་རྣམས་ཀྱིས་དགེ་སློང་རྣམས་ལའོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་
D6.010.0204b06.01ཀྱིས་བཀའ་སྩལ་པ། དགེ་སློང་མ་གང་ཞིག་མཁས་པ་དེས་ཕྱོགས་དབེན་པར་སྐྲ་བྲེག་པར་བྱའོ། །བཅོམ་ལྡན་འདས་ཀྱིས་དགེ་སློང་མ་གང་ཞིག་མཁས་པ་དེས་ཕྱོགས་དབེན་པར་སྐྲ་བྲེག་པར་བྱའོ་ཞེས་བཀའ་སྩལ་ནས། དགེ་སློང་མ་དེ་དགེ་སློང་མ་དེའི་དྲུང་དུ་སོང་སྟེ།
D6.010.0204b07.01