完整藏文原文 · 德格版页 当前仅加载第 10 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་འབར་བ་བཞིན། །མི་དཀར་བ་ཡིས་དེ་སྨྲས་པ། །ཉི་མའི་འོད་ཚ་འོད་འདི་བསིལ། །ལུས་འདིར་སྣང་བ་འཇུག་པས་ན། །འདི་ནི་ངེས་པར་ཐུབ་པའི་འོད། །བྱང་ཆུབ་སེམས་དཔའ་འོད་པོ་ཆེ། །གདོན་མི་ཟ་བར་ལྷུམས་ནས་བྱུང་། །འདི་ནི་བྱང་ཆུབ་སེམས་དཔའ་དེ། །
D6.010.0266b01.01བྱུང་བའི་འོད་ནི་དྲི་མེད་པ། །འཇིག་རྟེན་གསུམ་པོ་དག་ཀུན་ནི། །གསེར་དང་འདྲ་བ་བཀྱེ་བ་ཡིན། །ན་ལ་དས་སྨྲས་པ། མཁན་པོ་གལ་ཏེ་དེ་ལྟ་ན་ཚུར་སྤྱོན། བྱང་ཆུབ་སེམས་དཔའ་གཟིགས་ཀྱིས་བཞུད་དོ། །དེས་སྨྲས་པ། བུ་ད་ལྟར་བྱང་ཆུབ་སེམས་དཔའ་ལྷ་དབང་ཆེ་བར་
D6.010.0266b02.01གྲགས་པ། དབང་ཆེ་བར་གྲགས་པ་རྣམས་ཀྱིས་བསྐོར་ཅིང་བཞུགས་ཏེ། དེ་བདག་ཅག་གིས་མཐོང་བར་སླ་བ་མ་ཡིན་གྱིས། གང་གི་ཚེ་ཕོ་བྲང་དུ་གཤེགས་ནས་མཚན་བཏགས་ཏེ་ཕྱིར་བྱུང་བ་དེའི་ཚེ་ལྟར་འདོང་ངོ་། །གང་གི་ཉིན་པར་བྱང་ཆུབ་སེམས་དཔའ་བལྟམ་པ་དེ་
D6.010.0266b03.01ཉིད་ཀྱི་ཉིན་མོ་འདུན་པ་ལ་སོགས་པ་རིམ་གྲོ་པ་ལྔ་བརྒྱ་དང་། འདུན་མ་ལ་སོགས་པའི་རིམ་གྲོ་མ་ལྔ་བརྒྱ་དང་། གླང་པོ་ཆེ་མོ་ལྔ་བརྒྱ་དང་། རྟ་རྒོད་མ་ལྔ་བརྒྱ་ཡང་བཙས་ཤིང་འབྲངས། གཏེར་ལྔ་བརྒྱ་ཡང་ཁ་བྱེ་སྟེ་སྣང་ངོ་། བློན་པོ་རྣམས་ཀྱིས་རྒྱལ་པོ་ཟས་གཙང་ལ་
D6.010.0266b04.01སྦྲན་པ། ལྷ་ཞལ་རྗེས་དགྱེས་པ་མཛད་དུ་གསོལ། གཞོན་ནུ་བལྟམ་པ་ན་དོན་འདི་སྙེད་གྲུབ་སྟེ། རིམ་གྲོ་པ་ལྔ་བརྒྱ་དང་། རིམ་གྲོ་མ་ལྔ་བརྒྱ་ཡང་བཙས། གླང་པོ་ཆེ་མོ་ལྔ་བརྒྱ་དང་། རྟ་རྒོད་མ་ལྔ་བརྒྱ་ཡང་འབྲངས། གཏེར་ལྔ་བརྒྱ་ཡང་ཁ་བྱེ་སྟེ་བསྟན་ལགས་
D6.010.0266b05.01སོ། །རྒྱལ་པོ་ཟས་གཙང་གིས་ཐོས་ནས་ཡིད་བདེ་བ་སྐྱེས་ཏེ་སྨྲས་པ། ཤེས་ལྡན་དག་གཞོན་ནུ་བཙས་པ་ནི་ངའི་དོན་ཐམས་ཅད་དང་ལས་ཀྱི་མཐའ་ཐམས་ཅད་གྲུབ་པས་དེའི་ཕྱིར་གཞོན་ནུའི་མིང་དོན་ཐམས་ཅད་གྲུབ་པ་ཞེས་བྱ་བར་གདགས་སོ་ཞེས་བྱང་ཆུབ་སེམས་དཔའི་མཚན་འདི་ལྟ་སྟེ་
D6.010.0266b06.01དོན་ཐམས་ཅད་གྲུབ་པ་ཞེས་བྱ་བར་དེར་བཏགས་སོ། །བྱང་ཆུབ་སེམས་དཔའ་རིན་པོ་ཆེ་སྣ་བཞིའི་ཁྱོགས་ལ་བཞག་སྟེ་སེམས་ཅན་སྟོང་ཕྲག་དུ་མས་བསྐོར་ནས་ལྷ་དང་མིའི་བཀུར་སྟི་ཆེན་པོས་སེར་སྐྱའི་གཞིའི་གྲོང་ཁྱེར་དུ་ཞུགས་སོ། །བྱང་ཆུབ་སེམས་དཔའ་གྲོང་ཁྱེར་དུ་ཞུགས་
D6.010.0266b07.01