完整藏文原文 · 德格版页 当前仅加载第 10 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
སློང་དག་མཆོད་རྟེན་དང་། གཙུག་ལག་ཁང་རྩིག་པའི་གྲོགས་བྱེད་དོ། །ཇི་ཙམ་ན་{རི་དགས་,རི་དྭགས་}འཛིན་གྱི་མའི་ཁང་{བཟངས་,བཟང་}མཐོན་པོར་བརྩིགས་པས་དེ་ལ་གཟེག་དགོས་པར་གྱུར་ན། དགེ་སློང་དག་གིས་ཅི་ལས་གཟེག་པར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་
D6.010.0119a01.01སྩལ་པ། སྐས་ལས་གཟེག་པར་བྱའོ། །བཅོམ་ལྡན་འདས་ཀྱིས་སྐས་ལ་གཟེག་པར་བྱའོ་ཞེས་བཀའ་སྩལ་པ་དང་། དགེ་སློང་དག་སྐས་དུ་ཡོད་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། སྐས་ནི་རྣམ་པ་གསུམ་སྟེ། ཤིང་གི་དང་། ཐག་པའི་དང་། སྨྱུག་
D6.010.0119a02.01མའིའོ། །སངས་རྒྱས་བཅོམ་ལྡན་འདས་སེར་སྐྱའི་གནས་ཤིང་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱི་གཅུང་པོ་དགེ་སློང་དགའ་བོ་ཞེས་བྱ་བ་དེའི་ལུས་གསེར་གྱི་མདོག་འདྲ་ཞིང་སྐྱེས་བུ་ཆེན་པོའི་མཚན་སུམ་བཅུ་ཅན། སྲིད་ཀྱང་བཅོམ་ལྡན་འདས་ལས་སོར་བཞིས་
D6.010.0119a03.01ཐུང་བ་ཞིག་ཡོད་པ་དེའི་ཆུང་མ་མཛེས་མ་ཞེས་བྱ་བ་གཟུགས་བཟང་བ། མཛེས་པ། བལྟ་ན་སྡུག་པ། སྐྱེས་པའི་ཡིད་དུ་འོང་བ་ཞིག་ཡོད་པ་དེ་ལ། དེ་ལྷག་པར་ཆགས་པ་དང་། ཞེན་པ་དང་། འཆུམས་པ་དང་། མདུད་པ་བོར་བ་དང་། བརྒྱལ་བ་དང་། ལྷག་པར་ཞེན་
D6.010.0119a04.01པ་དང་། ལྷག་པར་ཆགས་པར་གྱུར་ཏོ། །བཅོམ་ལྡན་འདས་ཀྱིས་དེ་གདུལ་བའི་དུས་ལ་བབ་པར་མཁྱེན་ནས་སྔ་དྲོ་ཤམ་ཐབས་གསོལ། ལྷུང་བཟེད་དང་ཆོས་གོས་བསྣམས་ཏེ་ཕྱི་བཞིན་འབྲང་བའི་དགེ་སྦྱོང་ཀུན་དགའ་བོ་དང་། སེར་སྐྱའི་གནས་སུ་བསོད་སྙོམས་ལ་གཤེགས་སོ། །སེར་
D6.010.0119a05.01སྐྱའི་གནས་ན་བསོད་སྙོམས་མཛད་པ་ན་དགའ་བོའི་ཁྱིམ་ག་ལ་བ་དེར་གཤེགས་ཏེ་བྱོན་ནས་བཅོམ་ལྡན་འདས་དེའི་སྒོར་བཞུགས་ཏེ་འོད་ཟེར་གསེར་གྱི་ཁ་དོག་ལྟ་བུ་བཏང་ནས་དེ་དག་གིས་ཁྱིམ་དེ་གསེར་ཞུན་མ་ལྟ་བུར་སྣང་བར་གྱུར་ཏོ། །དེས་བསམས་པ། ངེས་པར་བཅོམ་ལྡན་འདས་གཤེགས་ཏེ་
D6.010.0119a06.01དེས་ན་བདག་གི་ཁྱིམ་གསེར་ཞུན་མ་ལྟ་བུར་སྣང་བར་གྱུར་ཏོ། །སྙམ་ནས་དེས་མི་ཞིག་བཏང་སྟེ། ཀྱེ་མི་ཁྱོད་སོང་ལ་སྒོ་ན་སུ་ཡོད་ལྟོས་ཤིག །དེ་ཕྱིར་བྱུང་བ་དང་། ཇི་ཙམ་ན་བཅོམ་ལྡན་འདས་མཐོང་ནས་དེ་རིངས་པ་རིངས་པར་ནང་དུ་སོང་སྟེ། དེས་སྨྲས་པ། ཇོ་བོ་བཅོམ་ལྡན་འདས་གཤེགས་ཏེ་ཆབ་
D6.010.0119a07.01