完整藏文原文 · 德格版页 当前仅加载第 10 函德格 168a 版页；藏文 NFD、目录标记与异常页序保留在来源切片中，重复版页行以稳定序号区分。
ཅང་མི་ཟེར་བར་འཁོད་ནས། སྐབས་དེ་བཅོམ་ལྡན་འདས་ལ་དགེ་སློང་དག་གིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་སོ་ཤིང་ཧ་ཅང་རིང་པོ་བཟའ་བར་མི་བྱ་སྟེ། དགེ་སློང་སོ་ཤིང་ཧ་ཅང་རིང་པོ་ཟ་བར་བྱེད་ན་འགལ་ཚབས་ཅན་དུ་འགྱུར་
D6.010.0168a01.01རོ།། །།འདུལ་བ་ཕྲན་ཚེགས་ཀྱི་གཞི། བམ་པོ་{བཅྭ་,བཅོ་}ལྔ་པ། བཅོམ་ལྡན་འདས་ཀྱིས་དགེ་སློང་གིས་སོ་ཤིང་རིང་པོ་བཟའ་བར་མི་བྱའོ་ཞེས་གསུངས་པ་དང་། དགེ་སློང་དག་གིས་ཚད་ཇི་ཙམ་བཟའ་བར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། སོ་ཤིང་རྣམ་པ་གསུམ་
D6.010.0168a02.01སྟེ། རིང་པོ་དང་འབྲིང་དང་ཐུང་ངུའོ། །རིང་པོ་ནི་སོར་བཅུ་གཉིས་སོ། །ཐུང་ངུ་ནི་སོར་བརྒྱད་དོ། །དེའི་བར་ནི་འབྲིང་པོའོ། །བཅོམ་ལྡན་འདས་ཀྱིས་ཕྱོགས་དབེན་པ་དག་ཏུ་སོ་ཤིང་བཟའ་བར་བྱའོ་ཞེས་གསུངས་པ་དང་། ནད་པ་དང་རྒན་པོ་འཁོགས་པ་དག་གིས་གནས་དབེན་པར་འགྲོ་མི་ནུས་
D6.010.0168a03.01ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་ཆོལ་ཟངས་གཞག་པར་བྱའོ། །དགེ་སློང་དག་གིས་ཁང་{བཟངས་སུ་,བཟང་དུ་}དེ་བཞིན་གྱོ་མོ་དག་ཉེ་བར་བཞག་པ་དང་། དེ་ལ་རྐང་པས་རེག་པས་འགྱེལ་ཏེ་ས་གཞི་མ་རུང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གླང་པོ་
D6.010.0168a04.01ཆེའི་རྐང་པ་ལྟ་བུ་དག་ཉེ་བར་གཞག་པར་བྱའོ། །གཞན་དག་གིས་ཆོལ་ཟངས་མ་རྙེད་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་ཆུ་ཁུང་གི་སྒོར་བཟའ་བར་བྱའོ། །དགེ་སློང་དག་ཆུ་ཁུང་གི་སྒོ་ནས་ཧ་ཅང་ཐག་རིང་བ་ན་ཟ་བར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། ཆུ་
D6.010.0168a05.01ཁུང་གི་སྒོ་ནས་ཁྲུ་གང་ཉེན་ཀོར་དུ་འདུག་སྟེ་བཟའ་བར་བྱའོ། །བཅོམ་ལྡན་འདས་ཀྱིས་སོ་ཤིང་བཟའ་བར་བྱའོ་ཞེས་གསུངས་པ་དང་། དགེ་སློང་དག་གིས་སོ་ཤིང་ཟ་ཞིང་ལྕེ་མ་བཞར་བས་ཉེས་དམིགས་དེ་ཉིད་དུ་གྱུར་པ་དང་། བཅོམ་ལྡན་འདས་ཀྱིས་བཀའ་སྩལ་པ། སོ་ཤིང་ཟོས་
D6.010.0168a06.01ནས་ལྕེ་བཞར་བར་བྱའོ། །བཅོམ་ལྡན་འདས་ཀྱིས་སོ་ཤིང་ཟོས་ནས་ལྕེ་བཞར་བར་བྱའོ་ཞེས་གསུངས་པ་དང་། དགེ་སློང་རྣམས་ཅི་ཞིག་གིས་ལྕེ་བཞར་བར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གནང་གིས་ལྕེ་བཞར་བཅང་བར་བྱའོ། །བཅོམ་
D6.010.0168a07.01