完整藏文原文 · 德格版页 当前仅加载第 10 函德格 255b 版页；藏文 NFD、目录标记与异常页序保留在来源切片中，重复版页行以稳定序号区分。
པས་དད་པ་དབུལ་བར་མི་བྱའོ་ཞེས་བཀའ་སྩལ་པ་དང་། དགེ་སློང་གཞན་དག་ཅིག་མཚམས་ཀྱི་ཕྱི་རོལ་དུ་སོང་ངོ་། །དེ་དག་ཆས་པ་དང་། དགེ་འདུན་གྱི་བྱ་བ་ཞིག་བྱུང་ནས་དྲུག་སྡེ་རྣམས་ཀྱིས་དེ་དག་ལས་དད་པ་བླངས་སོ། །སྐབས་དེ་དགེ་སློང་དག་གིས་བཅོམ་ལྡན་འདས་
D6.010.0255b01.01ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། མཚམས་ཀྱི་ཕྱི་རོལ་དུ་སོང་བ་ལས་དད་པ་བླང་བར་མི་བྱའོ། །བཅོམ་ལྡན་འདས་ཀྱིས་མཚམས་ཀྱི་ཕྱི་རོལ་ན་གནས་པས་དད་པ་དབུལ་བར་མི་བྱ། མཚམས་ཀྱི་ཕྱི་རོལ་དུ་སོང་བ་ལས་དད་པ་བླང་བར་ཡང་
D6.010.0255b02.01མི་བྱའོ་ཞེས་བཀའ་སྩལ་པ་དང་། དྲུག་སྡེ་རྣམས་མཚམས་ཀྱི་ཕྱི་རོལ་ན་གནས་བཞིན་དུ་གཅིག་ལ་གཅིག་དད་པ་སྦྱིན་པར་བྱེད་དེ། དགའ་བོས་ནི་ཉེས་དགའ་ལ། ཉེ་{དགའས་,དགས་}ཀྱང་དགའ་བོ་ལ། འདུན་པས་ནི་འཆར་ཀ་ལ། འཆར་ཀས་ཀྱང་འདུན་པ་ལ། འགྲོ་མགྱོགས་
D6.010.0255b03.01ཀྱིས་ནི་ནབ་སོ་ལ། ནབ་སོས་ཀྱང་འགྲོ་མགྱོགས་ལ་དད་པ་བྱིན་པ་དང་། སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་གཅིག་ལ་གཅིག་དད་པ་སྦྱིན་པར་མི་བྱ་སྟེ། བྱིན་ན་འགལ་ཚབས་ཅན་
D6.010.0255b04.01དུ་འགྱུར་རོ། །གླེང་གཞི་ནི་མཉན་ཡོད་ནའོ། །བཅོམ་ལྡན་འདས་ཀྱིས་ཟླ་བ་ཕྱེད་ཕྱེད་ཅིང་གསོ་སྦྱོང་གི་ཚེ་སོ་སོར་ཐར་པའི་མདོ་གདོན་པ་ཐོན་ཅིག་ཅེས་བཀའ་སྩལ་པ་དང་། དྲུག་སྡེ་དག་མཚམས་ཀྱི་ཕྱི་རོལ་ན་གནས་ཤིང་གསོ་སྦྱོང་ལ་འདུན་པ་དང་། ཡོངས་སུ་དག་པ་
D6.010.0255b05.01འབུལ་ལོ། །སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། མཚམས་ཀྱི་ཕྱི་རོལ་ན་གནས་པས་གསོ་སྦྱོང་ལ་འདུན་པ་དང་། ཡོངས་སུ་དག་པ་དབུལ་བར་མི་བྱའོ། བཅོམ་ལྡན་འདས་ཀྱིས་མཚམས་ཀྱི་ཕྱི་རོལ་ན་
D6.010.0255b06.01གནས་པས་གསོ་སྦྱོང་ལ་འདུན་པ་དང་། ཡོངས་སུ་དག་པ་དབུལ་བར་མི་བྱའོ་ཞེས་བཀའ་སྩལ་པ་དང་། དགེ་སློང་གཞན་དག་གཅིག་མཚམས་ཀྱི་ཕྱི་རོལ་དུ་སོང་ངོ་། །དེ་དག་ཆས་པ་དང་། དགེ་འདུན་གསོ་སྦྱོང་བྱ་བར་བཞེད་ནས་འདུས་པ་དང་། དྲུག་སྡེ་རྣམས་ཀྱིས་དེ་དག་ལས་
D6.010.0255b07.01