完整藏文原文 · 德格版页 当前仅加载第 10 函德格 289b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱན་ལྔ་བརྒྱ་དང་། གྲོང་ཁྱེར་མཆོག་ལྔའོ། །དེ་དག་གིས་རྒྱལ་པོ་གཏུམ་པོ་རབ་སྣང་ལ་ལྷ་བུ་མོ་གཉོད་འདི་སྙེད་ཅིག་གིས་ཁུགས་སོ་ཞེས་དོན་དེ་སྤྲིང་བ་དང་། རྒྱལ་པོ་གཏུམ་པོ་རབ་སྣང་གིས་ཕྱིར་སྤྲིང་བ། ཤེས་ལྡན་དག་བུ་མོ་གཉོད་ཇི་ཙམ་གྱིས་ཁུགས་པ་ནོས་ཤིག་
D6.010.0289b01.01ཐམས་ཅད་སྦྱར་རོ། །དེ་དག་གིས་བླངས་ནས་རྒྱལ་པོས་ཉི་མ་དང་། ཚེས་གྲངས་དང་། ཡུད་ཙམ་དང་སྦྱར་ཏེ་དཔལ་གྱི་འབྱོར་པ་ཆེན་པོས་བག་མར་བླངས་སོ། །གང་གི་ཉིན་པར་འཕགས་རྒྱལ་དུ་ཕྱིན་པ་དེ་ཉིད་ཀྱི་ཉིན་པར་ཡུལ་འཕགས་རྒྱལ་དུ་མི་ངས་ཐམས་ཅད་ཀྱི་
D6.010.0289b02.01ཐམས་ཅད་དུ་ཉེ་བར་ཞི་ཞིང་ཞི་བར་གྱུར་ནས་དེའི་མིང་ཞི་བ་ཞེས་བྱ་བར་ཆགས་སོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ཉི་ཤུ་དྲུག་པ། སྡོམ་ནི། སྐྱེ་དང་འཚོ་བྱེད་ཀ་ཏྱའི་བུ། །ཞི་དང་ཚོང་དཔོན་གཡུལ་དང་ནི། །མདུན་ན་འདོན་དང་སྒྲོལ་མ་དང་། །
D6.010.0289b03.01པི་བང་ལེན་དང་སྐྲ་བྲེགས་དང་། །རུས་པའི་ཀེང་རུས་གཏོགས་པར་ནི། །དེ་ནི་ཚོམས་སུ་ཡང་དག་བསྡུས། །དེའི་ཚེ་འཕགས་རྒྱལ་ན་ཚོང་དཔོན་གྱི་བུ་ཞིག་གནས་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད་དགའ་བར་བྱེད། དགའ་མགུར་
D6.010.0289b04.01སྤྱོད་པར་བྱེད་དོ། །དེས་དུས་ཅུང་ཟད་ཅིག་རྩེས་དགའ་བར་བྱས། དགའ་མགུར་སྤྱད་ནས་ཟོང་ཁྱེར་ཏེ་ཡུལ་གཞན་དུ་སོང་ངོ་། །དེའི་ཆུང་མ་ཞིམ་པོ་དང་བཟང་པོ་ཟོས་ཤིང་གྱོན་པས་ཉོན་མོངས་པས་ཤིན་ཏུ་གཟིར་ཏེ། དེ་ཉིན་གཅིག་བཞིན་དུ་ཁང་ཐོག་ཏུ་སོང་ནས་ཐམས་ཅད་
D6.010.0289b05.01དུ་སྐྱེས་པ་ལ་ལྟའོ། །ཇི་ཙམ་དུ་དུས་གཞན་ཞིག་ན་རྒྱལ་པོ་གཏུམ་པོ་རབ་སྣང་གླང་པོ་ཆེ་ལ་ཞོན་ཏེ་དེའི་ཁྱིམ་དང་ཉེ་བ་ཞིག་ཏུ་སོང་བ་དང་། དེས་དེ་ལ་མེ་ཏོག་གི་ཕྲེང་བ་འཕོངས་པ་དེ་རྒྱལ་པོ་གཏུམ་པོ་རབ་སྣང་གི་ཕྲག་པ་ལ་ཕོག་གོ། །དེས་གྱེན་དུ་བལྟ་བར་བརྩམས་པ་
D6.010.0289b06.01དང་། ཇི་ཙམ་ན་ན་ཚོད་གཞོན་ནུ་ཁ་དོག་དང་དབྱིབས་ཀྱི་ཁྱད་པར་གྱིས་བདག་ཉིད་ཤིན་ཏུ་མཛེས་པ་རློམ་པ། འདོད་པས་ཐེབས་པའི་སྤྱོད་པས་ཟུར་སྟེགས་སུ་མིག་ཟུར་གྱིས་ལྟ་བ་དེ་མཐོང་ངོ་། །མཐོང་ནས་ཀྱང་དེ་ལ་སེམས་ཀྱི་བསམ་པ་འཆུམས་པར་གྱུར་ཏེ།
D6.010.0289b07.01