完整藏文原文 · 德格版页 当前仅加载第 10 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ནི་བསྙེལ་བ་མི་མངའ་བའི་ཆོས་ཅན་ཡིན་ཏེ། དེ་ནས་བཅོམ་ལྡན་འདས་ཀྱིས་ཕྱག་གཡོན་པ་འཁོར་ལོ་དང་། བཀྲ་ཤིས་དང་། གཡུང་དྲུང་ཅན་བསོད་ནམས་བརྒྱ་ཕྲག་དུ་མ་ལས་སྐྱེས་པ་འཇིགས་པ་རྣམས་ལ་དབུགས་འབྱིན་པར་མཛད་པས་མགོ་ནས་མནན་ཏེ། ཕྱག་གཡས་
D6.010.0167b01.01པའི་མཛུབ་མོ་བཀུག་པས་ཁྲག་དང་བཅས་ཏེ་ཁ་ནས་ཕྱུང་སྟེ། དགེ་སློང་དེ་ལ་བཀའ་སྩལ་པ། དགེ་སློང་འདི་ཅི་ཡིན་དེས་སྐབས་དེ་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི་དགེ་སློང་དག་མི་དབེན་པར་
D6.010.0167b02.01སོ་ཤིང་ཟ་བ་ལས་གྱུར་ཏོ་སྙམ་དུ་མཁྱེན་ནས་དགེ་སློང་དག་ལ་བཀའ་སྩལ་པ། དགེ་སློང་དག་དགེ་སློང་གཞོན་ནུ་(ཆ་,ཆེ་)གེ་མོ་ཞིག་གིས་མི་དབེན་པར་འདུག་སྟེ་སོ་ཤིང་ཐུང་ངུ་ཞིག་ཟོས་པ་དང་། དེ་ལ་ཉེས་དམིགས་འདི་ལྟ་བུ་བྱུང་ངོ་། །དེ་ལྟ་བས་ན་དགེ་སློང་གིས་མི་དབེན་པར་འདུག་
D6.010.0167b03.01སྟེ་སོ་ཤིང་བཟའ་བར་མི་བྱ། ཐུང་ངུར་ཡང་མི་བྱའོ། །དགེ་སློང་མི་དབེན་པར་འདུག་སྟེ་སོ་ཤིང་ཟ་འམ། ཐུང་ངུར་བྱེད་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་མི་དབེན་པར་འདུག་སྟེ་སོ་ཤིང་བཟའ་བར་མི་བྱའོ་ཞེས་གསུངས་པ་དང་། དགེ་སློང་
D6.010.0167b04.01གསར་བུ་རྣམས་གནས་བརྟན་དག་གི་ནང་དུ་འདུག་ནས་སོ་ཤིང་ཟ་བར་བརྩམས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གསར་བུ་དག་གནས་བརྟན་རྣམས་ཀྱི་ནང་ན་འདུག་ཅིང་སོ་ཤིང་བཟའ་བར་མི་བྱ། མི་དབེན་པར་ཡང་མི་བྱའི་འོན་ཀྱང་གསུམ་ནི་དབེན་པར་བྱ་
D6.010.0167b05.01སྟེ། བཤང་བ་དང་། གཅི་བ་དང་། སོ་ཤིང་བཟའ་བའོ། །བཅོམ་ལྡན་འདས་ཀྱིས་སོ་ཤིང་ཐུང་ངུ་བཟའ་བར་མི་བྱའོ་ཞེས་གསུངས་པ་དང་། དྲུག་སྡེ་རྣམས་ལྕུག་མ་རིང་པོ་རིང་པོ་དག་ཟ་བར་རྩོམ་པ་དགེ་སློང་དག་གིས་མཐོང་ནས་སྨོད་དེ། ཚེ་དང་ལྡན་པ་དག་ཅི་ལྷག་ཆད་དུ་བྱེད་དམ། འདི་ལ་
D6.010.0167b06.01ལྷག་ཆད་ཅི་ཞིག་ཡོད། ཁྱོད་ཀྱིས་དགེ་སློང་སོ་ཤིང་ཐུང་ངུ་ཟོས་ཏེ་དེའུ་ཤི་བ་ལས་བཅོམ་ལྡན་འདས་ཀྱིས་བསྐྱབས་པ་མ་མཐོང་ངམ། ཅི་ཁྱེད་ཅག་ངེད་ཀྱི་ལྷུང་བཟེད་དང་ཆོས་གོས་འདོད་དམ། འདི་ལ་ཕན་ཡོན་གཞན་དག་ཀྱང་ཡོད་དེ་རྫ་མའི་འོག་ཏུ་བུད་པ་དང་། དགེ་སྦྱོང་བརྡབ་པའོ། །དེ་དག་
D6.010.0167b07.01